رأيكم في المحاوله

إخواني الأعزاء أحببت أن أصافحكم بهذه المشاركه بعد غيبة طويله عن المنتدى فرضتها علي ظروف العمل و التعيين وأحب ان اشاهد أرائكم وإنتقاداتكم


[poet font="Simplified Arabic,4,black,normal,normal" bkcolor="transparent" bkimage="backgrounds/9.gif" border="none,4,gray" type=0 line=200% align=center use=ex length=0 char="" num="0,black" filter=""]
يا مل قلب ما مرح اللـــــيل ملتاع=سهران لـيــن الصبح بيّن طلوعه
قـــــلبٍ غدى للهمّ مرتع ومرباع=كثرة همومه عقــــبت فيه لوعه
وقتٍ يقلبنا على أشكــــال وأنواع=يقـطعك ياوقــــتٍ تغير طبوعه
يجعلك عن دار الــمـحبيـن نزّاع=ويـذكر المشتاق ديــــــرة ربوعه
وذكرت أنا لي صاحـبٍ وافي الباع=شـخـصٍ عزيزٍ بس فيه القطوعه
لــــه منزلٍ متمكن بين الأضلاع=يـعلم بها من شاف قلبي وضلوعه
وش الذي غيرك يازين الأطباع=وأنا مــمـاشي لك برسم المطوعه
إن كان وصلك هرج حاسد وطماع=يجلس لهرجتكم ويرخي سموعه
يفرح بها ويجازي الصاع بالصاع=يبغي الــمـضرة مايريد النفوعه
واحذر ترى قلبة زمانك بالإسراع=والـنفس من دنيـاك ماهي قنوعه
وختامها صلوا على سيد الأتباع=نبــينا محــــمد عظيم الشفوعه

[/poet]