ياالله ياللي بيدك اليسر والخير ( قصيدة للشاعر محمد مسعود المرواني

[poet font="Simplified Arabic,5,black,bold,normal" bkcolor="transparent" bkimage="backgrounds/18.gif" border="groove,7,orangered" type=2 line=200% align=center use=ex length=0 char="" num="0,black" filter=""]
يا الله يالي بيدك اليسر والخير =يا معطي الأرزاق يا خير هادي
أنت الكريم مدبر الكون تدبير=وأنت الذي ترجيه كل العبادي
وأنت الودود مجيب داعيك ومجير=يا ومرٍ عبدك لدرب الرشادي
ترفع بشأن أهل الوجيه المشاهير=اللي علاهم في ذرا المجد سادي
حكام مجد وبالحرايب نوادير=عدوهم يجرع بكاس النكادي
الأسرة اللي للمعالي مغاوير=دايم على كسب المعالي شوادي
في مدحهم تقصر حروف التعابير=عيال من يسبق طيورٍ الهدادي
عبد العزيز اللي زها كل تقرير=من طوع البيدا بحد الهنادي
رفيع الهقاوي يوم تحمى المناذير=في ساعةٍ تكسر هقاوى المعادي
وأن حمية الهيجا برمي المقادير=وإن دق في خشم الفتيل الزنادي
نجمن تعلى فوق الأفاق ومنير=مع سيرته هبت هبوب الرشادي
النادر اللي ما مثيله نوادير=البيض ما جبن لمثله سنادي
حكيم ماله مع نواظيرها نظير=الأفكار ترجع من دهاته كسادي
وبانـتهز بالمدح راع التباشير=عبد الله اللي بالمعاريـف زادي
عضيد الفهد عبد الله فعلٍ وتعبير=من للمراجل حط سرج وشدادي
تنشر له البيضا بروس المشاهير=من شام للعليا وكيد المعادي
معطى العطايا كاملة دون تقصير=بالجود مثل مثقلات الرعادي
من دون ماله ما يدور معاذير=هداج تيما بالسنين الزهادي
يا أمير دون الخير نفاخة الكير=اللي عن المعروف دايم حسادي
من دونها يا مير حد بن نواظير=حطو على المعروف شوك ورمادي
ودونها هبت رياح ومعاصير=ينادي زميل ويستمع له منادي
قالوا ما تحـتاج عذرٍ وتبرير=والأعذار موجودة بجمع وفرادي
قلت ما هي مدت كفوف المقاصير=هذا أبو متعب بالمواجيب جادي
يا مير همومي بالضماير مباكير=حطٍ بوسط القلب جرح وصوادي
مشكاي لله ثم لهل التدابير =في حكم أبو متعب مشكاي ومرادي
عليهم السود وردٍ مصادير=ورد ومصاديرٍ ومن ثم تنعادي
تبنا حروف الشعر بالقاف وتسير=وإن ذيعها بإذاعة التلفاز والرادي


[/poet]

[ALIGN=CENTER]أخوكم / محمد مسعود سالم المرواني
مطار ينبع البحر [/ALIGN]