(( ياهــيــه...........للعاشقين فقط))
اعزائي اعضاء منتديات المجالس الينبعاويه هذه احدى قصائدي اردت ان تكون من ضمن روائعكم على امل ان تحوز على القليل من رضاكم وهي اول مصافحة لي هنا معكم والشكر موصول لمن ارشدني اليكم
[poet font="Simplified Arabic,4,black,normal,normal" bkcolor="transparent" bkimage="backgrounds/23.gif" border="groove,4,gray" type=0 line=200% align=center use=ex length=0 char="" num="0,black" filter=""]
يــــــاهــــــيــــــه
ياهيـه ياللـي تملـك الـروح ياهـيـه=ياللـي ملكـت بغيـر مااشعـر كيانـي
يامـن ضلوعـي والمحاجـر حراويـه=يامن ترعـرع فـي صميـم المحانـي
جيتـك بشعـرٍ فيـه لـوم ومشـاريـه=شعـرٍ يعبـر عـن قضايـا زمـانـي
شعرٍ تعـدا الوصـف تزخـر معانيـه=وشلـون وانتـي للقصـايـد معـانـي
لكـن ببالـي شـيء وازريـت اخفّيـه=شـيءٍ يـزود مـع غيابـك جنـانـي
ان قلت لي وش صار وش قلت وش فيه=باقول لك وش صار ليـه انـت جانـي
واقول لك وش قلت مـن غيـر تنويـه=واقـول لـك وش فيـه وانـا مكانـي
حـبٍ بنيـتـه لازم انــك تـداريـه=ماعمـر صـار انسـان هـادم وبانـي
انـا سهـر رمشـي ودمعـي يخاويـه=وانتي سهر رمشـك بضحـك وأغانـي
انـا لـي الحرمـان والهـم والتـيـه=وانتي ضحك لك وقتي اللـي عصانـي
قلتـي هـذاك الـدرب لازم تبـاريـه=دربٍ علـى سمـر الليالـي حـدانـي
دربٍ مشـوه النـاس مايعنـي امشيـه=يعنـي ادور فـي حـذر درب ثـانـي
من شـاف غيـره واعجبنـه خطاويـه=ضيّـع خطـاه وضيـع العمـر عانـي
الحب مابه عيب وان قلـت لـي: ليـه؟=قلت: الهـوى مالـه حـدود وموانـي
الحـب بيـن اثنيـن: يعطيـك تعطيـه=ساعـة يعانـي لازم انــك تعـانـي
الحـب بـيـن اثنيـن:مـره وحالـيـه=الحـب بيـن اثنيـن: حـلـم وأمـانـي
الحـب بيـن اثنيـن: كـدره وصافيـه=الحـب بيـن اثنيـن:صـدق وتفـانـي
الحـب ابـوي اللـي بعـادٍ مسـاريـه=الحب شيخ ان ضاق وان جـار حانـي
وأنا واعـوذ مـن الأنـا بيـن اياديـه=ربّانـي وعـزز بـقـدري وشـانـي
صحيـح عذبنـي ولكـنـي ارضـيـه=الحـب يبقـى وارذل العمـر فـانـي
علمني انـي ماانشغـل عـن سواهيـه=واخفـي عـن العـذال شـيءٍ دهانـي
خلاني اخفـي شـيء مـاودّي احكيـه=خلاني احشـم عـن جمـودك لسانـي
فـزّي لـك الله مابـقـى مانجـاريـه=الوقـت مالـه غـيـر ذل وهـوانـي
نادينـي وقولـي حبيـبـي وانـاديـه=لأجلـه ابيـع النـاس قاصـي ودانـي
قولـي حبيبـي فيـه ضيقـه واسليـه=قولي حبيبـي ضـاق صـدره وجانـي
وانا عشانـك بأقطـف الكـون واهديـه=واهديـك مـن وقتـي جميـع الثوانـي
روح وجسد والبعـد وان حـل طاريـه=بأموت مـن شانـك وموتـي عشانـي
الدرس واضح وارجـو انـك فهمتيـه=وان مافهمتـي بأرجـع اعيـد ثـانـي
وســــلامــــتــــكــــم
[/poet]
البعيد
