يمناسبة حفل زفاف الشاب الاستاذ حامد بن احمد السريحي الخميس 14/3/1432هـ

اللهم بارك لهما وبارك عليهما واجمع بينهم في خير
هذ الرديح اقيم بمدينة جدة في قاعة المملكة للأفراح
يمناسبة حفل زفاف الشاب الاستاذ حامد بن احمد السريحي
من جدة
الشاعر عبدالعزيز بنيه العروي
الشاعر ماجد ابو مديده
الشاعر خليل الثقفي
الشاعر ناصر السميري
من ينبع النخل
الشاعر نايف عواد ابو رقيبه الجريسي
من ينبع البحر
الشاعر احمد الدبيش
الشاعر غالب الاحمدي
الشاعر فوزي شتيوي الرفاعي
الشاعر ياسر صالح الكبيدي


[poem=font="Simplified Arabic,6,white,bold,italic" bkcolor="teal" bkimage="" border="none,4,gray" type=0 line=0 align=center use=ex num="0,black""]
لحن ليحان=
= ينبع البحر
جينا لزم واللزم شافع = للي لهم فاللزوم حضور
سلام من مصدره تابع = شامل ولا حد عنه مقصور
=جدة ينبع النخل
ليله صفا بدرها طالع=وبحضوركم زاد فيها النور
ترحيب يانجمها الساطع =وافي ويضفي على الجمهور
=ينبع البحر
طيب المعاني لها سامع = اللي لها خاطري مسرور
والان نبغي الذي نافع = حتى عليه الكلام يدور
=جدة ينبع النخل
مادام جو الصفا لامع =وطيب النبا بيننا مقرور
انا هنا مصغي متابع= تسمع جوابي على المنشور
= ينبع البحر
رغم اتساع الفضاء الواسع =وابعد مدى برها وبحور
ضاقت بنا من امر واقع =ما تاسعه واسعات وصدور
= جدة ينبع النخل
لاشك هذا زمن جامع =كل يوم يظهر علينا بطور
لابد خلف الامر دافع= قصده على الطيبين يجور
= ينبع البحر
يوم الحدث صار متسارع = بان الذي فالخفا مستور
اللي فعمق الاسى ضالع = يبغى عمار البناء مهدور
= جدة ينبع النخل
عاداته الظالم الطامع =يسعى ورى الجانب المعمور
وانته في علم البناء بارع =مايهد لأهل العزايم سور
= ينبع البحر
وش يردع الظالم الخادع =اللي فسعي الاسى مخبور
من دون ذمه ولا وازع =خلى طريق الوسل محذور
= جدة ينبع النخل
مادام قرب الوسل ضايع = وصار فيها العلاقة فتور
خلك لهذا العبث رادع = ومثلك على المشتكين يشور
=انكسر هذا اللحن عند الساعة
=الثانية والنصف صباحا
زهورات=
=الشاعر عيد القبساني
نشاء الهوى قبل نشوتنا = تعلقت به كثير قلوب
من فالهوى قال راحتنا = تحققت وانقضى المطلوب
=الشاعر خالد السريحي
ترحيب بضيوفنا الغالين = وحضورهم زاد بهجتنا
ليله وفيها البدر بدرين = بدر السماء وبدر فرحتنا
=الشاعر فهد ناصر الجهني
ياللي جعلتك نظر لطرف = وعطيتك الود دون حدود
ضيعت ذاك الغرام العف=بفكرك الارعن المحدود
لحن سلام =
= جدة ينبع النخل
الشوق ومفارقه ودي =وملاوعات الزمان المر
استعضمت وانهكت جهدي = كل يوم اكثر من اللي يمر
= ينبع البحر
ماهو على حدك وحدي =كثير يشكي مرار اكثر
وياما على البعد منحدي = كاضم مواريه ماتظهر
=جدة ينبع النخل
اشرب من المر واعدي = واشايمه بالكلام الدر
لكن مصمم يجي ضدي = انويه طيب وينوي شر
=ينبع البحر
خليك بالحلم مستقدي=لآنها من صفات الحر
اللين في ودادكم يجدي = تلقى منه كل علم يسر
= جدة ينبع النخل
فاض الاسى زاد عن سدي = قد ايش وآنا فهذا الضر
اللين زاده على عِندي = عيا معاه الجهد يثمر
= ينبع البحر
عادات من حب يستهدي = وان كان جاه الخطاء يغفر
وآنا حسب عرفي ونقدي = والحر بالمعرفه يندر
=جدة ينبع النخل
اخشى من الحلم لا يغدي=من جانبي والامر يكبر
رآيك اجاريه متحدي = حتى قرار العداله يقر
= ينبع البحر
لاتصعب الامر وتشدي = في بآلك اليآس لايخطر
تحصل مواضيع وتعدي=لآ لقيت عقول وتفكر
=وانكسر اللحن
= في تمام الساعه 4:50 ص
زهورات=
=الشاعر عيد القبساني
كله عشان الفرح لآحمد = فرحان قبل الفرح بآسبوع
الله يحقق له المقصد = ويجعله بالعلو مرفوع
=الشاعر عواد ابو غندر
ليله شاعرها زعيم الفن = الدبيش احمد ابو نايف
لنه حضر للصفاء له قن = حتى قبيله عنه عارف
=الشاعر سامي القبساني
عايش حيآتي انين ونوح = دنيآي محروم لذتها
مسكين قلبي كثير جروح = محدٍ عرف ويش علتها
=الشاعر عطية الله الفدعاني
كيف اتقانع عنه وانساه = وانسى لياليه وايآمه
لاصار دايم معي ذكراه = ويشوفها الطرف قدامه
=الشاعر حسين الشريف
بدر الوفاء بالسماء وضّاح = يعلن لكم موعد افراحي
يامرحبا والليالي ملاح = تشريفكم صافي ارباحي
=الشاعر بندر جباره العروي
لمآ التقى الود بوداده = زان الصفا واستراح وطاب
الا انا غير عالعاده = مؤنس صفايآ بعذره غاب
=وتوقف اللعب لاداء صلاة الفجر
=وتناول وجبة الافطار
لحن زمانين=
=ينبع البحر
غرام قلبي سرابه ليل = وعن وجهته ما أخبر الساري
وفكري معه مشغل بالحيل = ولا حد عنه جابلي طاري
=جدة ينبع النخل
يامن لذاك الغرام تميل=وللآن في كنْ متواري
وش يمنع البحث والتحليل=غزر البحر خوض والعاري
=ينبع البحر
جندت لجله كتيبة خيل= مابين ناشد ودواري
للان مابان لي تحصيل=والبحث من يومها جاري
=جدة ينبع النخل
مايجدي البحث بالتأويل=ولايجيب لك علم واخباري
لان فالمسأله تضليل=وغصبآ عنه صار مداري
=ينبع البحر
لك حق تبخس كفوف الكيل=منته معي عايش بناري
بينت لك كامل التفصيل=لكن معك طال مشواري
=جدة ينبع النخل
ارقى معك للرقيب سهيل =معاك مايهس معيارى
لاتقول ضاع الامل واغتيل=وانت بقو العزم ضاري
=ينبع البحر
مايوجب الامر للتهويل =والخط مفهوم للقاري
واللي معه ماعدلت الميل=لازال مشغول الأفكاري
=جدة ينبع النخل
ماعندنا فالمثل تمثيل=أعطيت للقيل مسعاري
كل مآقترب واقصر التطويل=القاك تبعد عن اطواري
=ينبع البحر
القيل لاحافه التعطيل=يحيد عن خطه إجباري
كبيتني فالعناء والويل=وانآ حسبتك من انصاري
=جدة ينبع النخل
عاصرت مثلك لذاك الجيل=حتى تعليت بأشعاري
ولاشك سطو الغرام مهيل= مايعرف العطف جبّاري
=وانكسر اللحن
= تمام الساعه 9:54 ص

زهورات=
=الشاعر خالد احمد السريحي
ماجف نبع المثل والقيل=يامن تتابع سجلاته
كل مارحل جيل يأتي جيل=وكل جيل تكبر طموحاته
=الشاعر عبدالعزيز بنيه العروي
لو ماتفقنا فجانب حال=وإن ضللوها وضلوهآ
اقولها والحقيقه تقآل=قمة هرم وإعتليتوها
=الشاعر عواد ابو غندر
وآ قلبي اللي سقيم جروح=وطآل انتظاري وانا رآجي
كل الاطبه تجي وتروح=مآقرروا طب لعلآجي
=الشاعر ماجد ابو مديده
أغراب رحنآ وجينآ اغرآب=رغم اننا من وطن واحد
الله يجازيك يآلأسباب=ضلمك على خاطري شآهد
لحن مالك الروح=
=جدة ينبع النخل
من ينصف المستحين سؤال=اللي على الصبر مجبورين
حكم العداله عليهم طال=وتحيروا يشتكون لمين
=ينبع البحر
الحق مهما الامور عضال=يعطى لامن الدليل يبين
على كذا قالوا العقّآل = اللي لهم باع فالتثمين
=جدة ينبع النخل
كل الذي كان فالآمال = نمشي على خط متفقين
في حال كنآ وصرنا فحآل=عكس الطموحات والتخمين
=ينبع البحر
إسمع حكم ينهي الأشكال=بعد الدرآسآت والتعيين
لو ماحصل فالامور خلال=ماكان ذاك الوفاق يشين
=جدة ينبع النخل
واقع عذابي معي مازال=وكم احتريها الامور تزين
في جال كآنت وراحت جال=ياراحت البال رحتي وين
=ينبع البحر
تحصل مشآكل عرآض طوال=وحلها فالرضآء واللين
شوف العقل للعقد حلاّل=هذا اللذي قالوا المفتين
=وانكسر اللحن في تمام
= الساعه 11:35 ص
للأمانه منقول=
[/poem]

اللهم بارك لهما وبارك عليهما واجمع بينهما في خير
شكرا أخي خليل الثقفي