الله من قلب تزايد لهيبه ( قصيدة للشاعر محمد مسعود المرواني)
[ALIGN=RIGHT]قصيدة للشاعر محمد مسعود المرواني أرجو أن تنال على استحسانكم [/ALIGN]
[poet font="Simplified Arabic,5,black,bold,normal" bkcolor="transparent" bkimage="backgrounds/19.gif" border="groove,5,blue" type=0 line=200% align=center use=ex length=0 char="" num="0,black" filter=""]
الله مـن قلـبٍ تزايـد لهيـبـه=كنه علـى نـاراً يزايـد حطبهـا
وهمٍ يسافـر بـه وهـمٍ يجيبـه=والحال من همي عظيـمٍ عطبهـا
والوقـت خلانـي بشـكٍ وريبـه=وقتٍ محابيلـه لرجلـي نصبهـا
واليوم أنا شفت العنـا والغليبـه=مع ناس ماعرف ودها من غضبها
ناسٍ غرايب شفت منها الغريبـه=غرايـب الأدوار لـلـي قربـهـا
تسرح وتمرح بالنمايـم مجيبـه=نقل النمايم غايـةً مـن طلبهـا
دايم على نقـل النمايـم رقيبـه=وأكبر مصايب قومها من سببهـا
هو همها شذب العراقيب والغيبـه=ماكنه ألا واجـبٍ مـن مواجبهـا
يودي جهلهـا بالعقـول اللبيبـه=ومن يقرب الأجراب يخشى جربها
وأكبر نصايبها لاصـارت قريبـه=لا ترتجي بعد النبأ مـن عتبهـا
تخلص من مصايب وتلقى مصيبه=عوج المناطق تبهت اللي حسبها
وش عاد لو ترجيـه وإلا تجيبـه=هو حنظله والحنظله من شربهـا
هذا كلام اللي شاربٍ مـن قليبـه=نشايـبٍ والله يخلـص نشبـهـا
يابو ملاك الليـل طـول هزيبـه=والنفس ملت صبرها من تعبهـا
من دون لااشرح لك بيوتٍ كليبـه=تأخذ بشرتهـا وتعـرف سببهـا
وش عاد يابن الجود وش ننتخيبه=وأنته على الهقوات تاخذ صعبهـا
أخذ الرسن واطلق عنان الغضيبه=بنات فكر الشعر عطنـا شببهـا
ولا يعجزك يا الذرب حل الصعيبه=على النقا وأبراج فكـرك شربهـا
وحناعلى حد الوعر من كثيبـه=والنفس مجبوره على مكتسبهـا
افزع وهات السيف ناد المجيبـه=يا طيبٍ كـل المراجـل قضبهـا
[/poet]
[ALIGN=CENTER]أخوكم / محمد مسعود سالم المرواني [/ALIGN]
