حصيلة تجارب

بعد طول غياب تقبلوا مني هذا العبث

[poet font="Simplified Arabic,4,crimson,normal,normal" bkcolor="transparent" bkimage="backgrounds/8.gif" border="none,4,gray" type=2 line=350% align=center use=ex length=0 char="" num="0,black" filter=""]
لا إله إلا الله الواحد اللي نرتجيه = ما لغيره نتجه بالرجاوي والسؤال
نعبده لما يجينا يومنا اللي نحتريه = يومنا اللي لا حضر قدر علينا الارتحال
الزمان أخذت قسمي منه وأعطيت فيه = كل ما جيته بحــاله يقابلني بحـــال
وما تعودت اشتم الوقت ولا اشره عليه = حامد الله في زماني لو علي الوقت مال
يكفي إني سلم من التجارب معتليه = طلت شئ ما يطوله جنيه ولا ريـــال
التجارب علمتني مدارات السفيه = وان لقيته في يمين الدروب انحر شمال
وما لقيت اقشر من الحاجة تسوق الوجيه = لو بلاها ما عرفنا مواقيف الرجـال
علمتني من هو اللي ليا ضقت انتخيه = دللتني سكة النور في سو د الليـــال
والله ان الجود راعيه وجهه يحتميه = ودك انك لا تفاولت يطلع لك بفال
والبخيل اللي من الجود ما تندا يديه = حنظله لا زاد منها ولا منها ظلال
ما لقيت اجهل من اللي لا ضاقت يجيه = ويتحرى مدة المال من عباد مال
والله إني ما نهبت العرف نهبه وادعيه =الليالي علمتني ولو ما هي طوال
اشهد اني عشت عمريعلى كل الوجيه = ذقت فبه المارد الهمج والعد الزلال
مره احصل مناتي وانول اللي الابيه = ومره احمول الليالي على متني ثقال
واشهد إني نلت قسمي من الحب النزيه = اكذب أن كان الهوى قلت مالي به مجال
ساقني في سكة الحب فرحة والديه = من تحلى بالفضايل وحلته لخصال
محتوي زين العذارى وزينه محتويه = لا طرتلي صورته قلت لله الكمال
والله اني قبل اشوفه واعرفه والتقيه = ما اقتنعت بقصة المسك من دم الغزال
ولا اقتنعت بقول من قال قلبي مهتويه = ولا اقتنعت بلذة الشوق ودموع الوصال
لين حصلته على أول محطات المتيه = نلني واخلف طريقي وناداني تعال
ما دريت إلا وان مندفع من غير ليه = واتكلت وقلت يالله عليك الاتكال
انعمي يا نفس بالحب مادامه نزيه = وارتوي يا زهرة العمر بالعشق الحلال
[/poet]

صح لسانكم يا سعد الهلــــولي
قصيده رائعة فيها كثير من المعاني والحكم

ولقد تم أخذ نسخه منها للإحتفاظ بها

[ALIGN=CENTER][ALIGN=CENTER]أخي الغالي ...

الأستاذ الشاعر الجميل /سعد الهلولي
شهادتي بك مجروحة ..ولن أوفيك حقك
مهما سطرت....حيث العبارات
تستحيل عندما ,,
أحاول صوغها لتوفيك حباً يضاهيك
ومع ذلك أبت أناملي
إلا أن تدوّن شيئأ ...ً

أبو العنود ....للروعة قمم لايصل بنا
إليها إلا كل شاعر تنقاد له القصائد
بمثل هذا الإبداع.. وبمثل هذه السلاسة
التي تمتلكها ....مرحاً لك ولرائعتك

عزيزي ....نتمنى دائماً قراءة المزيد

نلتقي دائماً .......أخوك...شاعرالغربه[/ALIGN][/ALIGN]