قالوا علامك ياولد تقل مضروس
[align=center]هذه القصيدة للشاعر / حمدان بن عتيق المخلفي
وهي تعبر عن نفسها[/align]
[poet font="Times New Roman,5,black,bold,normal" bkcolor="transparent" bkimage="backgrounds/17.gif" border="double,10,limegreen" type=1 line=200% align=center use=ex length=0 char="" num="0,black" filter=""]
قالوا علامك يا ولد تقل مضروس = قلت اتركوني شي (ن) أعظم من الضرس
لا تحسبونه يا أهل العرف محسوس = ما هو من اللي تلمسه حاسة اللمس
هاجوس يا للي ما تحسون هاجوس = من دق به هاجوس جاء خاطره عمس
حاولت أدسه مير ماهوب مدسوس = متبين خافيه أبين من الشمس
اثر الليالي تعطي أخبار ودروس = وين أنت يا للي تفهم العلم والدرس
تذكروا من كان بالمجلس جلوس = واليوم والله يا عرب مالهم رمس
شيباننا اللي حصلوا كل ناموس = وحرصوا على لإسلام وأركانه الخمس
ومن الشهامة والوفا لبسوا لبوس = يا حي والله لبس هذا هو اللبس
الله يعوضهم بجنات فردوس = ويشفع لهم في ما قفن وقفته حمس
وإلا جيل اليوم ريس ومريوس = وشرهوا على الطولات ويدينهم ملس
والريس اللي صايرٍ عنده فلوس = لو كان ما يعطي من المال لو فلس
يفسح له المجلس وتخضع له الروس = ويسمع كلامه لو كلامه من الهلس
هذا اللي سبب على الكبد فاحوس = شي (ن) نشوفه يمرس كبودنا مرس
والمعذرة يا للي بكم عزة نفوس = يا فاعلين الطيب مع عزة النفس
وصلاة ربي عد برق وغطلوس = على نبي من ترك نهجه أفلس
[/poet]
