رجال المرور يخطفون سيارة

في الاسبوع الماضي عندما كان ولدي يقود سيارة عمه على مقربه من مستشفي ينبع الصناعية وفجأة إذ بدورية المرور تسقط عليه في الشارع وتنزله من السيارة، وتم تفتيش السيارة وتفتيش ولدي شخصيا واخبروه بأن هذه السيارة عليها بلاغ رسمي من الساعة السابعة صباحا والحادثة حصلت في الساعه الحادية عشر ظهرا. والغريب أن السيارة لم تتحرك من المنزل منذ ستة أيام، المهم اللي صار بعد ذلك أنه طلع أحد رجال المرور في السيارة وحط رجله والاخر في سيارة الدوريه وفحط وتركوا أبني في الشارع في حرارة الشمس دون شفقه أو رحمه ثم أتجهو بالسيارة الى طريق ينبع البحر.:mad:
الحاصل اتجهت أنا وابني واخي صاحب السيارة الى مرور ينبع البحر حتى نسأل عن السيارة وكانت الإجابه بأن السيارة ليست موجودة لديهم. قالوا روحوا الى الدوريات والنجدة. طيب روحنا للدوريات والنجدة وسألنا عن السيارة قالوا ماجتنا، والمصيبه أن الضابط حق الدوريات قاعد يلعن ويسب حقون المرور ويقول مايعرفون شغلهم، واحنا ضعنا في الطوشه وضاعت سيارتك ياصابر.:confused:

ماعلينا المهم أنا قلت أن السيارة أنسرقت من ناس لابسين لبس رجال الأمن ( كل شي يجوز في الزمن هذا ). عاد رجعنا للمرور في قسم الحوادث وقلنالهم إنه الدوريات يقولوا انها ماهي عندهم عند المرور، وإنتو تقولوا عند الدوريات. قلت ياولد مالك إلا المدير، وطلعنا عند المدير، وبعد البحث والتحري وشرب القهوة والتمر والسب والمراضاه ( ماعلينا بلاش فضائح ):D
اتضح أن السيارة في الحجز ، وانه سبب الحجز هو عدم وجود الاستمارة ، وانه اللي يسوق السيارة ماهو صاحبها علما بأن الاستمارة أخذوها مع السيارة والسيارة بأسم عم الولد يعني في تشابه في الاسماء. شكلهم مالقولهم حجة قالوا نحطها في الإستمارة.:p

المهم لاكان فيه بلاغ ولايحزنون وكل مافي الموضوع ( في ظني ) أن العسكري كان نفسة يسوق السيارة وماقصر أخذها لغاية الحجز يعني قرابة 20كم ودخلها الحجز دون علم الضابط.
الحمدالله على السلامة رجعت سيارتك ياصابر وراح الموضوع سلامات والولد رجع البيت مشي مسافه بسيطه 5 كم بس.

الحمدالله علي كل حال.:cool:

طبعا إنته تبغو تعرفوا إيش نوع السيارة، وأنا ما كنت أبغى أقول بس مادام حلفتوا راح أقلكم
السيارة من نوع جيب GXR 2003
واللة العسكري معذور صراحة ,,,,,,,,,,,,,,,,,,,,

اسمحلى اخوي الصهود
اقول انك رمه ولو منته رمه
كان تاخذ حقك منهم وتربي هولاء الحوش
ولو انا مكانك والله لاانزل رتبة الجندى الى هندى لكن
ااااااه ماتصير الا مع الضعاف

ياأخي انت متأكد ان ( العسكري) إلي أخذ السيارة في ينبع الصناعية؟

أنا أعتقد عدة إحتمالات :-

1- إنه إبنك ممكن كان رايح للفلوجة وخطفوه المجرمين

2- أو إنه كان في طريقه إلى مطار بغداد ، ومسكوه.

3- ممكن إبنك مطلوب للإنتربول الدولي

4- أو إن إبنك كان له دور في أحداث .............

5- أو إن إبنك لم يرشح ....................... في الإنتخابات!!

6-أو ممكن سيارتك إنسرقت في شيكاغو.

صادوه

ومسكوه

وفتشوه

وخدعوه

وسرقوه

وماهي غريبه عليهم كل المشاكل عندهم