جــالس مع الناس وعيـونه بجواله

المجلس المربوع




من روائع الشاعر الكبير: عبدالله الطلحي
الجمعة 08/03/2013


http://www.al-madina.com/files/image...to/297591.jpeg


مركاي والمسبحة والنار والـدلة=في خايعٍ يحجـب الجوال وإرساله
افضل من المجلس اللي تكرهه كله=ماهو بكفـوٍ لكيف الشعر ودلاله
كلٍ يراسل بجواله مع الشله=جالس مع الناس وعيـونه بجواله
عادي وقطـع السوالف عندهم فله=ما يدري الرجل لو عدوه فنجاله
جعله فـدا مجلسٍ مربوع ما امله=اللي لو إنه بعيد الـدار يعناله
مجلس كريـمٍ بنى المجد وتزهل له=ساسه قديمٍ وهو علاه بافعاله
تلقى علوم النشاما كسب وجبلّه=وتلقى جزال القصائد فيه مختاله
مثل الذهـب نعتبره الكنز والغـله=من نخبةٍ كل شاعر وازن اقـواله
تدخل من العقل لين القلب وتتله=لو كان ماشلها بالصوت , يالاله
والشعر تالي زمانه مختلـف دله=يرثى لحالة جماهيره ويرثى له
مـختـل معناه والأوزان مختله=كلٍ يغني على طرقه ومواله
إن كان ماجابه الشاعر على شله=وإلا يعـد القصيد وكنه لحاله
تلقاه يطوي كتاب الشعر ويفله=مـاكنه إلا يسولف عند بنقاله
من يجلب البل لسوق البنقلة قل له=محدٍ درى عن شداد شعيل وعقاله.

من يجلب البل لسوق البنقلة قل له=محدٍ درى عن شداد شعيل وعقاله.

صح لسانه
شكرا مشرفنا العام