محاورة بين معلم قديم ومعلم جديد
[poem=font="Simplified Arabic,7,black,bold,normal" bkcolor="transparent" bkimage="backgrounds/27.gif" border="ridge,6,orange" type=1 line=0 align=center use=ex num="0,black""]
المعلم الجديد
نلت الشهادات من قدي = واخترت مهنة خيار الناس
طاقة لنا مالها حدي = للعلم والتربية حراس
المعلم القديم
اعلم ترى ما انت لي ندي = من واقع الفكر والإحساس
ودي تصل مثلنا ودي = ماتضرب اخماس بالاسداس
المعلم الجديد
لا تكون في القول متعدي = وانت من اللي رسمت الساس
مابيننا لا تضع سدي = هذا الثمر وانتم الغراس
المعلم القديم
في الحق ماينوقف ضدي = ( لرجال ترأس ولا تنراس )
كأنهم بحر له مدي = بانت نتائجه كالنبراس
المعلم الجديد
ذا جيلنا جيل متحدي = ناوي يحطم قيود الياس
ظني زمنكم زمن جدي = واليوم من يقرع الاجراس
المعلم القديم
يا أرض مطلوب تشتدي = وسجلي ياوكالة واس
عمر الذهب شفته يصدي = ولا تظنه خليط نحاس
المعلم الجديد
مشوارنا عمر ممتدي = من جهدنا نسبق الافراس
بالتقنية دوم نعتدي = ما نكتب الدرس بالكراس
المعلم القديم
نبني نربي ولا نهدي = والكل يعرف بريق الماس
وحنا لكم كل مانلدي = نقول لاجيالنا لا باس
المعلم الجديد
بعد الأمر صار في يدي = الفرق واضح بلا مقياس
امشي على هونكم عدي = لا يقول تلميذكم افلاس
المعلم القديم
من تجربه جبتلك ردي = ومن محتوى فكرنا بالراس
تعليمنا صار متردي = والآن نشرب مرار الكاس
[/poem]
رد: محاورة بين معلم قديم ومعلم جديد
حروف ساكنة
حياكم الله في مجالسنا الينبعاوية
وشكرا على المشاركة
دمتم بخير
رد: محاورة بين معلم قديم ومعلم جديد
شكرًا حروف ساكنة لكن المحاورة حروفها متحركة فيها تحدي بين القديم والجديد
وفيها نبرة مشوقة وبالضبط لم يتغير الوضع حتى لو كانت المحاورة
قبل عشرين سنة مكانك سر
رد: محاورة بين معلم قديم ومعلم جديد
اقتباس:
المشاركة الأصلية كتبت بواسطة المعلم
حروف ساكنة
حياكم الله في مجالسنا الينبعاوية
وشكرا على المشاركة
دمتم بخير
المعلم بارك الله فيك وشكراً على المتابعه
دمت بخير
رد: محاورة بين معلم قديم ومعلم جديد
اقتباس:
المشاركة الأصلية كتبت بواسطة ربما
شكرًا حروف ساكنة لكن المحاورة حروفها متحركة فيها تحدي بين القديم والجديد
وفيها نبرة مشوقة وبالضبط لم يتغير الوضع حتى لو كانت المحاورة
قبل عشرين سنة مكانك سر
أهلا ربما وربما تكون كذلك
شكراً لمرورك الكريم
ودمت بخير
