لو النساء ساقن ترى الوضع عادي
هذه مجرد مشاعر شاعر عن وضع سواقة المرأ في بلادنا
(( سواقة المرأه ))
لو النساء ساقن ترى الوضع عادي // المسأله تغيير وضع الدركسـون
ورغـم التـشدد بالـفـكـر والـعنـادي // مصـيرهـن رغم التشدد يسـوقـون
لاكن حسب ظني وحسب اعتقادي // الفـكر بالعـادات لا زال مرهـون
ونـشـوف سـلبـيات والـرب هـادي // يالله دخيلك بعضهن وش يسوون
ما حب اعـمم رغـم كـثر الفسـادي // فالمجتمع لا شك صاحي ومجنون
مـاعـاد بـه هنـدي ولابـه تـشـادي // مفتاحها مع روجها صار مضمون
ويـكـشـتـون بـكـل ديـــره ووادي // وعـند المـحطـه وقـفـو ويتـقضـون
وليـلى تـساقـط فالـبلـد مـع هنـادي // وموضي بـشـلتها بـجـده يـدوجـون
وان بنـشرة يـفـزع لها كـل غـادي // شمر عن يدينه وشغله على الهون
وقـال اسـتريـحي يا بنـيت بـلادي // لا تـنـزليـن ارجـال دارك يـسـدون
وصلح لـها الـبنشر بكل اجتهـادي // وغـير لها زيـت المكيـنه وسيفـون
وارخـت قـزازتها وقـامت تنـادي // ما ودهـا بعـض المخالـيق يوحـون
وقالت دخيلك وواعـدك بالسـدادي// فـلـلـي البـنـزيـن وتـكـون مـمنـون
وقـال اسمعيني يا مـضـنة فـؤادي // انـا تـرى يابنـت صـايع ومـديـون
مـير الزمي بيـتك كـلام الـوكـادي // وخلي السواقه عنك وبليس ملعون
الـمسألـه مـاهـي بـكـيك وزبـادي // المشكـله فـالمجتمع كـيف يرضـون
وانـا تـرانـي يا جـمـاعـه حيـادي // وخيـبـت ظـن الـلي بـرأيي يـظنـون
ترى الخطاء مقسوم بين العبـادي // احيان ناس تصيب واحيان يخطون
للشاعر الشريف محمد بن حسين الجودي
رد: لو النساء ساقن ترى الوضع عادي
شكرا أخي
يوسف الجودي
صح لسان الشاعر
دمتم بخير
رد: لو النساء ساقن ترى الوضع عادي
اقتباس:
المشاركة الأصلية كتبت بواسطة المعلم
يا هلا ويا مرحبا بشاعرنا المعلم ....
صح بدنك ...
تقبل تحياتي ...
