( سؤال ) عبدالله ـ خليل

[poem=font="Simplified Arabic,6,white,bold,italic" bkcolor="blue" bkimage="" border="none,4,gray" type=0 line=0 align=center use=ex num="0,black""]
عبدالله=
وش فيك غايب ماعاد تبان = فالدار ما اشوفلك طله
عساك سالم من الأحزان = والهم والغم والعله
خليل=
لاتخاف مثلي صقر شيهان = ابعد عن الدون والزله
ولا شفت وقت الملاقا حان = لي سيف اعرف متى اسله
عبد الله=
معروف ياشاعر الثقفان = عرش الوفا دوم محتله
ارجوك لاتخلي الميدان = لـ ذاك واللي يطبله
خليل=
اثمن الناس بالميزان = ولا اراعي عقول مختله
من يتبع افكارهم خسران = وياكبرها بين خلق الله
عبدالله=
اللي تعلا من الضلعان = من فوقه نجوم ومطله
وانت نجم للأدب عنوان = تهوي على الضلع وتهله
خليل=
النجم يهوي على الشيطان = لو شافله درب يوصله
وانا عنه قافل البيبان = خله على الأرض احسله
عبدالله=
من قبل لا نختم الألحان = ونقيد القيل في سجله
خط القلم فالورق تبيان = وباعممه للعرب كله
هذا حكيم الشعر لقمان = يعقد حبل واخر يحله
واللي يتمادى ترى غلطان = مجنون يسعى على ذله
خليل=
تكميل واقلدك نيشان = ساس الوفا فيك عبدالله
وامراً تشوفه معك مازان = ان كان مايعجبك خله
حنا لنا في المعاني شان = درب الأدب فيه مانمله
واللي يجنب عنه ندمان = تتعب خطاويه وتظلّه
مع تحيتنا=
[/poem]

ابن العم الغالي ( عبدالله ) كلامك جميل ورائع ارجو ان تسجل معنا هنا انتظر موافقتك
إلى متى وانت تقول لازلت في بداياتي انت شاعر ،، ، ولك تحياتي

الأستاذ والشاعر الرائع خليل
اشكرك على إمتاعنا بهذه المحاورة الجميلة كما أشاركك الرأي والدعوة بإنظمام إبن عمك لهذا الصرح
فمن خلال المحاورة تتضح شاعريته وتمكنه.
دمتما بخير

أضم صوتي لصوتكما الغاليان
خليل ,الآتي
في دعوة الشاعر المنوه عنه(عبد الله)
للإنضمام إلى شعراء هذا الصرح الشامخ
مجالسنا الينبعاوية
شكرا شاعرنا الكبير خليل
محاورة رائعة
كل منكما أجاد وأصاب
دمتم بخير

هذه شهادة الاستاذ طارق القاضي
وشهادة الاستاذ مبارك القش
وشهادتي فيك مجروحه ماذا بعد يابوعابد انتظر تسجيلك لك وللجميع تحياتي

كلام شاعر يابوهاني نتمنى أن نراه بيننا
أسجل إعجابي لكما

هلا اخي وليد فران لاعدمت هذا الحضور العطر وابشرك تم تسجيله في المنتدى وسوف نراه قريباً بيننا
لك خالص تحياتي

صحت الألسن على هذا الإبداع الغير مستغرب
الأخ العزيز الشاعر خليل الأخ الشاعر عبد الله
لكم مني كل الود والتقدير أخوكم ورد الهوى

والله كلام يابو هاني
شكرا لك ولعبدالله على
هذه المراسله الاكثر من رائعه
دمت بكل الود اخيك ومحبك البندوري

اخي ورد الهوى اشكر لك حضورك ونبل مشاعرك لاعدمتك
اخي البندر اشكر لك حضورك وهذا من ذوقك يابوعبدالله لاعدمتك
وللجميع تحياتي