بين عايد القريشي وبنية العروي
[poet font="Simplified Arabic,4,darkred,normal,normal" bkcolor="transparent" bkimage="backgrounds/5.gif" border="ridge,4,indigo" type=0 line=200% align=center use=ex length=0 char="" num="0,black" filter=""]
عايد القريشي :
يامن بكم خاطري شاقي=كلّف عليّا وجيت أرضيه
سلام صادر مع أشواقي=لأهل الفرح فالصفا نقريه
بنية العروي:
يامن بكم تم ميثاقي=درب الوفا دايماً تمشيه
ترحيب يامن بكم هاقي=توالي الطيب وتوافيه
عايد القريشي :
زان الصفا والمثل راقي=والطيب ما ينّكر راعيه
ياليت عندي مدى باقي=أكمل صفايا معك وأوفيه
بنية العروي:
شوقٍ على شوق متلاقي=دايم على خاطري طاريه
في ليل فيه الدجى ناقي=آخذ نقيّ المثل وأعطيه
عايد القريشي:
كان العوافي ومشراقي=باقي معك ماأنتهى ناهيه
مظلوم بأقدم أوراقي=واللي ظلمني بأقدّم فيه
بنية العروي:
ليل الصفا تو ماراقي= ( باقي من الليل ما يكفيه )
أعطيك من طالع إسياقي=لني سمعت الذي تشكيه
عايد القريشي :
ليّا خصم ضيّق أخلاقي=وعكّر على خاطري صافيه
لا فيه غيرك ولا لاقي=في عدل الأحكام مترجّيه
بنيه العروي:
أبذل معك كل ما ألاقي=إن كان ذاته ما تصخي فيه
خلك معه ند عملاقي=سايس أمورك معه وإنهيه
عايد القريشي:
عنيد ما يسمع إنطاقي=والسمع صمّه ولا يصغيه
وكل مانهيته عن فراقي=كـأنـي أزيد واعصّيه
بنيه العروي:
لو كنت عن خصمكم واقي=لك جملة أيام مترجيه
لابد لك العدل ينساقي=وتشوفه الناس وتخطّيه
[/poet]
ويصحابنا سامحونا
