كلنا بشر مافينا واحد اكتمل

[poet font="Simplified Arabic,4,black,normal,normal" bkcolor="transparent" bkimage="backgrounds/6.gif" border="double,4,red" type=0 line=200% align=center use=ex length=0 char="" num="0,black" filter=""]
ما يشبهون لبعضهم يا صاحبي فيه اختلاف =اللي نوى خير وعمل واللي نوى شر وعمل
الخير واجد لو نبي والشر فالعتمه يشاف= لو يختفي ما يختفي إلا على واحد جهل
اليوم لو نزرع امل.. بكرا نبي جني القطاف =ننسى مشاركنا الفرح نذكر مشاركنا الزعل
اللي يموت من الغرق لو عاش ما اختار الجفاف= تناقض الرغبه قدر محدٍ يخطط للفشل
اسهل نصدق كذبنا ونشوف خلق الله نظاف =صعبه نصدق حلمنا لو حلمنا صدفه حصل
نضحك على كثر التعب ما نعتبر من شي طاف =في كثر ما نلقى فرح يا كثر ما مات الأمل
وين الصديق من العدو اشباه والنيه ضفاف =وين القلوب الطاهره اللي تبادلنا الوصل
ما هو قوي اللي قدر يضحك على قلوب الضعاف =دام الهوى ضعف البشر ما سمي الخاين بطل
فعيوننا شيٍ غريب نظرات ما فيها اعتراف =كلٍ تغير معدنه من قسوته محدٍ خجل
لو قلتلي يا صاحبي.. يا صاحبي فيه اختلاف =طبعاً ترى حنا بشرما فينا واحد اكتمل

[/poet]

نواف الدخيل / مجلة فواصل

الجهني

والجميل لايأتي الا بجميل

نعم هكذا حامل المسك

نص جميل روح ومعنى ومضمون

لله درك

شكرا لك

[ALIGN=CENTER]اخوي ابو مقبل

كل عام وانت بخير

الف شكر لمشاركتك بهذه القصيده الرائعه

والله يعطيك العافيه على حسن الإختيار

وتقبل تحياتي [/ALIGN]