الفـول برياليـن والخبـز بريـال

[poet font="Simplified Arabic,5,white,bold,normal" bkcolor="darkblue" bkimage="" border="none,4,gray" type=2 line=200% align=center use=sp length=0 char="" num="0,black" filter=""]
كريم يابرق(ن) سرى الليـل كلـه=ليله ظلام وبارقـه يشعـل اشعـال
ومزنه مـرَوْدَم والهـوا راكدٍلّـه=والما منه ينزل على الارض شـلال
سبحان مـن أنشـاه فـي قدرةٍ لـه=وبَمْره يسوق ويتجه ويـن ماقـال
كونه بخار ووسطـه المـا يشلـه=ومن البحر ساقه لوديـان وجبـال
ويسقي به ارض(ن) الدهر جاريلـه=يحيي شجرها عقب موته والامحال
يرعد ويبـرق والهـوا سايقاًلـه=بامر الولي عالـم خفيـات الاحـوال
رب(ن) عنـه ماخافيـاً شـيّ لله=يعلم خفايا الخلـق صـادق ودجـال
والارض ملكه والسما تحـت ظلـه=وهو الذي عنـد المهمّـات ينسـال
ومن بعد ذكر اللي فـرض قِبلتلّـه=سر ياقلم واكتب جديـدات الامثـال
اكتب وعبـّر والخطـا عنـك زلـه=في خط واضح واعدل الحرف لامال
اكتب وحبرك دمع عيـن(ن) تهلـه=ادموع عين(ن) من عنا الوقت همال
اكتب كلام اللي نـزح عـن محلّـه=بينه وبينه الف كيلـو بـالاميـال
الياطرا لـه قــام هـمـه يتـلـه=قامت هواجيسه تحده علـى الجـال
والرجل يعرف كيـف دربـه يدلـه=ولا غدا مع قـول عـاذل وعـذال
لا تعيش فـي عيشةاهانـه وذلـه=لوانت تسكن في خـلا مابـه ازوال
ودرب(ن) تشوف ابْه المماشي مخلّه=جنّب عنه والدرب الاقشر للانذال
وفلّ الحَجَاج مـع الرجاجيـل فلّـه=اليا احترمت الناس عـدّوْك رجّـال
والناس تتبـع واحـد(ن) ماتملـه=ومن عال يمه عالوا النـاس لاعـال
لوِنّ بعض النـاس بَلْشـه وعلّـه=حاول عَنِه تِبْعِد بلا هـرج وجـدال
لا تجادلـه تبلـش معـه بالجدلّـه=وينشر علومك ناقل القيـل والقـال
والاّ اليـا منّـك تكلـمـت قـلـه=قول(ن) يخلّي وجهه الوان واشكـال
حتـى يحسِّـب عقبهـا كلمـةًلّـه=بعض السوالف مالها ساس وهبـال
والرجل يُعْرَف من طَرَف هرجتلّـه=هرجِه يبيّن ماطرا لـه علـى البـال
وحذرا الردي حذرا تخاويـه خلـه=لوهو رقا لمنصب ولوهو ملك مـال
انتـه خويـه لابــدت حاجتـلّـه=واليا بدالك حاجة(ن) فيـك ماسـال
ولوطـاب مُـدّه عــوّد لعادةٍلّـه=ماله مع اهل الطيب حظ(ن) ولافال
اسـأل مجـرب والتجـارب مدلّـه=التجربـه درس(ن) مثبّـت وفعّـال
خاويت ناس(ن) من جميع الشِّكلّـه=وفي ماخلق ربـي تهـوّل وتهتـال
احد(ن) خلاف الربـع دايـم يحلـه=واليا حضر ينحلّ بالحـال الاشكـال
واليا فـزع يعجبـك فـي فزعتلّـه=وطيبه مع الاجناب والربع بالحـال
وايضا تْنَوْمِـس للخـوي خوّتلّـه=طيّب وله باالطِّيْب مَخَرَج ومدخـال
وحـد(ن) رديّ وفاشلَـه سمعتلّـه=وشرّه على الاقراب والعم والخـال
وحد(ن) تعجّب مِنْـه فـي هيبتلّـه=ولاقـال يفعـل ميْتَـردّد اليـاقـال
وتشوف فرق اخو(ن) واخو باالجبلّـه=باالطّيب والمَذهب وهُم نسل رجّـال
واللي تشوفه خـارب(ن) مذهبلّـه=ابعد عنـه جعلـه لمليـون سـلاّل
مَنْتَه ا بمجبور(ن) علـى قربتلّـه=لو انته تخاوي هنـود(ن) ونيبـال
وزلّ الخطا عن صاحب الطيب زِلّـه=وخويّك ادمح زلتـه وِنْـسْ ماقـال
يمكن تجي كلمـه مَهِـي مقصدٍلّـه=احذر يجيك من الخطا شكّ وجْفَـال
الرّجـل مالـه بالعمـر مكسبـلّـه=والله لا قالو رجـل طيـب وعمـال
ياجامـع(ن) للـمـال ومخزّنلّـه=وش يستفيد الرجل من جَمْعة المال
ان ماوقـف بـه لا بـدت عازتلّـه=لامات من ماله ماغير الكفن شـال
ماالله خلَف فـي هاالحيـاة اتعبلّـه=والمال بالي والعمـر باالمثـل بـال
واللي يفكـر بـس فـي عيشتلـه=الفـول برياليـن والخبـز بريـال
[/poet]
[ALIGN=CENTER]خليف الوهيداني
اهداء لمن هو خائف على رزقه [/ALIGN]

واللي يفكـر بـس فـي عيشتن لـه
الفـول برياليـن والخبـز بريـال
وابراهيم الدبيسي يسوى كنوز الدنيا كلها طيبة قلب وصدق مشاعر وقلب ابيض

صح السان القايل والناقل والكاتب والقاري ملااييييييييييين
رحم الله والديك قصيده جزله بالمعاني والحكم الله يوتيك الحكمه يامن كتبتها هنا وياليتنا نراسل على الاجهزه لهلحين غير يسمعونه عدة مرات لكن الموعد في المقناص يابوا خليل

هناك بعض البيوت حصل فيه خطاء غير متعمد فالشاعر يعرفها ويعرف نطقها يمكن من الطباعه

(بينه وبينه الف كيلوا بالا iiميال)
التعديل (بيني وبينه الف كيلوا بالاميال)
(حتى يحسب قعبها كلمت iiله)
التعديل (حتي يحسب عقبها كلمت له)

وارجوا عدم المواخذه

اخيكم غريب الشرقيه

اقتباس:

---

كاتب الرسالة الأصلية إبراهيم الدبيسي
[poet font="Simplified Arabic,5,white,bold,normal" bkcolor="darkblue" bkimage="" border="none,4,gray" type=2 line=200% align=center use=sp length=0 char="" num="0,black" filter=""]

لوِنّ بعض النـاس بَلْشـه وعلّـه=حاول عَنِه تِبْعِد بلا هـرج وجـدال
لا تجادلـه تبلـش معـه بالجدلّـه=وينشر علومك ناقل القيـل والقـال
والاّ اليـا منّـك تكلـمـت قـلـه=قول(ن) يخلّي وجهه الوان واشكـال
حتـى يحسِّـب عقبهـا كلمـةًلّـه=بعض السوالف مالها ساس وهبـال
[/poet]
[ALIGN=CENTER]
[/ALIGN]

---

ــــــــــــــــــــــــــــــــــــــــــــــــــ ـــــ
يعطيك العافية ياابومشعل القصيدة رائعة
وهالأبيات الأربع بالصميم

[ALIGN=RIGHT]مع اطيب التحيات والشكر للأخ ابراهيم الدبيسي
قرأت القصيدة عدة مرات .. وفي كل مرة أراها أجمل وأعمق .
بس آه .. ياليت الذاكره زي أول كنت حفظتها من ثاني أوثالث مرة لأنها سلسة وآسرة .
تطفلت على الشعر وتفاعلت مع جرسها وقافيتها .. فقلت :[/ALIGN]

[poet font="Simplified Arabic,4,white,normal,normal" bkcolor="indigo" bkimage="" border="none,4,gray" type=2 line=200% align=center use=ex length=0 char="" num="0,black" filter=" dropshadow(color=black,offx=4,offy=4)"]
تشكر ياالدبيسي على قصيد (ن) في محله = من ذوقك العالي لاخترت الأمثال
والشكرموصول للشاعر اللي نسبة (ن) له = هاذي القصيدة الموعظة وزين الأقوال
[/poet]

[ALIGN=CENTER]العزيز الربياوى(( راعى الطيب كله ))

..ما ذكرته دليل قاطع على ماتحمله نفسك الزكية من نقاء وصفاء .. نهنئك عليه


العزيز غريب الشرقيه او الشرق

اهلا بك ياشاعرنا يامن أغتربت شرقا وقلبك لا يزال معلق بالينبعين .. وترى جاهزين للمقناص بس خلنا نردد الى أن يأتى الموعد

(( الجيب جاهز وللمقناص مشتاقى ,,, مشتاق للقنص متى يجيبونه )))

العزيز مشرفنا الشاعر (( ابو بندر ))

حقيقة القصيدة كلها جزله وذات معانى جميله وتحمل حكم ومواعظ وهذا سر اعجابى بها

وما اقتبسته منها لا شك يمثل جزئية مهمة ... والعاقل من امثالك لا يسره مثل هذه النوعية

العزيز محب الموروث

اسمك يحبننا فيك ...لان من يحب الماضى هم ممن يحملون اصالة وطيبة .. وترديدك لهذه القصيدة .وحرصك عليها .. يوضح لنا صفاتك الطيبة .. التى تحرص على التمسك بها من خلال تفاعلك مع مافى هذه القصيدة من صفات رائعة [/ALIGN]