رديح عبدالعزيز الهومي على الهواء
بسم الله الرحمن الرحيم
هذا الرديح أقيم في مدينة ينبع البحر يوم الأربعاء 26/6/1423هـ بمناسبة زفاف الشاب / عبدالعزيز عبدالله الهومي
لحن ليحان وكان من جدة وحضر من الشعار
محمد أبومازن- عواد أبو رقيبة- الشريف محمد بشيبش- مسعد الشطيري- جبارة العروي- الشريف محمد بن هيرون- عطيةالله الفدعاني
ومن ينبع البحر:-
عايش الدميخي- أحمد الدبيش- شتيوي عبدالله- ناصر الحجوري- محمد جميل - محمد راضي
[poet font="Simplified Arabic,5,black,bold,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
لحن ليحان : -
جــــــــدة :-
الطيب بين العرب مطلب = ومنه مشوا فيه يستوفون
سلام من وفد ومجرب = تاريخهم فالوفاء مضمون
ينبـــــــــــع :-
هذا ماهو شي مستغرب = عندالذي للوفاء يسعون
ترحيب والطيبة مكسب = تأخذ منه قدر ماتعطون
جــــــــــدة : -
جانا الوفاء منك واستقطب = قدر الرجال الذي يعنون
هياأسمع اللي بعد يكتب = ونسجله للذي يقرون
ينبـــــــــــــع:-
درب الوفاء ماعنه محجب = انقدمه والعرب يوحون
وكلاَ حسب مشربه يشرب = والآن هات الذي مكنون
جـــــــــــدة :-
لو قالوا الناس هذا صعب= يبقى على أهل العقول يهون
وأنا من اللى سمعت اطرب = والناس مثلى عنه يثنون
ينبـــــــــــــع :-
حسن النوايا أمر يغلب = وأهل المحاسن بها يرقون
وكل شي مهما بعد يقرب = مادام وزن العقول يمون
جــــــــــــــــدة:-
قرت رياح الرفق والحب = من بعد ماعكرت بسكون
والقرب بين العرب مذهب = اللي على عهدهم يبقون
ينبــــــــــــــــع :-
اللي لهم بالتسامح درب = لابد لأهدافهم يصلون
هذا نموذج ولايشطب = لعله البعض يستقدون
[/poet]
وأنكسر اللحن
وفي كسرة اللحن تغنت كسرة للشاب حمد عبدالله العياشي بمناسبة رجوع الشاعر الكبير أحمد عطا للرديح
[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
جوالصفا مكتمل رسمـــــه = وعــــادت لياليه للماضي
بحضور شاعر غني باسمه = الشاعر أحمد عطا قاضي
[/poet]
وسوف نوافيكم بلحن سلام عند انتهائه
تكملة رديح الهومي على الهواء
لحن ســـلام
وشهد هذا اللحن أجمل مناسبة على قلوب أبناء ينبع الا وهي عودة الشاعر الكبير أحمد عطا
للعب بعد غيبة دامت سنوات وقد قابله شعراء صف أملج
صف ينبــــــع :-
أحمد عطا قاضي ورفاقته
أملـــــج : -
محمود العزازي- عبدالرحمن الصيدلاني- سلطان رمضان - عبدالله باخت - محمد جودة – أحمد الصيدلاني
[poet font="Simplified Arabic,5,black,bold,normal" bkcolor="transparent" bkimage="backgrounds/3.gif" border="none,4,gray" type=0 line=200% align=center use=ex length=0 char="" num="0,black" filter=""]
لحن سلام :-
ينبـــــــع : -
أسمع نغم للصفا والأنــــس = يسريبه الشوق في أعماقي
خلى دموعي نهر من أمس = يجري ونبعه مــن أشواقي
أملـــــــــج :-
أنا هنا أستمـع وأحــــــس = أعجبني المنطـــق الراقي
دموع الأشواق ماتحـــبس = مادام باقــي لــهــا بـــاقي
ينبـــــــــع :-
أحسب غرامي حفظ للدرس = باقـــي عـلى عهــد ميثاقي
لــكن ظـــهر واقعــه بالعكس = ضدي ويسعى على إرهاقي
أملـــــج:-
للمرء فرحــــه وضيقة نفس = دائم مع الروح في اسباقي
ماأظـــن يخفى شعاع الشمس = يبقى حسب مصدره راقي
ينبــــــع :-
روحي وقلبي في وسط الحبس = أقضي المساء فيه وإشراقي
لاأنس عـندي ولا مـــــــــــؤنس = يـطفي لــهيبي وحــــــراقي
أملــــــج :-
من وحـــــــــــــدة الحال لا تيأس = والـــــمرء ياكـــــم بيلاقي
اللــــي مــــــــــــع الوقت متمرس = ما يقول ضاقت بي أخلاقي
ينبـــــع :-
من أجــــــــــــــهزة فنها باللمــــس = يصــــدر أمر والفكر شاقي
قصده يعذب فــــــؤادي بس = وأنا علـــى هـــــــقوتي هاقي
أملــــــج : -
يمكن حصل فالأوامر لمـس = وحال دون الهدف واقي
أشوف بينك وبينه رمـــــس = ماأنتم على خط متلاقي
ينبــــــع :-
أصفق على ما مضى بالخمس = من قلة العدل يارفاقي
كيف أقضي الليل لاعسعس = والشوق خافي ومّتاقي
أملــــــــج :-
أصغيت فكري لذاك الحس = اللي مدون على أوراقي
مواقف العـــــــــز ماتبخس = يبقى صداها فالأفاقي
واللي غرس فالمواقع غرس = يجني منه كل مشتاقي
ومهما ظلام الدجى أدمس = يبقى الأمل شان براقي
[/poet]
وأنكسر اللحن
وسوف نوافيكم بلحن زمانين لاحقا إن شاء الله 0
نتابع معكم الألحان المتبقية من رديح الهومي :
لحن زمانين
وكان المشتكى من أهل جدة والرد من أهل ينبع عايش الدميخي - أحمد الدبيش
شتيوي عبدالله - ناصر الحجوري - محمد جميل - محمد راضي–
[poet font="Simplified Arabic,4,blue,normal,normal" bkcolor="transparent" bkimage="backgrounds/9.gif" border="double,4,gray" type=0 line=200% align=center use=ex length=0 char="" num="0,black" filter=""]
جــــدة : -
كل مازمانين غنو فيه = أصغي له السمع لا غنوه
يزعزع القلب من قاصيه = ويذكر ه بالذي عنوه
ينبــــع البحر:-
هذا هوى روح تستهويه = مهما الذي مبتلين أخفوه
يميزه بالنغم شاديه = وأهله على مركزة علوه
جــــــدة : -
عذب النغم كل مانوحيه = يطرق على القلب لا لجوه
لويخفي الشوق مايمديه = لوكان بعد الوسل نسيوه
ينبـــــــــع : -
أنا تمنيتك تعليه = وتسعد به قلوب من حبوه
اللي لنا فاالمثل تطريه= عادي وكل العرب فهموه
جــــدة :-
أعلى من الرد متحريه = معدود وأهل الفكر عدوه
لكن عليك السؤال القيه = لجل ايش حكم الهوى ماجروه
ينبـــــــع :-
جالك رفيع المثل بانيه = من مجلس المعرفة قروه
ماشفت فاالقيل ماجاريه = تطوير عن سابقه ضافوه
جــــدة : -
غزر المثل راح في عاريه = ولاأرسى في مرساه حين أرسوه
وأخاف يومي معك نقضيه = واللي نتمناه ماوصلوه
ينبــــــع : -
نص الحكم توجه قاضيه = فاعلى المراتب لكم علوه
بس الذي ماحمو قافيه = فالخانه الضيقة حطوه
عن أوله حرفوا تاليه = قدر الذي نرفعه وطوه
خلاص هذا اللحن بنهيه =في ذمة اللي قدر ماأعطوه
واللي كثير الأسف مشقيه = عما رغب بالمثل نحوه
يبقى لنا حق نستوفيه = لوكان طول العمر ساموه
[/poet]
وأنـــــكـــــســــــر الـــــلـــــحــــــن
وهذا لــــحـــــن مـــــالـــــك الــــــــــروح
وكـــــــان مـــــــن أهــــــــل يــنـــبـــع
[poet font="Simplified Arabic,4,blue,normal,normal" bkcolor="transparent" bkimage="backgrounds/8.gif" border="double,4,gray" type=0 line=200% align=center use=ex length=0 char="" num="0,black" filter=""]
يـــــــــــنــــــــــــبــــــــــــع :
حجبـت دمـع العيـون اسنـيـن = حـرصـت ماينسـكـب منـهـا
لكـن تحـدى حجـاج العيـن = ومنهـا تهامـل غـصـب عنـهـا
جـــــــــــــــــــــــــــــــــــدة :
ماأستغـرب ان الدمـوع تبيـن = حتـى ولــو كـنـت صاينـهـا
لكـنـي أســأل سببـهـا منـيـن = وأفتـيـك لابــان باينـهـا
يـــــــــــنــــــــــــبــــــــــــع :
هيـا أستمـع حالـة الشاكـيـن = وجــروح فالقـلـب حاضنـهـا
عيـت عنـه تقـبـل التثمـيـن = ولا بـارحـت عــن أماكنـهـا
جـــــــــــــــــــــــــــــــــــدة
لا بـد عسـر الأمـور يلـيـن = وتـبـرح جـروحـك مواطنـهـا
خـط الأمـل يوصـل الساعيـن = ويـرجـع لـروحـك توازنـهـا
[/poet]
وأنـــــكـــــســــــر الـــــلـــــحــــــن ويـــــــــا صــحــابـــنـــا ســامــحـــونـــا
شـكـر وتقـديـر للشـاعـر محـمـد جـمـيـل عـلــى تـعـاونـه
مــــــــــع تـــحـــيــــات مــراســلـــكـــم
حــســـن مـحــمــد سـعــيــد بـــــن صـغــيــر [geo].[/geo]
