لوعاات وجروح

لاتجرحيني يكفي القلب مجروح *** لاقلت احبك اسكتي واسمعيني
ماجيت ادور فيك لوعات وجروح *** جيتك وانا كلي امل تسعديني
جيتك وانا كلي احاسيس ووضوح *** جيتك ابي لو ساعه (ن) تفهميني
والله ماغيرك سكن داخل الروح *** ولا غيرك انتي وسط قلبي وعيني
والعاشق اللي يعشق بصدق مفضوح *** لو جا يرد الشوق لازم يبيني
لا تساليني وش ورى الهم والنوح *** وبعز جرح القلب لاتساليني
ياليتني اقدر على البوح وابوح *** ان كان ماشفتي الشقا محتويني
ياللي تحسبين الهوى لعب ومزوح *** شوفي سواه الهم والعشق فيني
بعض الغرام يجيله شهور ويروح *** وانتي غرامك بالحشا مبتليني
لاتتعبيني يادوا القلب والروح *** لاقلت احبك .. اسكتي واسمعيني