يازين في قلبي من الود صدمات قصيدة غزلية للشاعر محمد مسعود المرواني

[ALIGN=CENTER]اليكم هذه القصيدة وأتمنى أن تحوز على رضاكم [/ALIGN]

[poet font="Simplified Arabic,5,black,bold,normal" bkcolor="transparent" bkimage="backgrounds/23.gif" border="none,4,gray" type=0 line=200% align=center use=ex length=0 char="" num="0,black" filter=""]
يازين في قلبي من الود صدمـات=وقلبٍ رماه الحب يصعب علاجـه
ما عاد ينفع شوفتي لك بشاشـات=يا كود بعد المستحيـل انفراجـه
بيني وبينـك حايـلاتٍ مسافـات=صعبٍ علي مشاهـدك والمواجـه
يا زين جرعني لظى البعد لوعات=والقلب كنه على التنور وهاجـه
أبا أتمنا واسهر القلـب بالـذات=ولو كان مالي بالتمنـي مزاجـه
وبسهر الأفكار واكتـب بروفـات=وأقول أنا لي با ريش العين حاجه
وببتكر فكرة ولـو كـان ماجـات=ولو قيل لي في مبتكرها انعواجه
لبلير بارسلهـا ويـم الولايـات=وأقول سياج القلب طاحت أبراجه
ابكتب وبرسلها على أرقام موجات=وبأدعـي بالحـرب ولا المواجـه
أنا صويب الرمش والعين وشفات=وجيدٍ كساها الدر يضوي سراجه
وخدود حمرٍ والملامـح فريـدات=تزها شعاع الصبح عند انبلاجـه
والعين حوراً والمحاجر كحيـلات=وجدايلاً من فوق الأمتـان تاجـه
وأهداب رمشٍ للمحاجر ظليلات =لاسلهمت بالرمش لحظة اغناجه
ونحيل جسم ٍ والمزايـا كثيـرات=ومبيسم حلو النبـا فـي مزاجـه
وبالصدر مركوز النواهد صغيرات=وحظٍ ملكهـا مالـك كـل حاجـة
الله يتمم بين الأحبـاب فرحـات=ومن ضاق به وقته يعجل انفراجه
[/poet]

[ALIGN=CENTER]اخوكم / محمد مسعود سالم المرواني
مطار ينبع [/ALIGN]

[ALIGN=CENTER]قصيدة رائعة يااخ محمد بارك الله فيك على هذا الجهد الواضح والمميز في قسم الشعرالشعبي [/ALIGN]

صح لسانك يابن مسعود الله يزيدك من الخير

[ALIGN=CENTER]صح لسانك يامحمد ويعطيك العافية

وحظٍ ملكها مالـكٍ كـل حاجـة

لم يأت هذا الشطر إلا من عاطفة صادقة وقويّة
كان الله بالعون[/ALIGN]