(( هذه قصيدة واحد من الشباب يبغى يغير منهاجه القديم !!! ))

[ALIGN=CENTER]
خلاص أنا ناوي على تغيير فكري السقيم



..............................................عزمت أغير منهجي مادام عندي الأختيار



بفصل الثوب الجديد وبرمي الثوب القديم



..............................................واغي ر أصحابي اذا ماطاوعوني في الخيار



قرار جدا منطقي وجاي فالوقت السليم



.........................................عصر انفتاح وفرصة الواحد يغير فالمسار



الي يفكر في الغنم والبل ترى عايش جحيم



..........................................ان قال اساميها تحس انه طلع معها غبار



حتى قصايد ياوجود يهب ذعذاع النسيم



{والجمس الحمر} ماتوفي بالغرض{والفكس ار}................................



ماعاد تنفع وقتنا الحالي وذا منطق حكيم



.............................الحين صارت شمس {روبي}واضحه مثل النهار



اقوى مغني في العرب {شعبان ابن عبدالرحيم}



................................و{البرتقاله } تعتبر فديو كليب الأنبهار



صار اهتمامات البشر{ دي جي}وتشغل{حكيم}



........................................عمار يامصر القديمه مع جديدتها..عمار



اتفه مغني عندنا هو صاحب الفكر القويم



.....................................تصريحه الناري مثل ..يلقى معزه واعتبار



شبابنا شبابنا راحو ورى ليل عتيم



....................................باعو أصالتهم برخص وغيرو نهج الكبار



الوقت ضايع والبطاله فعلها فينا مقيم



أكبر مشاغلنا {مسج} ونرشح {السوبر ستار}.................................



هذى حضاره ماتجملنا وذا واقع اليم



وين المبادي والقيم ؟!! وين المعزه والوقار؟!!...........................



في هالزمن ماعاد تعرف من كريم ومن لئيم ؟



....................................في هالزمن كل شي توجه باتجاه الانحدار



عادي اذا شفت المطر في هالزمن من دون غيم



................................عادي تقبلها ترى النار تبدأ من شرار



الله يثبتنا على نهج الصراط المستقيم



..................................والله يحسن خاتمتنا في زمن صاير دمار[/ALIGN]