كسره لرثاء الامير عبد الرحمن بن سعود

[ALIGN=CENTER][/ALIGN]


مرحوم يا امير التواضع جعل مثواك الجنان
اللي تضلك يا كريم الخلق تحت اضلالها
مرحوم والله يغفر اذنوبك ويجعل لك مكان
في ضله وملا بضله حالته يرثالها
الله يجيرك من عذاب القبر يا رمز الكيان
اقولها واللي يحبك يا بوخالد قالها
والله يصبرنا على الفرقاء وصحكات الزمان
والصدمة اللي من قساوتها عجزت احتالها
رسالة جتني على موبايلي عن شيء كان
من هول صدمتها عيوني كنه ايورالها
اكذب اصدق وعد العشر وتعود ثمان
واقدم الدله واثرني ناسيا فنجالها
من هول ما جاني تقول اني على اوجاعي موهان
من عقب ماني ساكب الغترة رميت اعقالها
وقضيت يومي بين تنهيده وعبره ما تبان
والناس لو تخفي خفاياها تبين احوالها
الله يبيحك يا بوخالد والامل مرفوع شان
بعيالك اللي للمهمه ترتكي لثقالها
مامات من خلف وراه رجال سمعتهم تصان
اشباب من ذاك الاسد يا الله تطيب فالها
والتعزية مني لهم والله يحفزهم بامان
والله يصبرهم على الدنيا واهوالها
والتعزية للمملكة والشعب والاسرة تعان
عونة عزيز مقتدر حتى تطيب افعالها
هذا وعاد النصر والجمهور والمقصد كيان
اقدم احر التعازي واسرته عزالها
تمت وصلى الله على الهادي ويالله المستعان
هذي هي الدنيا كذا ما باقي يبقى لها