برنامج عضو مجلس بلدي (على البلاطة)

أخوكم في الله جاه البنك العقاري وما حيلته غير60 إلف ريال ولقيله واحد من أهل العقار الطيبين عنده قطيعة ارض طالب فيها 390 على أساس إني ادفع له 60 وأبيع المنحة ب 180
هادي 240 ويبقاله 150 قبل انه ياخدها أقساط كل شهر 6 ألاف ريال .
والحقيقه إن الرجال ما قصر معي بس المشكلة إني ما اقدر ادفع من الراتب أكثر من 2000 ريال كل شهر فعرض علي احد الإخوان إني أرشح نفسي في المجلس البلدي حتى احصل على أربعة ألاف كل شهر دخل ثابت من المجلس البلدي ولمدة أربعة سنين مدة الدورة في المجلس البلدي والحقيقة إن الفكرة عشعشة في مخي واخدت اقلبها يمين شمال وقلت ليه لا هم اللي مرشحين أنفسهم للمجلس أحسن مني ولا أفقر مني وكلها كم اجتماع وكم روح وجيه للمجلس وكم تصويت والسلام وأخر الشهر الأربعة في الجيب نزيد عليها الألفين ونحطها قسط للأرض ولما نغلق من الأرض نحط القرشين حقت المجلس في العمارة لما تكون على التشطيب لأنه التشطيب يا كل والقرض حتى بعد الزيادة ومع ارتفاع سعر الحديد والاسمنت وحتى البلك يعلمني واحد إن البلكة الوحدة بستة ريال وشوف العمارة كم بلكة يبغالعا وكم سيخ وكم وكم المهم أنا مرشح نفسي مرشح وابغي أجس النبط وأشوف ممكن تتعاطفون معي وترشحوني بعد ما شرحت لكم ظروفي على البلاطة وبدون لف ولا دوران ولا وعود وشعارات أنا ماني قدها ولا استطيع إني أوفي بيها .

ها ترشحوني ولا لا

حكيم الزمان

انا والله عن نفسي والله أرشحك لكي تكون عضو مجلس بلدي فقد تكون الرجل المناسب في المكان المناسب وتخدم ينبع و مرافق ينبع وتقوم بخدمه لم يقم بها المجلس البلدي سابقا : يعني ايش سوى المجلس البلدي سابقا والمصيبه مرشحين انفسهم مرا ثانيه صدقني انا مرشحك من دحين وسحبت ورقة ترشيح بس المهم انت تكون صادق في كلامك وانا والله العظيم عندي احساس انك انت راح تكون عضو للمجلس البلدي
اتكل على الله ورشح نفسك

مع تحياتي لك

والله إنك تستاهل الترشيح فالمجلس البلدي لا فائدة ترجى منه ولايملك أي صلاحيات وجميع المرشحين يطلقون وعودا هم أول من يعرف أنه لا يمكن الوفاء بها وخاصة الذين جربوه .
وبما أنك إنسان صريح لم تكذب علينا ولم تعدنا بما لم تستطع الوفاء به فهذا الصدق منك يكفي وأنت الذي تستاهل فإذا لم نستفد من المجلس البلدي فلنستفد على اٌلأقل من عمل المعروف
وكان الله في عون العبد مادام العبد في عون أخيه
أنا معك توكل على الله

والله العظيم لو ترشح نفسك إني لأنتخبك

كلنا نعلم إن أعضاء المجلس البلدي ليس لديهم صلاحيات ومع ذلك تجد بعض المرشحين من يقول أنا سوف أجلب المنح و منهم من يقول سوف أجعل ينبع تضاهي مدينة فانكوفر في كندا :D وهم لا يبحثون إلا عن الترزز على الكراسي فأنت أولى لأنك ناوي تعمر .
جعلك تعمر بطاعته .

اخواني الكرام
ملك الساحة
أبورامي
كاتم الأحزان
اشكركم على دعمكم وترشيحكم


بس وين الباقين محجوزين؟؟

الله يعين الجميع

أشكركم إخواني الأعضاء على التشجيع والمؤازرة وأحب أني أقولكم أن رقمي هو

((27 ))

والله يالغالي البندوري
عمره ما طلع بطاقة انتخاب
ولا عمره انتخب احد لان صوتي
امانه والامانه تبرت منها الجبال والجبال
رواسي شامخات والشامخات معروفه بالعاليات
والعاليات اقلك لو تجلس معى لبكره راح اخبلك فااقولك
ريح نفسك واطلبها من الله بلا مجلس امه بلا مجلس بلدي وينك
يابشير كان يقول البيض البلدي احسن بكثير من البيض الخارجي قلنا
له ليه يابشير قال اية احسن البلد ولا الخارج هنا بشير توهونا وحبينا نقصرها
قلنا له البلدي ومن بعدها شفناك ياحكيم ولا شفنا بشير متى يرجع بشير هذا هو سؤال الحلقه القادمه

مصدق يالبندوري
اما عن بشير اسئل ابو سفيان عن شخصية بشير اكيد تلقى عنده الاجابة الوافية الكافية الشافية

27 هذارقم مطلوب ولا مرشح

معلييييييش .... ما حرشحك



ليش ماحطيت من ضمن البرنامج توفير وظائف (ما ادري هي انتخابات بلدية والا مكتب عمل)

و ليش ماحطيت من ضمن البرنامج انشاء نادي ادبي (ما ادري هي انتخابات بلدية والا اندية ادبية)

على الاقل يا اخي اكتب (العمل على خفض اسعار العقارات)

.
.
.
.
.
.
.
.
.
.
.

غيرت رأيي ..

الشعب يريد .. رقم سبعه وعشرين

اشكر مروركم د. كيف واشكر اختياركم المرشح رقم 27