صــــــحح مســــــــــــــــارك

قصيدة في منتهى الروعه
للشاعر سمران العتيبي
صح لسان قايلها وقاريها

صحح مسارك
مالي ورى طرد المقفـي مصاليـح

يقفي وأنـا أقفـي والليالـي مديـه

وتبريرها من غير ..لوحة وتوضيـح

ما يجتمـع فالوقـت صـح وخطيـه

واللي يباني بين (غلطـة وتجريـح)

وصفة علاجة قبـل يخطـي عليـه

طـرد الفيافـي والخلا بالمشـاويـح

أخير من شـوف الوجيـه ألرديه

ألقى بها طـب الكبـود المجاريـح

والنسمـه العذبـه بـفـجٍ خلـيـه

ومـن لاتعلـق بالوجيـه المفاليـح

وثبت قواعـد رفقتـه مـع خويـه

وجنب دروب أهل الوجيه المكاليـح

ما صـار لـه سمـعـه ولا قابلـيـه

أعقد حبالك فـي حبـال الطحاطيـح

وجنبك على جنب الشجيـع ولديـه

علاقة الخايب مثـل ولعـة الشيـح

يومين وتشوف الخلـل فـي نويـه

أقولها وأختـار عـذب التصاريـح

أرجي بها الحسنـه وغفـران سيـه

من لاتأمـل فـي دمـوع التماسيـح

معطـوب تفكـيـره خليه..خلـيـه

مايرفـع الرجـال كثـر التمـاديـح

ولايطرحـه فعـل اليديـن الخفيـه

الـرزق بابـه والعطـاء والمفاتيـح

يفتـح ويغلـق بأمـر رب البـريـه

تغلي صدور أهل الحسد غيض وتفيح

وتموت شعلة غيضهـم فـي شويـه

وياللي تبي ترتاح فالوقـت وتريـح

مهديك مضمـون النصيحـة هديـه

وثق عراك بمجري الفلـك والريـح

دامك شباب وشعلـة العمـر حيـة

لعب الليالي مثـل لعـب المراجيـح

تاخـذك بالغـرات صبـح وعشيـة

أغنم تـوال الليـل قبـل المصابيـح

الدين لأهـل الديـن.. فاتـح شهيـه

صل الصـلاة الواجبـة والتراويـح

خيـر النفـوس المؤمنـه والتقيـه

صحح مسارك كان يحتاج تصحيـح

عمر الفتـى قافيـه عجـز ومنيـه

صح لسانك ولسانه
لاهنتم

شكرا أستاذي المعلم لمرورك على متصفحي وعشت لنا فخرا