ياهادي اللي في دجى ليل دامس ... زلت به الأقدام من فوق صفوان قصيدة للشاعر/عايد القريشي

قصيدة نبطية للشاعر الكبير/عايد حامدالقريشي يشارك فيها أهل الكويت احزانهم اثناء الغزو العراقي عليهم في عهد الرئيس المخلوع/صدام حسين
[poet font="Simplified Arabic,4,darkred,bold,normal" bkcolor="white" bkimage="" border="none,1,chocolate" type=0 line=200% align=center use=ex length=0 char="" num="0,black" filter=" shadow(color=burlywood,direction=225)"]
ياهادي اللي في دجى ليل دامس=زلت به الأقدام من فوق صفوان
تاه الطريق وتيهتبه طلامس=أعمى في وادي الهيم ويقود عميان
تحير المتبوع والتبع آيس= والتبع والمتبوع مارد وشيطان
هذي عادات اللي يحوك الدسايس=ويقتل الأطفال في يوم غفران
اللي إنتسب لقريش في سد حابس=تكريتي الأنساب مختل الأوزان
ماله ومال أهل العقول الفهارس=متسلسلين الأصل هاشم وعدنان
يحسب حرم مكه وطيبة كنايس=اذانها ناقوس يدعي للاوثان
هذي لها حراس من تحت حارس=دستورهم فالملك سنة وقرآن
عنوانهم عبدالعزيز المسايس=اللي فذاك العصر سموه شيهان
ياكم من خلاه فالحيس حايس=مثل السفينة فالبحر دون ربان
وسعود والفيصل وخالدأشاوس=داروا دفوف الملك باحكام لقمان
ياما لهم فالحرب طاحت فرايس=وياما لهم بالسلم من طيب واحسان
وهذا فهد لازال باقي وجالس=على كفوف الشعب مرتاح الأبدان
ويبقى بعون الله ماله منافس =يمناه عبدالله وأخوه سلطان
متوارثين العرش من جد خامس=حتى يجي عيسى مع أطراف الأزمان
شادوا بيوت الله وأنشوا مدارس =وكل منتهى بنيان هموا في بنيان
وإن جاهم المظلوم معلن وهامس=القوا عليه اوسام فاخر ونيشان
وإن قبلوا للحرب سطوات فارس= تكتب لهم في كل صفحة وميدان
وين انت يا صدام للحرب ناكس= تفتل قيود الغذر من نسج الأوهان
ما تعلم إن القيد في يد راكس= مابين كاف ونون لا قدره كان
لبست نفسك يا خبيث الملابس=ملابس أهل العز والفرق شتان
تقبل بوجه الخبث مكسوف عابس=وتقفي بنفس الوجه مطلي بقطران
مالك أنيس ولا نرى لك مآنس=غير الهجوس اللي على غير برهان
يمسي عليك الليل في ضيق كابس= ويصبح عليك الصبح آسف وندمان
وياشيخ جابر لا يهمك معاكس=الله معك واخوان نورة لك إخوان
وأهل الحجاز ونجد حسو حسايس=أهل الكويت وشاركوهم فالاحزان
وانت لهذا الشان يا الشيخ دارس=والشان ما يخفى على صاحب الشان
لابدها من يوم فيه إيتراوس=حق الظليم وصاحب الظلم ينهان
وانا اشهد ان الغيظ فالكبد فاحس=بس الأمل في الله ماهز الأركان
بس الصبر منا ومنكم يمارس=حتى يعود كويتنا مثل ما كان

[/poet]

م[ALIGN=CENTER]شكور جدا أخي / أبو عـرب على استخراج هذه القصيدة الرائعة لشاعرنا الكبير / القريشي شافاه الله ومن أين انتزعتها ؛؛ أكيد من أبو مؤيد أو من أبو ثامر أو من عبد العزيز

وهي قصيدة جميلة وراقية في أسلوبها ومفرداتها ومعانيها وهي من النوع الذي لا يقدر عليه إلا أبو حامد عافاه الله ,اسبغ عليه الصحة والعافية .

ملاحظة : لقد حذفت السطر الذي كتبته داخل كود الشعر كعنوان للقصيدة لأن كتابة النصوص داخل الكود تغير شكل الصفحة . [/ALIGN]

شكرا للاستاذ الشاعر/أبوسفيان على التعقيب وابداء هذه الملاحظات وتعديل شكل الصفحة
والشكرموصولا لأبناء الشاعر (حامد وعبدالحميدوعبدالعزيز) لحسن تجاوبهم وتعاونهم واهدائي هذه القصيدة الرائعة