((يالعرابي ما يصح الا الصحيح))

[ALIGN=CENTER]

ما يصح الا الصحيح[/ALIGN]
[poet font="Simplified Arabic,4,orangered,normal,normal" bkcolor="transparent" bkimage="" border="none,4,sandybrown" type=0 line=200% align=center use=ex length=0 char="" num="0,black" filter=""]
أبتدي بسم اللذي علمه صريـح=محصي(ن) بيض الليالي وسودها
جل شانه خالق الكـون الفسيـح=منشيً مـزنٍ تتالـى رعودهـا
صّور الإ نسان في شكـلٍ مليـح=ميـزه بأشيـا عظيـمٍ فودهـا
ميزه بالنطق والعقـل الرجيـح=فـي مزايـا نـادره بوجودهـا
يستعيد الروح من وسط الضريح=وكل نفـسٍ ترجـع لمعبودهـا
أرسل الإ نجيل بلسان المسيـح=وموسى (للتوراة) صان بنودهـا
ونزل القران في وحـيٍ فصيـح=للرسول اللـي وفـى بوعودهـا
وبعد ذكره قلت أنا قولٍ نصيـح=في قصيده فاهـمٍ مقصـو دهـا
والمعاني عن هوا نفسي تبيـح=من بحر فكري نظمت عقودهـا
في كلام الصدق نفسي تستريـح=وقلت كلمة حق ضمن حدودهـا
ينمدح من كـان أهـلٍ للمديـح=والبنـادق روحهـا بـارودهـا
ياالعرابي ما يصح إلا الصحيـح=والسوالف نقصها مـن زودهـا
خذ وكاد العلم وش لك بالضحيح=والقضيـه تنتهـي بشهـودهـا
من مشى بالطيب يا لوجه الفليح=ينذكر به لـو سكـن بلحودهـا
ومن حفظ نفسه عن العلم القبيح=في فخر يجني رحيـق ورودهـا
ومن بناله مجد عالـي مايطيـح=حولة الحسـاد تبـدا حشودهـا
حول مجده يكثر عـواء ونبيـح=والعـواذل لـه تعـد جنودهـا
والحيايـا ماجداهـا إلا الفحيـح=والمكايـد مانفعـت نمـرودهـا
مايهم أهل الفخر قـول الشفيـح=يـوم بـاح بخافيـات سدودهـا
باع طهر النفس ولحقـده منيـح=ونفسه القشرا هـوّة منقودهـا
لاسمعته بالمجالس لـه ضبيـح=قلت هذا مـن أشبـال فهودهـا
وبالرخى ماله مثيـل ولانطيـح=وبالشد ايد مـا يحـرك عودهـا
دايـمٍ لعيـوب غيـره يستبيـح=ونفسه لعيبـه كثيـر جحودهـا
في صحيح العلم معروفٍ شحيـح=خان نفسه واكتستهـا لهودهـا
ياالعرابي مآبه احـدٍ مستريـح=والسوالـف عـارفٍ مردودهـا
[/poet]
[ALIGN=CENTER]محمد العيسى[/ALIGN]

[ALIGN=CENTER]مايصح الا الصحيح[/ALIGN]

تشكر اخي المنظار على هذا المرور الرائع الذي يعني لي الكثير.

ودمت ولك التحيه والتقدير،،،