رديح فواز سليمان ابوصميط العروي
لعبة الرديح بمدينه جده في 19/5/1433
بمناسبة زفاف الاخ
فواز سليمان ابوصميط العروي
وحظر من مدينة ينبع البحر الشعراء
شتيوي الرفاعي / وناصر الحجوري -- وحامد القريشي
وقابله صف جده الشعراء
عبدالعزيز بنيه العروي / وخليل الثقفي
[poem=font="Simplified Arabic,6,black,bold,italic" bkcolor="silver" bkimage="" border="none,4,gray" type=0 line=0 align=center use=ex num="0,black""] =ينبع البحر
من فوق هام السحب جينا=يسعى بنا الطاير الميمون
حتى وصلنا لداعينا=سلام بالطيبه مقرون
=جده
هذا العشم في محبينا =لا حان وقت الوجب توفون
يامرحبا في مراسينا =يارجال فيها الوفا مضمون
=ينبع
عايش بعذره موصينا =والظرف انتم عنه تدرون
بأسمه وباسمي تهانينا =ازفها وخاطري ممنون
=جده
اللي حظر عد يروينا =ومن غاب عذره معي مصيون
فيكم وفينا ليالينا =تحيا وعذب الكلام فنون
=ينبع
هذا ادب جم ياخينا =وانتم على شامخه ترسون
نبغى على شان قارينا =من عذب عذب الكلام الحون
=جده
دايم وهذي امانينا=واهل الادب للادب يسعون
باحساس صادق ومصغينا=نستنظره درك المكنون
=ينبع
مأساه زادت مأسينا =وتزيد كل ما رجينا تهون
في قربنا ومن حوالينا =والحال تبكي عليه عيون
=جده
مهما المأسي تشاجينا=وتزيد فوق الشجون شجون
الحال هذا مايرضينا =واللي عليكم علينا يكون
=ينبع
لو انه الحل بيدينا=ما اشكي ولا غيرنا يشكون
ولا كان فرحوا اعادينا =بالواقع اللي اسى وغبون
=جده
لاهل القضيه قوانينا =وقضاة في حكمها يفتون
واحنا بذلنا مساعينا=واهل الحقايق لها يوحون
=وانكسر الحن
=لحن سلام
=جده
صار اتجاه الهوى بالعكس=ان حان وقتي معه ماحان
حتى وانا في ليالي الانس=مأسور في دايرة احزان
=ينبع
من واقع الحال لاتيأس =ياما حصل للعباد وكان
ابحث عن اللي منه تأنس=لاجل الهوى صعب مايندان
=جده
استعطفه بالتلاقي همس =واستفزعه بالرضا اعلان
حساس لكن معي ما حس=في شان وانا ارتجيه فشان
=ينبع
مايندم اللي يمد الخمس =واللي قصر مدها غلطان
وان ماعطيته بحزمك درس=يبقى على ما ذكرت ازمان
=جده
يشفع لهم مامضى فالامس=والود شافع ولاينهان
كيف اتحرى هذاك اللبس =اللي جعل بيننا شتان
=ينبع
لا يكون واشي تعمد دس=حتى يباعد مابين اخوان
بالود جس المشاعر جس=حتى معاك الحقيقه تبان
=جده
اخايله من غروب الشمس=ويخليني من بعيد احسان
لكن عليه التلاقي حبس=حنينه يبان فالاعيان
=ينبع
مادمت من جانبك محتس =ومبقيه في عالي البنيان
لاتضيعون الصداقه مرس=والكل منكم صبي لقمان
=وانكسر اللحن
=لحن زمانين
=ينبع البحر
وين التقي عن عذابي جاه =اللي منه ضاقت اخلاقي
جدّد نهار الصفا ذكراه =واثر على الخافق الشاقي
=جده
القاسم المشترك طرياه =ودي وودك واشواقي
تبكي ونبكي على فرقاه =واحساسنا صار متلاقي
=ينبع
مشاعر الود في موالاه =ولازال باقي لهم باقي
اجمل زمان الصفا عشناه =معهم على طيب ووفاقي
=جده
الماضي اللي توجدناه=حاضر وفي مركزه راقي
انتم وحنا على مجراه =مهما نرى فيه ونلاقي
=ينبع
عزيزنا كلنا نهواه =ولا لنا عنه مدراقي
نوقف سوى ضد من عاداه =هذا عهدنا وميثاقي
=جده
هذا صفا والصفا معناه =وله غيرنا ناس عشاقي
ومنهو يحافظ على مبداه =يبقى معه دوم فاشراقي
=وانكسر اللحن
=لحن مالك الروح
=جده
ياروح راحت لمالك روح =مع مالك الروح ناديته
تعال واشفق على المجروح =اللي جرحته وكبيته
=ينبع
بسألك وابغى علينا تبوح =فالمشتكي اللي تبنيته
جاوبك ولا ترك تنوح =من جرحك اللي تلقيته
=جده
للان روحه عليها شحوح =مسموح لو كان واسيته
واللي لكم طالعه مشروح =من جارحه ماتمنيته
=ينبع
ياما فسير الحياة شروح =ما يحول من دونها ليته
لجل الوفا خذ بعضك وروح =واوصل لكسب الاجر بيته
=جده
الظالم اللي مافيه ربوح =جيته وياليت ماجيته
ماشفت من جانبه مصلوح =لمعالج اللي توليته
=ينبع
مادام برق الامل مايلوح =فالمطلب اللي ترجيته
طبق على كتابه المفتوح =اللي قريته وقرّيته
=ارداف الشاعر ماجد ابومديده
ماتعتلي فالظلام صروح=لو ما بها شرط واخليته
المحكمه بابها مشروح =كنك على الحق ناجيته
=ويصحابنا سامحونا
[/poem]
رد: رديح فواز سليمان ابوصميط العروي
كفيتم ووفيتم .. ليلة رائعة تمنياتنا لكم بالتوفيق ولصاحب النوب بالهناء والسرور
رد: رديح فواز سليمان ابوصميط العروي
بارك الله للعريس ووفقه
شكرا أخي خليل
رد: رديح فواز سليمان ابوصميط العروي
شكراً أخي العزيز / خليل
الله يعطيك العافية على النقل المميز وتغطية الليلة الجميلة
الف مليون مبروك للعرئيس فواز سليمان أبو سميط العروي
وأحب أبارك وأهني أخي وعزيزي العرئيس فواز سليمان أبو سميط العروي وأخيه أحمد وفوزي وكل الأصحاب الذين وقفوا وساهمو معه في إنجاح لعبة العجل الشعبي وهذه الليلة الرائعة بأجوئها وصفاؤها كما أهني تميز الشعراء من ينبع البحر ومن مدينة جدة على الخروج من هذه الليلة بجمال وحلاوة الألحان
الليلة روعة بمعنى الكلمة
محب المورث
رد: رديح فواز سليمان ابوصميط العروي
شكرا أبو هاني ،، ليلة جميلة بهذه الألحان الرائعة والحوارات المميزة
وما زلنا نؤكد أن ليالي الرديح ستبقى بخير وعلى الخير والمحبة والصفاء
مع أخلص التهاني للعريس فواز سليمان أبو سميط العروي
رد: رديح فواز سليمان ابوصميط العروي
مُشرِفنَـآ ـآلعَزِيز / خَـليلْ
ـأشكُرك كثِيرْ ـآلشُكر
عَلى هَـذـآ
ـآلنقلْ ـآلرَـآئعْ
