[poem=font="Simplified Arabic,6,silver,normal,normal" bkcolor="teal" bkimage="" border="none,4,gray" type=2 line=0 align=center use=ex num="0,black""]
بنيتلك ياهوى بين الحلوم ابراج = ونثرتك في سماء دنيا محبينه
وجعلت من الضلوع الحانيات سياج =حميتك في وفاء شوقي وتمكينه
وحطيت الأمل بين العيون حجاج = ادور له عسى تثبت موازينه
وعشتك في نقاي وطهري المحتاج = غرام اصفا من عجاجه وتلوينه
اخذت الصدق لي مسلك ولي منهاج = ولا اقبل احد من جهله يهينه
لقيتك ياهوى وقت اللزوم عجاج = تبيع الصدق وترميني في تخوينه
صنعت من الحبال الذابله معراج = تقطعت في أول الخطوه مضامينه
نويت ادرس واعيد الحساب ادراج = واغير في مفاهيمه وتدوينه
واحط الكذب والتلوين في أول الإخراج = واحط الغدر في باقي دواوينه
واعيش في واقعي بين العرب هراج = وانافق واذم الطيب واشينه
واسير في دنيته هايم بدون اسراج = وابادله غدره وإسقاطات تثمينه
تعبت ،، ادور للجروح علاج = وانادي ضميري على صفحه وتسكينه
لقيت في داخلي ذيك الطباع إنتاج = ولا اقدر اغيرها ولو حاولت توطينه
انا صدق المشاعر لبسته تااااج = ومسكته جمر ،، كالقابض على دينه
[/poem]
