وش صلاح الدين عندك والصناديد الكبار
[poet font="Arabic Transparent,4,white,bold,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
التقدم ما نحوزه بالمياعه والغرام يا بو الهش !!
للشاعر فيصل السبيعي :
جيتنا مرفوع راسك بالبطولة يا هشام = وش صلاح الدين عندك والصناديد الكبار
الجماهير أهتفت لك بالتحية والسلام =والصور زادتْك شهرة يا علم فـي أعلاه نار
بس قل لي وش بطولتْك الفريدة يا هُمام = وش رفع راسك علينا من كبارْ ومن صغار
وكيف صارت صورتك فوق الصدور أغلى وسـام = وليش تهتف لك هتافات البطل حامي الذمار
وأي حربْ أبدعت فيها بالسيوف وبالسهام = واي الخيول اركضت بك بين فوز وانتار
ما أشوفك غير خايبْ في فعولك والكلام = آخر أهدافك تغني بين دفّ وبين طار
ما ألومك بس ألوم اللي يشوفك شخص هام = واللي أيشوفك علامة للرقي والازدهار
التقدم ما نحوزه بالمياعه والغـرام = وأنت وأشباهك من أسباب البلا والانحـدار
العرب والمسلمين اليوم موتى أو نيــام = والعــــدو ينفث سمـوم المفسـدة فـي كل دار
كيف ترضى تصيرجندي في صفوف أهل الظلام = كيف يا ابن الفطرة اللي منبتك بأطهر ديار
تفتخر باللي فعلته تحسبه ارفع مقام = وتفرح انك صرت بين المترفات أنت الــــستار
الفخر ماهو تحدي للحلال وللحـرام = والفخر ما هو بذبحك للحيا ليل ونهـار
الفخر مخافة الله والمشي بدرب الكــرام = والفخر فكرٍ نظيف ويمنًى تعمّر عمار
[/poet]
