أسألك بالله قلِّـي .. وش جرى لك ؟ وش بلاك ؟

أسألك بالله قلِّـي .. وش جرى لك ؟ وش بلاك ؟
ـــــــــــــــــــ
يا بعد روحي تدلل
ما سكن قلبي سواك
إنت الآخر وانت الأول
ما معك فيني شريك
شموخي قد تذلل
جيت ألبِي لك نداك
جيت يا لبيه آمر
لو على عيوني تجيك
طال هجرك لي وطوَّل
يا جعل قلبي فداك
طالبك تكفى ودخيلك
لا تجافيني أبيك ..
آه من دنياي دونك
والله ما تسوى بلاك
أعشقك واغلي ترابك
واللي صوَّر ناظريك
كلِّ ما ناظرت مقبل
قلت هذا الغالي جاك
يوم أشوفه شخص ثاني
أرجع أبكي واحتريك
منهو بعدك يمسح الدمعات عني
منهو ذاك ؟!
مين ينسيني همومي ؟
يا عسى الهم ما يجيك
منْ يعوضني حنانك ؟
ضحكتك .. بسمة شفاك ؟
منْ يعوضني دلالك ؟
نبرتك .. لمسة يديك ؟
منهو غيرك يحتويني ؟
منهو يوصل مستواك ؟
ارحم القلب المعذب
وإللي يرحم والديك
يا حبيبي شوف حالي
مرتسم فيني الهلاك
كيف تتناسى حناني ؟!
والوفا مخلوق فيك !
وين أحاسيسك وشوقك ؟
وين عطفك يا ملاك ؟
وينها رقة كلامك ؟
وين قولك : ( مشتهيك ) ؟
وينها ذيك الرسايل ؟
في صباحك .. في مساك
وينها باقي وعودك ؟
وين قولك : ( مهتويك ) ؟
أسألك بالله قلِّـي
وش جرى لك ؟ وش بلاك ؟
كيف بعت إنسان يحبك ؟
بعد ما هو مشتريك
خلني قطرة في بحرك
والا نجمة في سماك
والا دمعة في عيونك
وإلا شي هيِّن عليك
المهم أبقى بقربك
المهم أبقى معاك
والله مليت إنتظارك
والله مليت ارتجيك
لا تظن أنسى الهدايا
ولا تظن أنسى غلاك
لا تظن أنسى ورودك
شوفها الرمزية ذيك
إنسى أحزانك وهمك
دوس ها الدنيا بحذاك
وابتسم يا نوور عيني
دام قلبي صار ليك
روح زُهرة أو عطارد
وين ما ترحل وراك
والله الظاهر حبيبي
ربي فيني مبتليك
مهما تقفل عني بابك
مهما تحرمني أراك
مهما تتـفـنن بجرحي
مين قدك ؟ وش عليك ؟
مهما تنسى .. مهما تقسى
مهما يتزايد جفاك
مهما تتغلى وتجرح
بانسى آلامي واجيك
با نكسر قدام عينك
وانحني واطلب رضاك
إمّا تحضنِّـي بيدينك
وإلا تذبحني بيديك

مما راق لي

شكرا دايم السعد

شكرا دايم السعد