الهنـــــوف

قصيدة رائعة قرأتها للشاعر / حْميد بن متروك السناني

الهنـــوف ( وطبعاً ماهي أي هنوف .. )

لن اقدم للقصيدة فهي تعبر بنفسها عن نفسها ..

[poet font="Simplified Arabic,4,black,normal,normal" bkcolor="transparent" bkimage="backgrounds/16.gif" border="solid,5,seagreen" type=2 line=200% align=center use=ex length=0 char="" num="0,black" filter=""]
بدوار الله أكبر في تبوك بشارع الخمسين
قريت الله أكبر قلت عاش الدين والقانون
تمام الثانية بثنين واحد ليلة الاثنين
من العام الجديد اللي عسى فيه الفرح مضمنون
من الميلاد في عام أربعة والفين
نويت أطلق سراح الهاجس اللي بالحشى مسجون
مساجين القوافي في قفص قلبي لها عامين
تدور للمنافذ وانفجر بركانها المخزون
تصادم رد فعلي مع شعوري واصبحت نارين
بعد ماهي شرارة طايشة من جمرة الغليون
تعالي ياقوافي وابعديني عن حروف السين
تعالي يامواقف والحقيني يا حروف النون
أنا مفتون في حب الهنوف اللي غطاها الزين
وانا مجنونها مثل أن ماليلى لها مجنون
تمكن واغتصب واجتاح قلبي داعج العينين
قسم بالله اموت بحبها والناس ما يدرون
وكثير اللي يقولون الله يعزك يا كحيل العين
وكل انسان عارف قدرها في حبها المفتون
ماحد يحلم يدنسها ولو يحلم نهاره شين
سوات الجنة اللي منطوي من باسها الملعون
تعطر من نسيم المعجزات ومحمكة يا سين
يليق بجسمها الطاهر يليق بخدها المزيون
تعدى عمرها المية ولكن كل يوم تزين
قليل بحقها لو قلت لك تملك جمال الكون
اخذها فارس الاحلام وشهوده معه ستين
تزوجها على المله وحلت له بلا مأذون
كتب من فوق طرحتها غلاق التسع والتسعين
وشهادة حق لا تنكر ورمز الفارس المسنون
توطى في مناكبها وعلمها باصول الدين
تسلمها يد المؤمن وتأخذها يد المأمون
حياة معززة في ذمة الخامس الى هالحين
ونفس المنهج الاول عليه الاربعه يمشون
ثقيلة ثقلها لنع ظفى تخضع لها بكّين
وواشنطن ولندن كلهم في شورها يرضون
تراها مملكتنا الغالية ياللي تقول منين
وهل يخفى القمر ياللي على نور القمر تسرون
لماذا مانتغزل بالجبال وبالحجر والطين
ترعرعنا بها وشلون ما بنحبها وشلون
أكررها مقسما بالله أغلى من سواد العين
فداها عمري الغالي ويرخص لاجلها ويهون
نعيش بعز مولاي المعظم خادم البيتين
نصرك الله مثل ما إنه نصر موسى على فرعون

[/poet]

حميــد بن متروك السناني