رديح قديم عام 1390 زفاف محمد احمد ناصر رحيمي

الاخوه الاعزاء يسرنا ان نقدم لكم ليلة رديح محمد احمد ناصر رحيمي والتي اقيمت في مدينة جده عام 1390هـ وحضرها من الشعراء احمد الكرنب وذيبان الفايدي من ينبع البحر وبنية العروي وحمود الشطيري ومحمد بن مازن ومحمد بشيبش الشريف [geo].[/geo]
[poet font="Simplified Arabic,4,white,bold,italic" bkcolor="blue" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ينبع البحر
اقول في اول المنتاج = سلام وابغى اخبر النايب
جينا لكسب الجميل افواج = في معسكر الجيش والصاحب
جده
مابيننا الطيب مايحتاج = هذا مابين العرب واجب
ترحيب نهجه من المنهاج = مبذول من جمع ومراقب
ينبع البحر
باب السلام انتهى وانلاج = ماعاد في رغبة الراغب
والان نبغى لنا مدراج = مادام انس الصفا طايب
جده
حسب المثل ماعليك احراج = لاني معارض ولا مطالب
عذب المثل توجوه بتاج = ويعد مكسب مع الكاسب
ينبع البحر
كانت لروح العليل سراج = وسراجها من الهوى لاهب
لو كان جاها بحر وامواج = ماتنطفي برضها تلهب
جده
عادات جرح الهوى نساج = راعيه مقهور ومعذب
يسعى ولايلتقي مخراج = لجل الهوى من سياقه صعب
ينبع البحر
مادام بحر الموده هاج = كل يوم مره منه نشرب
اليا متى نسير في محناج = نيران توقد نيران الهب
جده
فن الهوى مرتفع في براج = لاصار فحماه ومحجب
دايم عن اللي يوده ساج = مسموح له يمسك المنصب
وانكسراللحن وجاء لحن سلام
جده
اكتب لك كتاب وانته اقراه = رموز تحوي في طياته
فيه العلاج الذي مع داه = اللي يصنف في خاناته
ينبع البحر
في دفتر الرصد قيدناه = حتى تبين مقالاته
كل حي نفهم رطين الغاه = وانته عليك المثل هاته
جده
رصد المعاني غزير بناه = ليه سنه في ملاواته
كل مابغت تنتهي بلواه = ترجعه في ماساته
ينبع البحر
زول البنا مانعرف مغزاه = ولاتبين اشاراته
لو اتضح للعرب مرماه = نخفيه تقدير ساداته
جده
دعوه لنا وجهت لقضاه = يحكم بها حسب عاداته
عبر الاثير الخبر سواه = يقضيه من كامل قضاته
ينبع البحر
حكما على الغيب ماترضاه = ونسجله في سجلاته
خوف العدالة تقر خطاه = وتقيده في ملفاته
جده
مرسولنا يوم صدرناه = بحرف من الدمع لوعاته
على الذي ماتلقيناه = لاوى على القلب ميقاته
ينبع البحر
تسدو سدو مثل مانسداه = تتعب معي في اتجاهاته
حرفت في فارعه وادناه = ماهل ماطر في خيلاته
برضي معك في باتصال الجاه = الريس ماكب خاناته
وانته الملاوى لنا تلواه = حتى اخلف الريح حاياته
وانكسر اللحن وجاء لحن زمانين
ينبع البحر
ابغى قبل مادعي بعرف = ميرادنا فالامر يرعي
الحق يبغى يقيمه عرف = ولا يقيمه حكم شرعي
جده
اشرع بدعواك وانا اشرف = حسب الذي فيه تستدعي
نحكم على حسب مانعرف = فالشرع ولا حكم فرعي
ينبع البحر
ياللي تلزمت فالموقف = فاحكامنا يشهدوا ربعي
وصلت امور القضايا الانف = تشددت واخلفت وضعي
جده
بينت لي ياخبر يوصف = ماكان يخطر على سمعي
الحكم مرصود وموقف = حتى يقرر بها جمعي
ينبع البحر
اعلم ترى مالنا محرف = طرفي انحرق من غزر دمعي
لجل اتجاهك معي بالخلف = لاسرت راعي ولا مرعي
جده
ما انتا بالاحكام مستعرف = لاكن وداعه معك شفعي
بكيت قبلك ودمعي جف = حتى الاسى صار من طبعي
وانكسر اللحن
[/poet]

شكرا يا / أبو جميل على نشرك لكسرات هذا الرديح ... وما زلت أتذكر هذه الليلة الجميلة الخالدة من ليالي الرديح في جدة والتي حضرها جمع غفير وجمهور كثير وبخاصة من أهل ينــبع الذين كانوا يجلون ويقدرون الشيخ / أحمد ناصر وابناءه ويحرصون على الوفاء معه بمثل ما كان هو وفيا معهم ولا يغيب عن مناسباتهم .

اقتباس:

---

كاتب الرسالة الأصلية أبو سفيان
شكرا يا / أبو جميل على نشرك لكسرات هذا الرديح ... وما زلت أتذكر هذه الليلة الجميلة الخالدة من ليالي الرديح في جدة والتي حضرها جمع غفير وجمهور كثير وبخاصة من أهل ينــبع الذين كانوا يجلون ويقدرون الشيخ / أحمد ناصر وابناءه ويحرصون على الوفاء معه بمثل ما كان هو وفيا معهم ولا يغيب عن مناسباتهم .

---

-------

كم كان عمرك أبو سفيان وقتها أطال الله في عمركم ومتعكم بالصحه والعافيه أنت وأخونا الكبير/ أبو جميل