يبغاك تسعى لكسب رضاه ( بين الدبيش وأبو مديدة )
هذه المحاورة جرت بين كلٍ من ( محمد أحمد الدبيش ) و (ماجد أبو مديدة)
[poet font="Simplified Arabic,3,darkblue,bold,normal" bkcolor="transparent" bkimage="backgrounds/5.gif" border="ridge,3,indigo" type=0 line=200% align=center use=ex length=0 char="" num="0,black" filter=""]
ماجد أبومديدة:
---------------------
سلام لأهل الوفا الأحشام=والطيب منهم تعودناه
ليّا مــعــك يا مـحـمـد زام=ومجهّزه لفارعه وأدناه
محمد أحمدالدبيش:
-------------------------
واجب علينا ويبقى إلزام=واللي لفى منك قدّرناه
لجل الوفا والكلام الـهـام=ترحـيـب ماخـطّـته يمناه
ماجد أبومديدة:
----------------------
مدري أقـولـك عن الآلام=وألاّ العذاب الذي عشناه
لجل الذي فالضماير حام=كل المخاليق ما تـقـواه
محمد أحمدالدبيش :
--------------------------
كلاً حسـوسـه معه وأسـقـام=متـفـاوتة بين خـلـق اللَّه
ما أفتيك في حالة إستفهام=حتى يجي للمثل مرساه
ماجدأبومديدة:
----------------------
الطب والجـرح والأحـلام=تشاركوا وأعلنوا مأساه
خلّت فؤاد الشديد حطام=بقــيـادة اللـي تأمـلـنـاه
محمد الدبيش :
--------------------
نظرت فالوضـع بإسـتـرحـام=مادمت واقف على مضمـاه
وش له سبب يصدرون أحكام=خلاّه عنـكـم تـْـحوُل خطـاه
ماجدأبومديدة:
----------------------
لو منت فالمـعـرفـة عـلاّم=ماكان نشكي عليك الآه
واللي حكمنا بحكم إعدام=بعد إبتـلـشنا وحبـيـناه
محمد الدبيش :
--------------------
ما أرغِم عليك المعاني إرغام=وْلابْغى معك يدِّرِق مسعاه
لأوْهَـمْـك باللي علـيـكم سـام=يبغاك تسعى لكسب رضاه
ماجدأبومديدة:
----------------------
مسعى هوايا حدعشر عام=ولا زلت في ذل ومـعـاناه
ومثلك ما يوقف مع الظُـلاّم=يرضى لنا شي ما نرضاه
محمد الدبيش :
-------------------
اللي وَرَد ما عليه إعْـسـام=من مـبتـدا القـيـل لـين أتـلاه
صدّرت حكـمه لكم بأخـتام=في عرفنا من عدول إقضاه
منهـو رضي بالعـذاب التام=وخـلاّه يـاخـذ معـه مـجــراه
يطبق عليه الأسى بإحكام=يخـلـف مـعـه كـل مـا سـوّاه
[/poet]
ويصحابنا سامحونا
