مرشد البذال رحمه الله

معظمنا إن لم يكن جميعنا يعرف الشاعر الكويتي الشهير مرشد البذال رحمه الله
ومن لا يعرف هذا الشاعر الكبير الذي كانت له مساجلات مع كبار الشعراء أمثال محمد السديري وصقر النصافي وسليمان بن شريم وزبن بن عمير رحمهم الله جميعا وغيرهم من شعراء الجيل الذهبي للشعر
شاعرنا رحمه الله كان شاعرا مبدعا في جميع مجالات الشعر وبالذات في الغزل
فهو صاحب القصيده التي مطلعها
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
البدو غربال القلوب المشافيق
=ياما عديت بدربهم وأتعبوني
وياما رقيت براس عالي الشواهيق
=أخيل في عيني توال الظعوني
[/poet]
وكلنا يذكر قصيدته الشهيره مع زبن بن عمير التي يقول فيها
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يازبن ماضية السنين عسفتني
=وخلصت من طرد العذارى وصديت
وجفيت متعبة القلوب وجفتني
=إلا نهار السبت بالسوق مريت
شافت عيوني شوفة كلفتني
=ياليت عيني طاوعتني وصديت
[/poet]
وهي قصيدة طويله ورائعه أرسلها لزبن بن عمير وكان رد زبن لا يقل عنها روعه
المهم يروي أن مرشد عندما أحس بقرب وفاته كتب هذه الأبيات بعد أن كبر في السن
وبدون أن نطيل عليكم نترككم مع القصيده

[poet font="Simplified Arabic,4,black,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
ياحول أظن الحق جتني طروشه=جتني مناديبه وأنا عنه منحاش
اليوم كن بداخل الجوف هوشه=مثل إختراش الزلم في داخل الجاش
يالله عسى عفوك ولطفك نحوشه=ويالله بحسن الخاتمه عند الاقراش
ودنياك لو تعطيك حلو المعوشه=تالي سوالفها تعود على ماش
يا ما خذينا فاول العمر شوشه=وياما مشينا مع مظاهير وأدباش
في خايعٍ وبل الثريا رشوشه=نجنا الزبيدي في صحاصيح ودشاش
وياما جلسنا مع مرودع نقوشه=في سهلة ما حدرنا زل وفراش
في وسط روض مخضرات خفوشه=نبته جديد ومبعدين عن الطاش
نبنوب لا طفله ولا بمخروشه=عنق الفريد مذيره زول حشاش
قامت تخاطبني بنفس هشوشه=بس الكلام وعرضها أبيض من الشاش
لاشك من طول الغياب محشوشه=تونس معاليقه من الهجر عطاش
أسرار في وسط القلوب مخشوشه=بين الثنين ولادرى عنها الواش
ربعة وفاء ولاالسلب ماننوشه=ماني لوجه معذب الحب خماش
واليوم مالي مع هل الصيد نوشه=عطيتها غيري بلا سوم ببلاش
عند الطبيب وصار عندي وحوشه=ومن الاقامه صابني هم وخراش
هالحين شفني قاعد عقب دوشه=اصلب اعضاي وكن بالجسم هشهاش
خليت ديواني ومجلاس حوشه=واليوم شفني ساكن بدار الانعاش
والنفس ضاقت عقب ماهي بشوشه=مثل المقيم اللي على نو مطراش
امطرفٍ بالباب قشه ونوشه=ينطر خويه بين هجده ومغباش
=الشاعر الكبير/مرشد البذال رحمه الله

[/poet]

[ALIGN=CENTER]ومن لا يعرف مرشد البذال رحمه الله وهو الذي يوصي

إبنه عبيد في تلك القصيدة[/ALIGN]



[poet font="Simplified Arabic,5,black,normal,normal" bkcolor="burlywood" bkimage="" border="double,4,crimson" type=1 line=200% align=center use=ex length=0 char="" num="0,black" filter=""]
يالله يارب الضعوف المساكيـــن=اللي لك المخلــــوق يحســـن صلاتـه
تستر على غوشن صغارن مكفين=أكبـــرهم العــارف دليله عصاتــه
لا يـــا عيالي كلبوكم حبيبيــــن=عندي وعنـــد الناس كلن وذاتــه
عندي غلاكم يدفن الزين والشين=وعند العـرب كلن تشاف اخملاتـه
يا عبيد أنا خابرك ورعن لهالحين=داوي بغبــــات الجهــل وظلماتـــه
لاشـــك علمي لـك محبه وتفطيــن=تسمــــع الوالــــد وثبــت وصاتــــه
وصــــاة مخلوقن يعرف القوانــين=مافـــاة عمـره بالجهل والهياتـــه
يا عبيد انا أوصيك مني بثنتين=ثنتيـن هن سؤ البشر وحسناتـــه
أوصيك لاتبحث سدود المغيبــين=ولاتجهــــــر اللي غارقن بغفلاتـــه
ترى النميمه تمحق الرزق والدين=والمنـزل العالي تهدم طبقاتـــه
لاتحسبن أهل الظليمه بخيتـــــين=كلـــــن يوافق ما عمل في وفاتـــه
وانـذّرك حق الضعيف المسيكين=اللي علـــى حقــــه يهـل عبراتــــه
ترى الضعيف ليا غدى الليل ليلين=يدعـي وعند الله توافق دعاتـــه
الظلم فإن الظلم يفنى السلاطين=ياويــــل راعي الظلم من مقبلاتــه
وأنذرك عن ربعة رخو من هياسين=اللي سوالفهــــم بــوده وهاتـــــــه
ويا عبيد الأقشر لوصفا لك نهارين=نهــــار ثالــث جاك يرفع عصاتـــه
والله عندي ربعة الناس الأقصين=ولا صديقـــا يبلشـك في حياتـــــه
ترى الرجال ابهم فهود وحياويــن=جاك الكـــلام اللي صحيحـا ثباتـــه
إن كان ما تدري ترى الاس دراين=الرجل مدحـــه بالمجــالس طراتــــه
رجلـن تعلــق به رجالــــن مسلمين=عز الرفيـــق ولابتــــه والحماتـــــه
ورجلن تشوفه جسم وعيون ويدين=ولولا الشعـر ما تفرقه من خواتـــه
كم واحد بالبيت يضرب بسيفين=وأن جـاء حزم كلاب قبع عبادتـــه
والحلم عن الغيض ينجي الشياطين=يكفيك شر إبليس هو و دحراتـه
[/poet]



[ALIGN=CENTER]ذهب
من
هنا
وهو يسّجل إعجابه

بهذه القصيدة[/ALIGN]

شكرا لك يا أخي ناصر على تواصلك وتسلم يمينك على كتابتك لهذه الرائعه من روائع مرشد البذال

اليوم أخترت لكم قصيدة لمرشد البذال رحمه الله من قصائده الأجتماعيه
وذلك أنه في يوم من الأيام حضر إليه شخص وقال والله يامرشد البارح كنت عند فلان وفلان وكانوا يحكون فيك حكي ماهوبزين وحبيت أبلغك
فردعليه شاعرنا بهذه الأبيات التي يقال أنه أرتجل أول بيتين منها ثم أكمل الباقي ولا عجب فشاعرنا كان شاعر محاوره من الطراز الأول
يقول مرشد البذال
[poet font="Simplified Arabic,4,black,normal,normal" bkcolor="transparent" bkimage="backgrounds/20.gif" border="none,4,gray" type=0 line=200% align=center use=ex length=0 char="" num="0,black" filter=""]
قالوا حكوا بك قلت وش هم يقولون؟
=وش قيل فينا يالوجيه الفليحه
شوفوا مرد الهرج وش هم يطرّون
=حتى نعرف مزوره من صحيحه
كان الكلام من المعادي على هون
=بعض المسبه بالمجالس مديحه
تجيه عربان من الله يخافون
=عن الظليمه ينصحونه نصيحه
لو كل خلق الله على الحق يمشون
=كان القلوب من الخطا مستريحه
كم واحد بعروض الأجواد مفتون
=وهو سلومه يفضحنه فضيحه
وكم واحد يطعن وهو فيه مطعون
=يذم ريح الناس والشين ريحه
بعض كلام الناس تهمات وظنون
=قول تنميه الوجيه الوكيحه
والظلم لو فازوا هله مايدومون
=راع الظليمه لا تباطا مطيحه
والناس هذي الناس من عصر ذا النون
=كل على دربه ركابه مشيحه
مقرود يامن بدل اللون بالون
=بعض الكلام يحرفه عن صحيحه
والصدق هو والكذب ماهوبمقرون
=كان إنها تدرس بلهجه فصيحه
مايمدح الرجال بالشكل واللون
=ابحث معه لينك تعرف القريحه
تراك تعرف عنه وانتم تهرجون
=يبين لك من كل جود نضيحه
المستريح اللي من الشك مامون
=مع كل خلق الله علومه مليحه
حي عليه الناس بالشكر يثنون
=وإلا توفى خله الله يبيحه
وكم واحد لوهو بالالحاد مدفون
=ذكراه عند الناس بيضا صفيحه
وكم واحد يجمع ملايين وخزون
=مال تنميه اليدين الشحيحه
لا تشكره رملا ولا فك مديون
=ولا حل مشكلة النطيح ونطيحه
ولا له علىجاره من الفضل ماعون
=لو إن جيرانه تشوف الذبيحه
وكم واحد جيران بيته يحمدون
=للجار ريف وللجماعه منيحه
وكم واحد منه العوادي يخافون
=زبن المخيف اللي كثير فحيحه
ربعه نهار الضيق فيه يتذرون
=لا جا نهار فيه لجه وصيحه
وبعض الرجال بهم شريفين وعفون
=كل على ماقال يرجع لكيحه
وبعض الرجال بهرجهم يستغلون
=يجيبها من نوع زلقه بطيحه
هذاك بين له من الهرج مدفون
=خله إلا شافك يزين سميحه
الهرج له نقاض والرد للشون
=مزح الجزع يأثر بكبدك جريحه
هذا وأنا ماني من الناس ملسون
=لاشك أنا أرفض من تزايد جميحه
قلته وكل الناس غيري يقولون
=راعي الظليمه لاتباطا مطيحه

[/poet]