آإلثآإنويه ...و مديرتهآإ ... ومآإذآإ بعد ؟!

بسم اللله الرحمن الرحيم

انا هنا في هالمنتدى حبيت اطرح موضوع يمكن لو نزلته رح تحسوه انه ماله داعي بس هو اللي يده في المويه مو زي اللي يده النار
اليوم كانت شهادات الثانوية ..... وطبعاا المديرة ماقصرت خرجت كل الطالبات برا المدرسة >> مدري وش تحس :rolleyes:
الشباب رايحين جايين وهما جوا ولا على بالهم
طبعا لأنه مو بناتهم ولا والله لو بناتهم ماسووا كذا
بالله هذه مدرسة !!بالله هذا اسلوووب مديرة !! تطلع بنات المدرسة في الشارع !!
لا واللي يقهر اكتر انه هما اللي قالوا تعالوا 12 واليوم جايين يتفلسفوا يقولوا قلنا 1
لا ويقولوا ((المدرسة بيتك الثاني )) الصراحة كبيرة عليهم هذه الكلمة
أي بيت هذا اللي يضف اهله براا
والله اني اكتب الموضوع وانا في قمة القهر من هذه المدرسة قال نظام ... وكلام فاضي ياخي اول شي عدلوا اسلوبكم وبعدين اتكلموا عن نظامكم اللي فرحانين فيه

من ججججد قمة المهزلة وقللللة الادب
بس احنا مانقول الا حسسسبي الله ونعم الوكيل:mad:

المديرة طلبت من الطالبات الذهاب الي الساحه الخارجية وليس الي الشارع

اظلم ظلمات يوم القيامه

هذي جات وراحت على مديرة المدرسة يعني تطلع الطالبات برى المدرسة وين راحت المسؤولية

كلكم راعي وكلكم مسئول عن رعيته

حقا ً ماشاهدت في الثانوية ...... للبنات بينبع لايتوافق مع تعليمات الوزارة
الطالبات في الشارع الى الساعة الثانية ظهراً وبشكل مزري
والنتائج كلها أخطاء في نظام المقررات وقد اصاب بعض الطالبات أنهيار جراء الاخطاء في النتائج
ارجو من سعادة مدير التعليم تشكل لجنة من المشرفات للوقوف على هدا التسيب في ادخال الدرجات وحساب المعدل ولتتق الله المشرفة المنسقة للمدرسة في إشرافها على سير الاختبارت بالمدرسة واصدار النتيجة
والله الموفق

أخوي جوال ينبع ... هذي مو أول مررة أنا كم مرة شهدت المديرة بنفسها تطلع البنات برة المدرسة يعني للشارع وتصك الباب بنفسها ... لو سمحت لا تتكلم وانتا ما شفت .. محد راح يتبلى ع المديرة ..

القهر في الشباب الرايح والجاي ... القهر على الأهل الي مستأمنين على بناتهم لناس مو قد الأمانة ...

حسبكم الله ونعم الوكيل

أخوي جوال ينبع ... انا بنفسي اوصلت ابنتي للمدرسه اكثر من مر ه ووجدت البوابه مغلقه وجميع الطالبات جالسين على مدخل البوابه الرئيسيه بكثافه شديده . الله يازمن

الحقيقة ماحدث شيء مؤلم ولا يرقى ان يكون تحت مظلة التربية والتعليم
ابنتي كادت ان تدفع حياتها ثمناً لهذا الاهمال بسبب الهبوط المفاجيء في الضغط الذي حصل لها
لولا لطف الله ثم رعاية زميلاتها لها
انا سأتقدم ان شاء الله بشكوى رسمية الى سعادة مدير التربية والتعليم

حقيقة كل الشكر والتقدير للزميلة العزيزة مديرة المدرسة
طبعاً الناس إللي رادة فوق ما تعرف الحقيقة هم فقط ينعقون
هل تعرفون أن البنات معظمهم جايين لابسين بنطلونات ولبس شفاف وعريان
ومكياج كامل لا فوق هذا كله جايين يدقو ويطبلوا ويرقصوا
والمصيبة إنه لما جأءت مديرة المدرسة وكلمتهم وقالت لهم أنا وعدتكم الساعة وحدة انتظروا في الحوش
ولا أحد يخرج سمع معظم البنات لكن المديرة فوجئت وهي تضع البصمات الأخيرة للنتائج بإحدى المعلمات
تقول لها إن البنات إللي يدقو ويطبلوا من جديد هم من مدارس وكليات ثانية وليس لهم علاقة بالمدرسة
عندها قامت المديرة بطرد البنات وخاصة وخاصة أن بعض البنات من المدارس الثانية جايين ومعاهم جوالات بكميرات وكثير منهم
من بنات الكليات .
فهل يرضى أحدكم أن تصور بنته في المدرسة ثم تنشر صورتها بين الشباب
ياترى من المسؤول عن ذلك لو حصل في المدسة .
اللوم وكل اللوم يوجه للمديرة .
أنا معلمة في المدرسة وشاهدت الكثير من بنات المدارس والكليات وهم في لبس لا ينفع
إلا في قصور الأفراح .
عيب على أولياء الأمور أن ياتوا ببناتهم بهذا اللبس .
أقول مرة أخرى لولا صرامة المديرة جزاها الله خير لكن اليوم الحديث غير .
نحن المعلمات كنا مشغولات في التصحيح والرصد والبنات كانوا يدقوا ويطبلوا ويرقصوا
هذا كله كان يعمل لنا تشويش وتأخير في إعلان النتيجة
ومن مين من بنات ليس لهم صلة بمدرستنا .

الى الاخت الزهرة البضاء هدا فيما يتعلق بجلوس البنات ولكن ماسبب الاخطاء في نتائج المقررات وبمشيئة الله سوف اصعد الامر لمدير التعليم سعادة المربي الفاضل محمد فراج الدي لايقبل هده الاخطاء

على فكرة يا اولياء الامور اقسم بالله في بنات يدخلوا بدفوف للمدرسة ويطبلوا ويرقصوا هدا غير اللبس الغير مناسب. انت يا اب لما تدهب ببنتك الى المدرسة ما تقولها اش ها اللبس او اش ماخدة معاك المدرسة ليه بس تبغوا تحملوا المدرسة مسؤوليه وبس وين تربيتكم يا محترمين واثق الخطوة يمشي ملكا ولو مالحظت المدير شئ سيئ كان ما اتصرفت كدا (ربوا بعدين تعالوا اتكلموا)