الشاعر عبدالله بن سويعد بن عودة بن سويعد بن عرمان بن شهاب العقيبي الجهني --شاعر عاش في بداية القرن الماضي وكان من شعراء قبيلة جهينة المعروفين بالنخوة والشهامة في ديار جهينة في ينبع البحر
وهو جد الشاعر طلال سويعد عيد عبدالله العقيبي
وتوفى رحمة الله عليه عام 1311هـ
كانت له العديد من المحاورات وهذه مقتطفات منها
في رحله له هو رفيق دربه احمد الشيب العقيبي عليهم رحمة
الله ضافو في ديار حرب الشيخ والشاعر الجابري الذي بدا
ترحيبه بهم بهذه المحاورة
اول ماراهم وبعد السلام والترحيب ناوشهم شعريا وكان
المجتمع يتحاكى الشعر في كل مجال
الجابري
يامرحبا مرحبا في مرحبا مير الغدا ماش
الضيف يصبر ليا سرحة حلايبنا تجينا
السعر كيلة ونص وسوق غالي والدهر ناش
وش يأكل الضيف والجيران والمتحسنينا
رد عبدالله بن سويعد
ماتعلم القلب لوانه على القالات حواش
ولسان ايضا مطابق فالفصاحة ولرطينا
العذر مانقبله ماصار ملفانا على لاش
الآبعد كيلتين وفوقها حايل سمينا
واثناء صبة القهوه قال الجابري
فنجان سويته ولاعرف اسويه
لكن ضرورة والمعازيب غياب
-----------------
-----------------------------
الرد عبدالله بن سويعد
كلاً على قنه يكلف معانيه
الضيف واقف للمعزب فمرقاب
ونص المذاهب خاطري مايدانيه
فديارنا ماندفع الضيف فحساب
وقلطهم على الذبيحه ومانقص فيها شي على سايرهم
وقال
الراس جاكم كاد تبغونه
بالفسح جبته واحتمو قافيه
نص المذاهب ماتعرفونه
حنا لمن له القرا نبقييه
رد عبدالله بن سويعد
كلاً على قنه وقانونه
وقانون غيري ماتشقى فيه
حنا الحمية عندنا عيونه
ويضا لسانه مانمدي فيه
والآ البواقي ماتشفونه
حتى سموعه ماتعود فيه
قال الجابري
يستاهل الي لك يسونه
ويوقد عليه من الحطب يسويه
لوهو مصّروع ماتجيزونه
تاكل منه هين وتبقي فيه
وهذه محاورة بينه وبين مسعود الجباري وهي على وسيم المزاهيم في الملعبة القديمة
يقول عبدالله بن سويعد
الليله الليله وايق سعد لسعود
وايق سعد لسعود فالصف وقافي
الليله الليله لوطق عود بعود
الليله الليلة ماكب ميقافي
مسعود الجباري
الليلة الليله اللعب فيه شهود
الليه الليله عوام واشرافي
عبدالله بن سويعد
الليلة الليله ياعود يامنقود
الليه الليله فيك الوهم خافي
الليله الليله برضك تجي ملهود
برضك تجي ملهود والرب لك كافي
وهنا يقول له شاعر في بدع من ضمنه
اخيل واحد طالت فنونه
ماقط لي فاللعب وقافي
الرد من عبدالله بن سويعد
انا أقدر الي ماتجيزونه
برضي عليكم حيث مشرافي
أخيل تيسا طالت قرونه
والذيب سوى فيه الاسرافي
وهنا شاعر اخر يقول له
علمني ولاتكنى عليّة
دارك مسنية ولارجوعي
والا من زمان العام حية
والا مانزرع فيها زروعي
الرد من عبدالله بن سويعد
داري لاهناك ولاهنيه
لي قلباً مع البدوان زوعي
وامشي فالديار ولاعليه
في سد الوجيه الي تروعي
الشاعر مسعود الجباري
لاانزاحت قبيله عن قبيله
بدك مايساوي ربع بدي
الرد من الشاعر عبدالله بن سويعد
ماظن الندى مثل المخيلة
هبي ياهبوب الريح هبي
يوم الربع عادت للفتيلة
هي بندق حريبي وين تدي
وهنا وهو في رحلة الى بن حسن في جنوب جده وشمال الليث وكان في رحلة قنص وهو محتزم بالشبريه (الجنبية) المقدم قال له شاعر وكان شاب من باب الاستفزاز الشعري
حط السلب حط السلب بالله عليك
حط السلب وان كاد تبغى العافية
والله ماحطيت شيٍ في يديك
لما تجيب البينه والخافية
رد عبدالله بن سويعد
كيف انوخذ بعد ملفايا عليك
وسط المشاهد والوجيه الوافية
ان كاد بترضى كلام الناس فيك
الروح مانرضى عليها خلافيه
وهذه اخري في محاورة ثانية
قال له
لي عميلاً لي عميل مثني
خابره فيامت الفطرية
خابره يوم الرحل مدني
مايدوّر جابته علريّه
الرد من ابن سويعد
ياعميلي يوم تسأل عني
وايش خابر ويشلك دينية
ماخبرنامايعدل الفني
لاريال ولاسلف ربية
وسلامتكم وان كان خطا ففي النقل وشكرا
