هنا البحر 2

اخواني

البحر يكسب التحدي

هذه المرة البحر اعطاني كسرات تفوق عدد الشعراء .

قلت له : الاسماء الموجودة عندي تسعة .

قال : وبقية الشعراء .

قلت له : ينبع بها شعراء كثر ولكن المتواجدين بالمنتديات ومن نستطيع مراسلتهم عن طريق الاصدقاء غطيناهم تقريبا حتى ان هناك كسرات لم تصل لاصحابها حتى الآن .

قال : واين مراديد الشعراء .

قلت : اعطيهم فرصة هذا الاسبوع .

قال : انا جاهز .


[poet font="Simplified Arabic,4,black,normal,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
من البحر للشعراء :

ناصر الحجوري
الناس بعد السفر ترتاح=وتراجع الفقد والعايد
وانت نصيبك من الارباح=بالنقص ولا معك زايد
***
الرد من ناصر
مذكر احد عن حصيله باح = اوخالف المنهج السايد
وانا السفر مهنتي ياصاح = وربي بكثر السفر رايد
***
محمد مستور
كلا اخذ فالهوى قسمه=وانا السهر نائبي فالليل
يترك لي الشوق في رسمه=اعيش به للفجر في ويل
الرد من أبو مستور
الود ما حد شكى خصمه = حرصك تشكى منه تضليل
وان كان مانلت من سقمه =ما تنتهي لو بذلت الحيل
***
للبحار الثاني
كل يوم ارسل شروق الشمس=على البحر للاصيل اهديه
واقول انسى عذاب الامس=لكن جروح المسا تحييه
الرد من البحار الثاني
ان كان تسمع من اللي حس=ويشعر بجرحك وما تخفيه
شمر يمينه ومد الخمس=يسعى معك للذي تبغيه
لا يملك الروح منك اليأس=وتفقد أمل كنت مترجيه
خليك واثق ثقة بالنفس=ان الصبر يابحر يشفيه
***
عبدالحميد قاضي
الود ضيع مصالحنا=ولنه حضر خاطري يفرح
بالرغم ماهو في صالحنا=ان طولت غيبته يجرح
***
الرد من عبد الحميد
كمل الهوى في جوارحنا = عـيا مـنـه قـلـبـنا يـبـرح
نسـامـحـه مايـسامـحــنا= ونسعى عسى باللقا يسمح
***
النرجسي
اشكي ثلاثه لاهل الليل=ماشفتلي في عناها حل
هم السهر والهجر والويل=يالنرجسي قول ويش اعمل
الرد من النرجسي
خذها نصيحة بلا تأويل = من حب دايم بها يشغل
هذا دليل الهوى والميل = ومايضرك الهجر لوطول
***
إلى محمود لافي
شخص طبيب الغرام القلب=اللي من سنين ذاق الويل
قللي ترى مايفيد الطب=ماصار في حالتك تعديل
***
الرد من محمود لافي
باحاس مرهف وقلب محب= لاتحملونه أسى وتنكيل
خلي الأمل والرجاء فالرب= وخلك لبرق الأمال مخيل
***
الاديب سعد سعيد الرفاعي
لا صار مبني على المجهول=حسن الامل فالهوى ينجح
ولا انتظار العليل يطول=ابغى اسألك ايهم ارجح
الرد من سعد سعيد
عن سيبويه الحكم منقول = ما ينوب نايب ولا يصلح
إلا إذا الفعل للمفعول = ناسب وهيأ له المسرح
***
عبد الرحمن عايش الدميخي
هيا استمع للذي وده=ياما تغرب عن الاوطان
يشكي وسم السهر هده=من نار الاشواق والحرمان
***
الرد من عبد الرحمن
شوف الذي للسفر حده = وسبب الآه والاحزان
يمكن ظروفه اتت ضده = رغما عنه فارق الخلان
***
حسين ابو هلال
فاول شباب العمر حبيت=ايام كان الهوى رايق
والان فيه التعب عانيت=ممشاه ماهو معي لايق
الرد من أبو هلال
ما دمت من صاحبك مليت = واصبحت من مشيو متضايق
قدام لا تقولها ياليت = اشطب على اسمه وعيش رايق
***
فهد الرفاعي
اللي بوصله عطاني عهد=واقسمت ابقى على عهده
صادق معه مكتفي بالوعد=لكن معي ما صدق وعده
الرد من فهد
دنياك ماهي على ما تود= كثير من خالفه وده
ملزوم فاللى معك ويعد = من لاشقى فيك لاتعده

[/poet]
*************************************************
شكرا للمتعاونين والمشاركين 00 بهذا الرد نختم كسرات البحر2 حيث اكتمل عقد هذا اللقاء ومع خادم ينبع سيتواصل العطاء0/ أبو سفيان0

الى خادم ينبع

هذا رد الاخ العزيز فهد الرفاعي احد اعضاء منتدى الشعر المعاصر .

.................................................. ...................................


بكل الحب والتقدير والاعتذار عن التأخير

اليك الرد :


[poet font="Simplified Arabic,5,black,normal,normal" bkcolor="transparent" bkimage="backgrounds/7.gif" border="none,4,gray" type=0 line=200% align=center use=ex length=0 char="" num="0,black" filter=""]
دنياك ماهي على ما تود= كثير من خالفه وده
ملزوم فاللى معك ويعد = من لاشقى فيك لاتعده

[/poet]