[ معــوّض خيــــر ]

[poet font="Simplified Arabic,4,darkblue,normal,normal" bkcolor="white" bkimage="" border="double,9,blue" type=0 line=200% align=center use=ex length=0 char="" num="0,black" filter=""]
[ معوّض خير ]

معوّض خير ياحيٍ تهقوى في الزمان ومال=سنينك لو رقيت بعدلها يطرحك مايلها
تعلّم وإعرف إن الدرب قدامك سهل وجبال=جبال تطولها وجبال بعيونك تخايلها
ومعوّض خير ياحيٍ وردت الماء بدون حبال=يطول بك الوقوف وشربة الماء ماتحصّلها
وقوفك عند راس البير مايسقيك لو فنجال=ولاينفعك شوف الجمه اللي منت طايلها
ومعوّض خير ياحيٍ خدعك من الرجال أشكال=تشوف أشكالها وتحطها أرفع من منازلها
تعلّم من زمانك لاتصير من أجهل الجهال=ترى في كل يوم تجيك عبره لاتجاهلها
إذا ربي وهب لك عقل تلقى في الرجال رجال=تعرف اللي يطلّع قيمتك واللي ينزلها
ترى من بعض مايندي الجبين ويحرج الرجال=لياساق الميانه في نفوسٍ ماتقبّلها
ومهما شفت في صاحبك من نخوه وطيبة فال=ترى بعض السجايا كثرة الإلحاح يقتلها
معاريف الرجال ديون وديون الرجال ثقال=لياصرت متعافي ليش تغرق في جمايلها
رصيدك في حياتك سمعتك مع طيبين الفال=رجال الطيب والمعروف بالمعروف عاملها
ولاتبدي بجاهك في مقامٍ مايسر الحال=ولاتشفع لناسٍ ماتنومسك بفعايلها
لياجاتك تعذّرها مدام العذر له مدخال=ووقت الجد قول لها الصحيح ولاتجاملها
وخذ مني نصيحه لاتصدق كل ماينقال=يجرك للنميمه لين يطرحك بحبايلها
يجيلك ناقل النمّات بهروجٍ تغث البال=سوالف في قفاك وحظك أطيب يوم تجهلها
يبرر بالحميه والصداقه شينة الأفعال=يجمّل صورته بعلومه اللي ماتجمّلها
ولو كانت حميه فيك رد المخطيه في الحال=ولاكان إستمعها في قفاك وجاك شايلها
ترى من جاب لك ودّى وهذي عادة النقال=يحاول يقتنص من فمك كلمه لأجل ينقلها
ومثل ماقال عندك راح عنك وعند غيرك قال= وزوّد عشر فوق الكلمه اللي كنت قايلها
تجنّب مجلسه لاتجلس إلا مع كريم خصال=تحمّل ميلته وإن ملت ميلتك يتحمّلها
ولاتصبر على الجار الردي لوهي ثلاث ليال=تضرك جيرته لوكان بيبانك تقفّلها
وبيع الدار بأول سومةٍ تعرض على الدلال=ورزقك عند ربٍ كاتب اللقمه وكافلها
وبنتك لاتزوجها الردي لوهو كثير المال=تربيها على الطالات وتشوّه سلايلها
وكم من لاش يرمي خيبة إبنه فوق راس الخال=لوإن الخال من روس الرجال ومن دلايلها
ليامنك عرفت تميّز الطيّب من البطال=وفادتك التجارب في الحياة وفي مسايلها
وكشفت الفرق مابين الصحيح وحيلة المحتال=وتعلمت الفراسه في الوجيه اللي تقابلها
بعد هذي ترى مالك غنى عن صحبة العقّال=يدلونك برايٍ ينقض الدعوه ويفتلها
يقولون الرجال اللي سوالفهم حِكم وأمثال=ليامن ضاعت الحيله يدل القوم عاقلها
نصيحة واحدٍ جرّب وشاف من الزمان اهوال=يقدّم لك خلاصة هجرةٍ جرّب هوايلها

عبدالله الطلحي
.
[/poet]

[ALIGN=CENTER]وأنا أقول ( معوض خير اللي مايقرأ هذه القصيدة ويطبق كل ماجاء فيها من النصائح والحكم الرائعة )

الأستاذ والشاعر القدير عبدالله الطلحي صح لسانك على هذه القصيدة التي حوت على العديد من الحكم والنصائح والله يعطيك العافية على هذا الإبداع الذي لايقدر عليه إلا الشعراء الكبار امثال عبدالله الطلحي 0 [/ALIGN]

[ALIGN=CENTER][/ALIGN]

[ALIGN=CENTER][/ALIGN]

[ALIGN=CENTER]

صح لسانك يا صاحب الرباعيات الشهيرة

قصيدة رائعة

[/ALIGN]

الجهني


هذا من طيبك يالغالي



أشكرك من القلب


ولاعدمتك


.

شاعرنا القدير المبدع دائما عبدالله الطلحي :هذه القصيدة ليست أبياتا شعرية كتبت فقط ،بل بستان تنوعة فيه الزهور والورود وكل الشتلات الجميلة ،قصيدة تفوح منها رائحة المسك والعنبر ،من قرأها وتأمل فيها لايملها ولايكل من قراءتها ،راياحينها تعجبني وكلماتها أطربتني ،لك مني كل كلمات الشكر ،وبانتظار جديدك الذي سيكون بالتأكيد جميل .