لو صرت بالعالي ولو صرت مغرور
ماتنفعك دنياك ولا حدن درابك
*********
لو الفرح صاحبك ولو صرت مسرور
لآبد من الأيام تبني إكتئابك
*********
السعد لو هو دام لك مده وشهور
بأخر مطافة تلتقي مع عذابك
*********
يوم لك ويوم على الضيم حادور
الويل لو هذا الزمن إختلابك
*********
الحظ لو عدى بك عالي السور
يطيح بك لو كان يوم عدابك
*********
لآ تباها بكثرة المال حاذور
بعض العرب ماله يعادل حسابك
*********
لأ تحسب إنك بعين الناس مبهور
واهم ووهمك للمخاطر سرابك
*********
ما كل مره للخطا تقول معذور
قبل فوات الوقت راجع صوابك
*********
مهما يطول الوقت لآبد مقصور
إحسب لدورات الفلك لا فترابك
*********
بالفخر والتبذير لا تكون مبرور
إعمل عمل ينفعك بتلا شبابك
*********
الرجل رجل بين الاجناس مذكور
عالمرجله حافظ والكل يهابك
*********
بفعل الكرم والوجود خليك مشهور
حتى ينقال ونعم مرحوم جابك
*********
لا تصد محتاج جاك مجبور
خذ بيديه لجل ربي يثابك
*********
إللي جرى لغيرك من الخلق مقدور
كثر التشمت شين ويصد بابك
*********
على الضعيف لا تدعي الكذب والزور
ربك شديد ومنه تاخذ عقابك
*********
لا تفضح أحوال الذي من قبل مستور
مثله من اول كنت وراجع كتابك
**********
لا تجرح المجروح وتقول معذور
خل التفلسف وإتقن جوابك
*********
إقبل نصيحة قلب ماهو بمغرور
عسى الوالي يجلي غرور جابك
*********
&&&&&&&&&&&&&&&
