بدال الجرح.....تســـــ(99)ـــه وتسعين

[poet font="Simplified Arabic,4,darkblue,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
لحظه ترى ماجيت اقدم لك اعـذار=لحظه وبعده سـوي اللـي تسويـن
لحظه بصحِّح بيننا بعض الافكـار=وباقول لـك حاجـه قبـل ماتقوليـن
لا تحسبينـي بانثـر الدمـع وانهـار=والا اترجى واطلبـك مـا تروحيـن
روحي عسى دربك بساتيـن وازهـار=روحـي وغيـري بالمخاليـق تلقيـن
صحيح لك بالقلـب حشمـه ومقـدار=لكـن شسـوي لـك اذا مـا تحسيـن
لي قلب لامنـه عشـق حيـل مـدرار=ومن الغـلا عنـدي يكفـي ملاييـن
بس إن لقى صد وجفى صـار جبَّـار=وأقدر افـارق واهجـرك لاتخافيـن
يابنت انا لي عزتـي وباخـذ الثـار=وابغى انصحك لارحت اصحي تنادين
ماني براجع لاتقوليـن وش صـار؟=لاتسألينـي ليـه ؟ انتـي تعرفـيـن
غيـرك تمنونـي وبالعـب وباختـار=واعشق بدالك الـف وحـده بيوميـن
وانتي رصيدك بالغلا عندي اصفـار=ماهـو بذنبـي ماعرفتـي تحبـيـن
وكل الذي لجلك كتبتـه مـن اشعـار=والله خسـاره فـيـك ماتستحقـيـن
حتى صورك اللي من العـام تذكـار=بادوسهـا وانتـي قبالـي تشوفـيـن
يامـا عطيتـك الـف إنذار..وانـذار=أقـدر افارق..قلـت لـك : لاتحديـن
واليوم انا ليه اتعـب النفـس واحتـار=دامـك جرحتينـي وكنتـي تسلـيـن
إن كنت حي ومن طويليـن الاعمـار=لجرح بدال الجـرح تسعـه وتسعيـن
والحين يالله خلـي دموعـك امطـار=وباحاول اضحك طول ما انتي تصيحين
[/poet]
منقول للشاعر اسير الظلام

[ALIGN=CENTER]
مشكور أخي النادر على هذه القصيدة الرائعة واسمح لي بنقلها إلى مكانها المناسب وهو قسم الشعر الشعبي ولك تحياتي وتقديري [/ALIGN]