رديح خالد بنيه العروي ( 1406)

[ALIGN=CENTER]أقيم هذا الرديح في جدة بتاريخ 18/19ـ 6 ـ 1406هـ بمناسبة زفاف الشاب خالد بنيه العروي وحضره من ينبع عايد القريشي وذيبان مسعود ومن جدة محمد بن مازن ومحمد بشيبش وعواد أبو رقيبة وبنيه العروي[/ALIGN]
[ALIGN=CENTER]لحن ليحان[/ALIGN]
[poet font="Simplified Arabic,5,sienna,bold,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
ينبع
سار القدم والنظر مقديه = يمشي على الهون بالميزان
لأجل السلام الذي نقريه = ضافي على حاضر الميدان
جدة
كم أتنظر يجي راعيه = يا مرحبا والملاقى زان
هذا الذي كنت متنمنيه= قليل من ريس الأركان
ينبع
باقي لكم فالوفا خافيه = للآن في خاطري ما بان
مهما رفعناه ونعليه = ما أظن يلحق لكم من شان
جدة
اللي صدر والذي تبديه = واللي وصلنا لحد الآن
آنا وقاكم ماني ناسيه = اللي موضح بدون إعلان
ينبع
كان السلام انتهى باديه = لجله وصل منتهى البنيان
كلا منه نال ما يكفيه = والآن وقت الملاقى حان
جدة
سؤال يسأل عنه راويه = وإحنا نجاوب بكل لسان
مد المثل واعلنه وامليه = وآنا أتِّبع طالعه لا بان
ينبع
اصغي بسمعك لنا واصفيه = عليك با نتلي الجرنان
اللي ضمن من ضمن ما فيه = عقب لنا السهد والحرمان
جدة
يحدث على المرء ما يشقيه = على كذا حالة الإنسان
أبغى أسأله قبل لا نفتيه = باللي حصل له عليه وكان
ينبع
مصدر عذابي وصل قاضيه = وأبغاه يحكم لنا بإحسان
لأن جرح الأسى متقيه = يزيد والحال في نقصان
جدة
ما دام لك قلب ومعنِّيه = لا تجعل الياس فالحسبان
وما دام عندك أمل ترجيه = ولا انته من اللي حصل ندمان
اخضع جنابك ما بين يديه = مادام خصمك قوي سلطان
لو كان خطّاك لا تخطيه = ما يجوز إن الحكيم يدان
وانكسر اللحن
[/poet]
[ALIGN=CENTER]لحن سلام[/ALIGN]
[poet font="Simplified Arabic,5,sienna,bold,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
جدة
شيدت له فالفكر مركاز = أبعد طموحات للباني
ومن بعد هذا الأفق ينحاز = وآكون فالمركز الثاني
ينبع
ما حازه ألا قوي جهاز = خلاه يختار براني
هذا الذي في مراقه جاز = فالمركز أبقاه وحداني
جدة
ما قلت لك فالمعاني إعجاز = تحكم لغيري وتنساني
حزتم لخصمي نظام اجتاز = واخليتني ليه عن شاني
ينبع
لا تروزني فالمثل ماأنراز = ليا فالأحكام سلطاني
ما دام خصمك بحظه فاز = خلاك فالمركز الداني
جدة
كيف أتركه والبناء ممتاز = عليت مبناه بالعاني
وهو ما اشرف على الإنجاز = اللي رضي فيه وارضاني
ينبع
ما دام ساس البناء ما باز = قايم على كل الأركاني
ترصّده حيث ما يعتاز = خليك فالوضع متآني
وانكسر اللحن
[/poet]
[ALIGN=CENTER]لحن زمانين[/ALIGN]
[poet font="Simplified Arabic,5,sienna,bold,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
ينبع
سابق أوانه حديث العهد = ما خاض للمعركه ميدان
سلط علينا سهم من يد = لا روح تبقي ولا جثمان
جدة
أشقيتني في حديث الود = اللي مسلط على الإنسان
دايم سهوم الهوى ما ترد = وطبعا حديث العهد ما يدان
ينبع
ما هو على قد هذا الحد = يخشاه منهو اعترض له شان
كيف استطاع القتال وعد = قوه بها يفقد الوجدان
جدة
صورت لي فالمعاني مد = واحنا المثل بيننا نيشان
ما ألأوم من يشتكي من جد = لنه رسى والصحيح يبان
ينبع
ما آقول يا ليت طرفي صد = ولا على ما حصل ندمان
لكن غدر بي وبحت السد = مجبور وأستنجد العربان
جدة
طرف المودين غصب يلد = لو يجعله يوم فالنسيان
دايم جريح الهوى ما استد = ما له مناصر ولا سلطان
وانكسر اللحن
[/poet]
[ALIGN=CENTER]لحن مالك الروح[/ALIGN]
[poet font="Simplified Arabic,5,sienna,bold,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
جدة
اسمع حديث السقيم أعوام = عليك يلقيه متظلم
لا زال ماشي مع الأيام = لا حق ناله ولا مسلم
ينبع
قدم دعاويك للحكام = اللي لهم بالقضايا لزم
واللي له الحق ما ينضام = لا بد في صالحه يحكم
جدة
أشكي لكم خصم جاير هام = لا حق يعطي ولا يلزم
فالمظلمه ساعدوه أخصام = من شان حكم العدل ما يتم
ينبع
ذا شي مفهوم يا فهام = ويفهمه كل من يفهم
إن كان ما تدعي بإلهام = دعواك ما تهزم الملهم
جدة
ناديت لك والأمور جسام = واللي اشتكينا منه أعظم
للآن ما سرت في استسلام = لكن طريق العدل مظلم
ينبع
سلم لهم لو عليك إعدام = واكسب رضاهم تراه مهم
واستلطف الخصم باسترحام = عساه يشفق قبل تندم
وانكسر اللحن
[/poet]
[ALIGN=CENTER]لحن زمانين
مرة أخرى
[/ALIGN]
[poet font="Simplified Arabic,5,sienna,bold,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
ينبع
من دمع عيني بغيت إثبات = يثبت حسوسي وضياقي
لكن تحجر على الوجنات = عيّا للإثبات ينساقي
جدة
يمكن تفكرت فاللي فات = والا على وضعه الباقي
على كذا الوقت أخذ وهات = يخلف مرام الذي هاقي
وانكسر اللحن
ويا أصحابنا سامحونا
[/poet]

[geo].[/geo]

شكرا لبورامي لاتحافنا بهذه الليله الخالده من ليالي الرديح

"من زمان ادور كــــــــــلام هالليله الله يعطيك العافي"

شوف الروعه يقوله :

طرف المودين غصب يلد=لويجعله يوم فالنسيان
دايم جريح الهوى ماستد=ماله مناصر ولاسلطان