ـــــــــــــــــــــــــ جبهتـه ـــــــــــــــــــــــــ

//

///

السلام عليكم

مساكم وصباحكم مرح وفرح وسرور

مامن ورا الشوك المشربك عنبّـا

.................والضبي مايلقى براسه عراميـش

وارض الصباخي لوبها الما يصبّا
.................ما تمسك المويه ولاتنبت العيـش

والصاحب الي عن رفيقـه تخبّـا
.................وقت الشدايد ياعرب يختبي ليـش

تبا لرجـل يجحـد الطيـب تبّـا
.................وتبت قلوب اهل القلوب المغاشيش

الي على الهزلات عـاش وتربّـا
.................ماينفعك لاقابل الجيـش للجيـش

لاتحتـزم بـه فالمحـن والكربّـا
.................محزم ردا ماهو بمحزم مداغيـش

وشم الـردا فـي جبهتـه ماتغبّـا
.................مذخور من جدانه عماش وعميش

والـي يعـرض سمعتـه للمسبّـا
.................ماهو محصل كلمة النعم لو ايـش

ياطير يوم ان الفضا لـك رحبّـا
.................خذني معك ياطير بالله على الريش

الارض فيها االحسد ياطيـر شبّـا
.................وانا مع الحساد ياطيـر ماعيـش

خذنـي لنـاس عايشـه بالمحبّـا
.................ماعندهم نقطه ومركـز وتفتيـش

عاداتهـم فيهـا المثـل ينضربّـا
.................ماعاشوا بحيله وخدعه وبخشيـش

ياقلهـم بيـن العـرب ياعـربّـا
.................يادوب تلقاهم بـروس المناقيـش

مماراق لي
م/ن