كسرات رمضانية لشعراء المجالس[poem=font="Simplified Arabic,6,green,bold,normal" bkcolor="transparent" bkimage="" border="double,10,orange" type=0 line=0 align=center use=ex num="0,black""]
ابو فياض=
ياكل من شال في نفسه=على الرفق او صديق وجار
هذا الشهر خير واحتسه=والعفو من شيمة الاخيار
ريبال=
هيّا على داعي الرحمـن=نعطي هوى نفسنا راحـه
شوف السّبق داخل الميدان=فيه التّقي يحكـم السّاحـه
ابو فياض=
يامخاطب الروح والوجدان=بالخير واعطيت مفتاحـه
بالنصح نعمل وبالايمـان=نكبح هوى نفس طماحـه
ابو فياض=
دعواتكم تختزن ماتضيـع=لو كان مردودهـا مابـان
تنجيك من شيء كان مريع=واقلها تكسـب الاحسـان
واصل دعا للا له مطيـع=واستغفره معظم الاحيـان
تلقى من الضائقه توسيـع=وياتيلك الرزق باطمئنـان
ابو فياض=
للصوم نهجـه وادابـه=ماهو فقط بس ترك الزاد
احجم عن اللغو واسبابه=وطبق سنن سيد الاسياد
الوابل=
شاء الذي انزل الايـات=واوجب على عباده المنه
النصر في اول الغزوات=ثبت مع كتابـه السنـه
مايهابها المسلم الطعنات=يمضي على ريحة الجنه
هيهات للي كفر هيهات=ايديـه للنـار ودّنــه
ريبال=
فرصه لنا نعتكف ياخوان=سنة رسول الهدى حانت
نرجيبها منحـة الغفـران=لذنوب في ما مضى كانت
ريبال=
عشرة ليالي من الإحسان=نسبق على فضلها نكسب
فيها نزل محكم القـرآن=تغفر ذنوب اللذي أذنب
فيصل البركاتي=
ان كان تبقى الفؤاد يصح=هيـا معـى ياعبيـد الله
من العشا لا صلاة الصبح=اعكف وصلى فى بيت الله
وصلى التراويح يا مسبح=وسبح وهلـل بحمـد الله
اما التجهد فأحسن ربـح=والنفس تشفى بذكـر الله
فالصوم ماهو كلام ومزح=ولااكـل لحـم خلـق الله
ابو واصل=
ليلة من العشر فـي وتـره=بألف ليله .. سعيد البخـت
منهو اجتهد فالعمل ..و أمره=للخالق اللي أمرك وصمـت
ابو فياض=
لك اجر عند الولـي قايـم=يامفطر الصايـم بتمـره
وتكسب رضى الله والصايم=ماينتقص شىء من اجـره
ريبال=
ليله تحرى لها قاصـد=تلقى عفو ربنا عنّـك
ليلة فضل ذكرها شاهد=عن غيرها زادهاربّك
محمد الصيدلاني=
ليلة قدر أمنية مسلم=بعد الدعى يوم تأتيله
يارب وانت الذي تعلم=وفق لنا هذه الليلـه
ابو فياض=
ياليلة القدر نحريها=هذاالشهر بعد ماجانا
ياالله تكتب لنا فيها=ميقاف وتحقق دعانا
ابو فياض=
من خير مايملك الانسـان =ينفـق اذا للاجـر رايـد
كل ماتصدق لك الاحسـان =وهذالشهر مكسبـه زايـد
انفق ولا تخاف من نقصان= اجـر الـذي تنفقـه وارد
ياعاجل يشاف بالاعيـان=ولا اجل مكسبـه عايـد
محمد الصيدلاني=
مـن يفعـل الخيـر لا بـده=يحصد من الخير ضعف الخير
ينفق مـن المـال ماعنـده=يرجي بها صاحب التيسيـر
ريبال=
توبه لهـا ربنـا يفـرح=يلزم علينا تجـي بـدري
نقولها قبـل مـا نبـرح=عن دار فيها العمر يجري
ابو فواز=
يديـنـه الله مبسـوطـه=في كل لحظه من الأوقات
وان كان الأعمال مخلوطه=توبه نصوحه عن اللي فات
الوابل=
سبحان من يقبل التوبه=يغفر لعبده ليا انه تاب
توبه وما بعدها نوبـه=مع الندم ماعليها عقاب
محمد الصيدلاني=
يامسلم اوصيـك لا تغفـل=عـن ذكـر ربــك وتكبـيـره
في شهر واجب معه تسأل=عــن ذنــب ودك بتكفـيـره
ابو فياض=
المرء لوكثـرث ذنوبـه=مـن رحمـة الله لايقنـط
يقبل علـى الله بالتوبـه=مهما على الذنب ما يسخط
محمود=
هذا الشهر فرصة الانسان= بالمصحف يكحل عيونـه
اقرأ تدبـر بكـل اتقـان =تكشف مدى اسرار مكنونه
اتلاه مع خالص الايمـان= يشفي شقا نفس مغبونـه
ولاشك يشهد لك القـران= فيما قريته مـن متونـه
الوابل=
اقرأ كتابه وهـل دمـوع=واخشع مع الواحد القهار
ان كان عينك بكت بخشوع=بدموعها ماتشوف النـار
ابو فواز=
من كان في تلاوته يسهر=يزيد أجره من الرحمـن
وينفعك في الموقف الأكبر=ان كنت حافظ من النيران
ابو فياض=
الله يــا دورة الايــام =من كان يضمن يجيه اليوم
كم من رحل في خلال العام= والبعض ودع قبل لايصوم
وحمدا على نعمة الاسلام= هل الشهر وابتدينا صـوم
عبره ومد النظـر قـدام =خلك مـع الله دايـم دوم
واصل مع الناس والارحام= ورمم ماشابه كدر وغيوم
صلي فروضك مع القيـام= لايغرك ابليس وقت النوم
احرص على البر والايتام= وداوم على كتابه المعلوم
ومبروك ياللي اتاه وصام= ولعل منه رحـل مرحـوم
ابو فواز=
قدرين في اليـوم ماتكفـي=حتى تقسم على الجيـران
وتحسب حساب الذي يلفي=بعيد والا مـن الصدقـان
وتقول هذا الشهـر مقفـي=والخير موجود في الأوطان
واعلم تـرى ربنـا يعفـي=للي عمل خير في انسـان
ولو كان بعد العشاء هرفي=يزيد اجرك من الرحمـن
ومن التعب خاطري يصفي=لاصار كله لقـي إحسـان
ابو فياض=
نفسك توهق على الاصناف=لاتزيـد والعيـن تغريهـا
من خوفك الجوع بالاسراف=ثلتيـن صفرتـك ترميهـا
عبد الرحيم البلوي=
يامن عطـاه الله النعمـة=إسمع نصيحة عن الإسراف
كثر السرف للنعـم نقمـة=تسبب الفقـر والإضعـاف
ابو فواز االتراويح=
إحياؤهـا السنـه مـؤكـد=والأجر مايضيع يوم العرض
واتبع ما قال النبـي محمـد=وصلي مع الناس كل الفرض
ابو فياض=
روح عــن الـنـفـس بقـيـامـك= باحيـاء سنـه مـن الطـاعـات
تكـمـل بـهـا زيـنــة صـيـامـك= رصيد يحسب مـع الحسنـات
فيـهـا دعــى يخـفـف آلامــك= وتسمع مـن الوعـظ والايـات
ومـــدام مــحــدوده ايــامــك= فرصتـك فـي هـذه الاوقــات
تلقـى الـرضـى دوم قـدامـك= وتجلب على نفسك الراحات
حرصك تكاسل عن اسهامك= داوم وعـوض بعـض مـافـات
الرحال=
اعزم ولايغرك الشيطـان=وعن طاعة الرب لايغويك
ولتقول مربوط فرمضـان=لانمت لالفرض ما يصحيك
وقرى وكثر مـن القـرآن=واخزيه قـدام لايخزيـك
لجله اذيه علـى الأنسـان=اما تعـوذ عنـه يأذيـك
الوابل=
يقرب بها العبد من مولاه=بصلاتها يختـم كتابـه
سنه بداهـا رسـول الله=وبشر بها باقي اصحابه
محمود=
اكد رسول البشر واغنـم=عمرة رمضان تعدل حـج
فرصتك هذا الشهر تهتم=وتجيبها لو بعيـد الفـج
ريبال=
شوف الأجر واترك الهرجه=بشرى رسول الهدى عندك
عمره تعادل معـه حجـه=لاجبتها في شهر صومـك
الوابل=
اقبل عليه الاجـر اقبـل=واقرأ الحديث الذي معناه
عمرة في هذا الشهر تعدل=حجه بصحبة رسـول الله
ابو فياض=
اسمـع نبيـك ومحبوبـك =ومضمون قوله فهذا الشان
اقبل وفالصـوم مطلوبـك= لاصمت حاسي اجر وايمان
الله يغفـر لـك ذنـوبـك= اللي مضت واستعـد الان
واغنم من الوقت ماينوبك= ياطالب الصفح والغفـران
ابو فواز=
الـصـوم لله يجـزابـه=المؤمن اللي طلب غفران
والله مايردلـك جـابـه=اطلب مـن الله ياانسـان
خليل=
ياهلال بشر بشهر الصوم=وادخل على قلوبنا الفرحه
رؤياك تعلن بدايـة يـوم=الكل يسعى على ربحـه
ابو فواز=
هلال صمنا على رؤيـاه=الفضل فـي كـل أيامـه
والعفو من ربنـا نرجـاه=يكتب لنا الأجر في صيامه
ابو فياض=
استبشـر الكـل بهلالـه=شهر انتظرنا هلوله عـام
واظفى على الكون باظلاله=وفرحه على امة الاسـلام
ابو فياض=
الله واكبر هلاله عاد=بامره على وقت ميعاده
نفس الشهر في جميع بلاد=والفرق في عد من عاده
على كذا والسنين جداد=مابين راحل وميلاده
مرحوم يامن طواه بعاد=وابارك الحي ميراده
ابو فياض=
ياكل من شال في نفسه=على الرفق او صديق وجار
هذا الشهر خير واحتسه=والعفو من شيمة الاخيار
[/poem]
