" بيت القصيدة "

[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في داخلي جمر يتوقد وانحمس فكر القصيد=يا هاجسي سوق المعاني والحروف مهيله
واعزف حزين اوتارها واضرب على حبل الوريد=لو ينقطع ما همنا ما دام موته خيرله
بعد انخطف بيت القصيدة وانخرس منها لبيد=والشاعر الضرغام فيها عنتره ما جمله
ضاعت هويتها من الشعار في صرح الوليد=وْسلط عليها شكسبير من الحروف المرسله
واستوطنت فيها تنادي يا هلي هل من مزيد=واستعجمت منها الحروف الملهمة والمهمله
واستنكرتها في بحور الشعر والخاطف مريد=يمشي بحرفٍ زوّره في كل نادي ينقله
وْديواننا ياهل الشعر في هالزمن مابه جديد=يبكي على ماضيه يا روس العرب مستقبله
فيه القصايد رغم ما ذاقت من العيش الرغيد=تشكي على عقّالها مير العقول معقّله
والدم فيها مختلف واحساسها سطح الجليد=وْعروقها يسري بها الذل المغطى مرجله
تفخر بشعر اجدادها وتعلمه لاخر حفيد=نادي عكاظ ولو يطول الوقت محدن يجهله
تبقى على الماضي تعيش وكل يومٍ له تعيد=لو العقول مفكرة فيها اليدين مكبله
واليا تجدد جرحها والا اشتكت ظلمٍ وكيد=ما حرك الغربي غصون اوجاعها المتمايله
لا صار في حرف المجرد خوف من حرف المزيد=والبحر يكسر موجه العاتي على سواحله
تسلطت عبيدها واحرارها صاروا عبيد=والعبد لا منّه ضمن نظم القوافي مشكله
يصير في ميدانها ما بين حرف وبين قيد=يسري على حرف القصيد وقيد عمه يفتله
مات الأمل بين الألم واحزانها في يوم عيد=وْنرقص على اوتار العزا دام الحروف مطبله
ما عاد والله في بحور الشعر والشعار فيد=دام القصايد كلها ذلٍّ مغطى مرجله
[/poem]

عبدالعزيز الشاطري
التفاؤل أجمل
سلمت ودمت بخير

ارحب ترحيب المطر يا عبد العزيز ثم ارحب يا شا طري الجزله طبعك برك الله فيك