السلام عليكم ورحمة الله وبركاته
أتمنى أن يكون الجميع بخير
هناك كسرة متواضعة (على قد حالي) قمت بإرسالها لعدة شعراء
تقول الكسرة
يهل العقل والمثل والشـور=يلـي لكـم فالمعانـي شــوف
وش الذي يجبر المكسـور=اللي كسوره بوسط الجوف
وكانت الرددود كالتالي
رد الشاعر القدير حمدان الحمراني
مايجبر الخافـق المقهـور=اللي على غايتـه ملهـوف
إلا المنا لا حصل بسرور=واللي معانـد عليـه يـروف
رد الشاعر القدير غالب الأحمدي
كسر الخواطـر عظيـم الجـور=وفالطب ماله دواء موصـوف
لأن هــــذا الأمــــر مـحــصــور=بيـديـن مـــن سـبـبـه مـوقــوف
ومنك السعـو وابـذل المقـدور=بالـعـقـل والـلـيــن والـمـعــروف
وللوضع إن ماحصل ميسور=الـصـبــر للمـبـتـلـى مـخــلــوف
رد الشاعر القدير الشريف أحمد الدبيش
ذا أمر في ناتجه مخطور=يبغالـه عــلاج بالمـعـروف
والعقل والعـرف والدستـور=فيه العلاج الـذي مخلـوف
رد الشاعر القدير عايش الأحمدي
المـرء يسعـى علـى المـقـدور=وبـعـلاجـه المبـتـلـى مـكـلـوف
مــاهــو مـخـيــر ولا مــعـــذور=مهما تكون الظروف ظروف
رد الشاعر القدير فهد اللقماني
لــلــي بــجــم الأدب مـشــهــور=وتــــــلازم بــفــنــه الــمــعــروف
لا أستشعر الكاسر المحظور=فـقـط يـجــي للـجـبـر مـلـهـوف
رد الشاعر القدير عبد اللطيف الأحمدي
يـامــرحــبــا يـــاذهــــب مــنــثـــور=يـامــن بـإسـمـه تـعـلـى الــنــوف
وش الــــذي ســبــب الـمـنـشـور=مايصـيـر أفـتـي بـلـيـا وصـــوف
الــــــــــــــــــــــــرد مــــــــــــنــــــــــــي :
تـبـقـون يـالـشـاعـر الـمـشـهـور=بعـذب المعانـي جمـل وحـروف
هـيـا اسـتـمـع حـالــة المـقـهـور=الـلــي بـنــار الأســـى مـحـفــوف
لـي قلـب قـاسـا عظـيـم الـجـور=وأمسـى مابيـن الرجـا والـخـوف
مــن خــل أشـوفـه لعيـنـي نــور=مـاهـو عـلــى راحـتــي مـلـهـوف
الــــــرد مـــــــن أبـــــــو ربـــيــــع :
لا عــــرف نــافـــع ولا دســتـــور=بــالــود الــلـــي بــنـــا مــايـــروف
مـــن أجـــل هـــذا لا بـــد نــــدور=اعـــذار لـلــي شـقــي مـايـعــوف
اسعـى معـه بالسـعـى المـقـدور=يـمـكــن ودادك حــــداه ظــــروف
وشوف الصبر صاحبه مأجور=اصبـر وتلقـى الصبـر مخـلـوف
أتمنى أن تنال على إعجابكم واستحسانكم
وللجميع تحيتي وتقديري
أبو دانه
طشقند
