كل مااصبحت شمسها وامسيت **** فالدم تجري مجاريها

هذه المحاوره جرت مع الشاعر عايش الدميخي في 1415/11/15

عايش
آنا تقانعت وإستكفيت **** عن كل جده ومافيها
يللي معي بالوفا وفيت **** مواقفك كيف نوفيها

القاضي
لنك توريت صك البيت **** وإعط المفاتيح راعيها
وآنا ازورك إذا مليت **** صحبتك ماني بناسيها
عايش
ياليتك تطيعني ياليت **** وتكب جده لهاليها
تفرح بك المزرعه لاجيت **** بلدانها مع مباديها

القاضي
لو كان عن ديرتي قفيت **** دايم على البال طاريها
بس المعايش لها توقيت **** تجبر على اللي مصاليها

عايش
من عمرك اليوم ويش بقيت **** للدار واللي مواليها
مادام ماجيتها واحييت ***** ماضي جدودك وماضيها

القاضي
احسب لها كل ماصفيت **** يوم افتكر في لياليها
وادعي لها كل ماصليت **** لعله الرب يحييها

عايش
انتم لكم فالقرايا صيت **** وجدك رجل كان قاضيها
ياما سمعنا عنه ووحيت **** امجاد والناس ترويها
القاضي
آنا عن الدار ماكليت **** هي مسكني مااقدر انفيها
كل مااصبحت شمسها وامسيت **** فالدم تجري مجاريها

عايش
توك تهاديت واستهديت **** لربوع ينبع وواديها
وآنا تحراك لاشديت **** ووجهت وجهك نواحيها
القاضي
عنيتني ياالذي ناديت ***** بالحان كنا نغنيها
لأيام مامثلها حليت **** يوم النهر كان يرويها

عايش
النصح من واجبي واسديت **** نصيحتي وانت توحيها
غني زمانين لاغنيت **** في يوم لاجبت طاريها

القاضي
لاتظن عن ديرتي صديت **** من مهجتي مااقدر امحيها
وان كان باقي عمر ضليت ***** ميعادنا في مراسيها

سلمتما ودمتما بخير
محاورة جميلة

يا روعة المحاورة بين العملاقين الشاعرين / أبو طلال وأبو إبراهيم


وما أحلى الذكريات والأيام التي انطوت يتذكرها من عايشها


ويحن اليها من والفها شكرا لكما على هذا التناغم الجميل


كان الإصرار من جهة الدميخي على استدراج القاضي للعودة الى مراتع الصبا :


ياليتك تطيعني ياليت **** وتكب جده لهاليها


وكانت الواقعية من القاضي وتعلقه بينبع على قول :
" ما الحب الا للحبيب الأول "
كل مااصبحت شمسها وامسيت **** فالدم تجري مجاريها


نعم هكذا هي المعايش تجبر الانسان على ترك الأوطان
شكرا لكما استمتعنا بهذه المحاورة الرائعة .

أسجل إعجابي