واناطالبتك تكفى ياحبيبي لاتكبرها..(( قصيده وفائيه جميله ))

[ALIGN=CENTER]حبيبي لاتكبرها ترى الضيقه تجي وتروح
واناطالبتك تكفى ياحبيبي لاتكبرها

ترى الدعوى بسيطه لاتزوّد فالجروح جروح
وانا كاتبتها للقصيدة ياحبيبي وأنت شاعرها

أنا لولاك ماشيدت لي وسط القصيد صروح
تراك أجمل قصيده حب أكسرها وأجبرها

تراك أنت الوحيد اللي سكن وسط الجسد والروح
و تراك أحلا عباره دايم أكتبها وأعبرها

تراك أنت البدر لامن طلع زاد الوضوح وضوح
تراك أحلام توقضني ولا ادري كيف افسرها

عطيتك من عروق القلب شيكٍ بالغلا مفتوح
وعطيتك كل كلمه من صميم القلب مظهرها

وتخطي ثم تخطي بس أقول بخاطري مسموح
أنا وشلون أطالع غلطتك ياكيف أناظرها

ترى مقدر على صدك ومهما تروح أنا باروح
الين القاك واجدد محبتنا واطورها

وانا بقول لك كلمه: ترى الضيقه تجي وتروح
وترى الدعوى بسيطه ياحبيبي لاتكبرها [/ALIGN]


قصيده اعجبتنى ..واتمنى أن تعجبكم م م

ويقال انها لشاعرة احبت أن تنهى مشكلتها مع زوجها بهذه الطريقه .. وانها ولنعم الطريقه ... عرفت كيف تجذب زوجها وتنهى المشكلة بصدق العاطفه وزين الكلام

وهنا اذكر قصيده لشاعر كان له نفس الطريقه مع زوجته عندما تحدث عن المشكلة شعريا وكانت ذو أثر عظيم فى انهاء المشكله وعادت له زوجته واصبحت تتردد بين الناس

لى بنت عم ماوطت درب الادناس .................... مادنست يوم النساء دنسنى

ضربتها وانا احسب الضرب نوماس .. ..............وطلقتها يوم راح العقل منى

وحقيقة هى قصيدة جميله لا احفظ بقيتها..

واتمنى من يعرفها ان يزودنا بها لا نها قصيدة مشهوره

[poet font="Simplified Arabic,5,teal,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=" glow(color=red,strength=5)"]
عطيتك من عروق القلب شيكٍ بالغلا مفتوح=وعطيتك كل كلمه من صميم القلب مظهرها
[/poet]
[ALIGN=CENTER]يا سلام والله كريمه وبنت اجواد بس الله يكثر من الشيكات:)
ولك تحياتي يا غالي،،،[/ALIGN]

[ALIGN=CENTER]بسم الله الرحمن الرحيم

أشكرك أخي الغالي/ إبراهيم الدبيسي على هذه القصيده الممتعه

وتقبل مني هذه القصيده للشاعر::فهيد بن شرعان بن فاران الرمالي الشمري ..

وتدور احداث القصة في قصة عشق بين الشاعر وبين ابنة عمه الى وصل الامر الى الزواج ..
وكانت هذه المراة من اجمل بنات قبيلتها وعرفت بجمالها الكبير وعرف الشاعر فهيد بحبه لها ..

وكان النساء في ذلك الوقت (يروون) الماء من البئر وكانت تذهب هي وخمسة من بنات قبيلتها وذات يوم اتاهم قاطع طريق وطلب ان يقبلهن وحده تلو الاخرى ولا يقوم بقطع (قربة) من ترفض ووافقن جميعهن الا هي لم ترضخ فقام بشق
( القربة ) وخوفا من الفضيحة قام باقي النساء باشاعة خبر بين القبيلة انها مكنته من نفسها ..

ونتيجة لبعض العراك الذي حدث شق ( القربة ) وانتشرت الكذبه فيما بين القبيلة حتى وصل الامر الى فهيد وقام بتطليقها لكنها كما يبدو بينونه صغرى يستطيع ان يسترجعها من خلالها...

وبعد مضي 3 اشهر جاء قاطع الطريق وبين حقيقة الامر وعندما علم فهيد بالحقيقة ذهب الى عمه لاسترجاع زوجته لكن عمه رفض في البداية فكتب هذه القصيدة التي كانت سببا في عودة زوجته اليه ويقول فيها :

[poet font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياراكب ثنتين يشدن الاقواس =من دار ريضان الحجر حركني

مافوقهن كود الدويرع وجلاس= وسفايف بين اربع يلعبني

تحركنا من عندنا حين الامراس= ومضى سواد الليل مابركني

حكن علم عذفا يسارن من الرأس =والظهر مع ورد الحفر يشربني

وحطو لهم مع هقلة الحضر بلاس =عن الحضر واللي بالخلا يسرحني

وليا لفيتوا عند مدقوق الالعاس =الجادل اللي بالمحبه محني

قولوا على حبل الرجا نطوي الياس =ولبيض غيره كلهن يحرمني

ولو يندوي جرحي دويته بزفواس =ولا بني رفاف البيت منكم ومني

والله يعلم بالخفايا والآجاس =حيث مضى من صغر سنك وسني

وياعم اللي طعت بي هرج الانجاس =طاوعت هرج الناس واخلفت ظني

طعت بي ياعم دايس ودرباس =وعوارض صدقتها وابعدني

ومن لااخذ من درس الاسلاف نبراس =تمضي حياته بالرجا والتمني

واقفيت ادير بظامري كل هوجاس =على وليف بالحشا غاب عني

تكبي خواطرهم ليا جيت عساس = ولاتقل انا منهم ولاهمب مني

ومريت دار ماتقل جنة الاوناس = وونيت ودموع العيون ذرفني

جيت المراح اللي بالعشب محتاس =العشب في مضرب وسادة معني

محذا شبة الناس ومشتاقة الراس =وثلاث لايبكن ولاينبكني

لي بنت عم ماوطت درب الادناس =ولادنست يوم النساء يدنسني

ضربتها وانا احسب الضرب نوماس = طلقتها يوم افخت العقل مني

ياناس كيف العين تبكي على ناس = وكيف العيون بلا رمد يسهرني

لو ينشكي حبي على ذيب لاخماس = يسرح مع الطليان مايجفلني

ولو ينشكي حبي على طير قرناس = اضحى الضحى بمويكره مستكني

ولو ينشكي حبي على قب الافراس =عين نهار الكون لايفزعني

ولو ينشكي حبي على الميت ماناس =يثور من بين النصايب يوني

ولو البيوت مشددينه بالامراس =عين مع الخفرات لاينبنني

وحتى النجوم اللي مع الليل غلاس = لو ينشكي حبه لهن وقفني

ولو ان غوطة (دم سلمان ) واضراس = يدرن بماقلبي لقلبه يكني

تلقى سهل جبة هضاب ومنحاس =وحتى الجبل بالقاع صار متثني

اشرفت رأس ضراس من فوق الاطعاس = ولالوم طراد الهوى لو يجني

هليت دمع العين واوميت بالراس =ورافقت كور العيس ياما ابعدني

ورفعت نفسي عن شبا كل وسواس =البعد احلى من حياة التمني

انا زبون الحرد للخيل مدباس =ياكلشن شهب الشوارب نخني

نفسي تشوم عن التدلبح مع الساس =ولاعاش من هو عن رفيقه يكني

من شيدوا (زينة ) على غيد واغراس = ليا نسيت رسومهم ذكرني

ياعم انا لي طلبة الراس بالراس = ياعم شوف رسومهم ماانمحني

ولو صرت ان القلاع ماشلت الاضراس =والموس مايقطع بليا مسني

ياصار ماربعن على الرائ جلاس =وجنحان طير السعد يلفحني

نصير دوم للصقاقير مدواس = مثل اللي يسمع صفير المغني

والله يلولا بكرة يبووناس =حبه سكن باقصى الضماير محني

والله لو هي ماتبيني فلا باس = لاشك خبثان النفوس طردني

وانا احمد اللي خالق كل الانفاس = وجعل وساع القاع مافيه مني

دار بدار ولامناخات الانجاس =ياصار مايمناك عينك تزني

في بلدة الغراف من جملة الناس =ولا نيب من يرجي الخلايق تحني

دار به الاكرام والطيب به ساس = دايم تذكرني ليال مضني
[/poet]
وبعد القصيدة رجعت له ابنة عمه وعاش معها باقي العمر

وتقبل تحياتي

الأسير لها[/ALIGN]

[ALIGN=CENTER]العزيز عاصفة الصحراء

اشكر لك مرورك العذب



العزيز الاسير لها

لقد فاجأتنى بسرعة الرد .. ويبدو انك على اطلاع واسع على الشعر الشعبى .

عموما لا ملك الا ان اشكرك على تقديم لنا هذه القصيدة والمعلومات عنها



دمت دوما متميزا [/ALIGN]