أربعة ألحان رائعة في رديح أبو حسين بينبع النخل

أقيم هذا الرديح بينبع النخل يوم الأربعاء 18/ رجب /1431هـ

شارك فيه من صف ينبع النخل الشاعر : عطية الله الفدعاني
ومن صف جدة : الشاعر عبد العزيز بنيه والشاعر ماجد أبومديدة ومعهم الشاعرناصر السميري
ومن ينبع البحر : الشاعر ياسر الكبيدي.

لــحــن لـيـحــان
صــــف جـــــدة

[poem=font="Simplified Arabic,6,blue,bold,normal" bkcolor="transparent" bkimage="backgrounds/8.gif" border="none,4,gray" type=0 line=0 align=center use=ex num="0,black""]
ميقاف كسب الوفاء حتّـم=ورد الموافى علينـا ديـن
سلام مثـل الرعـد لارزم=وابل سحابه يسـر العيـن
صـف ينـبـع النـخـل=
مابيننـا الطيـب مايقـدم=بقدومكم فرحنـا فرحيـن
ترحيب لجل الوفاء بلسـم=بأهل الوجب والمسار الزين
صــــف جـــــدة=
يللي ترحـب بنـا تسلـم=وإحنا على الطيب متفقيـن
كسب الوفاء بالوفاء مغنـم=عساك باقي مـع الباقيـن
صـف ينـبـع النـخـل=
لجل الوفـاء بيننـا معلـم=مرسوم نهجه من الماضين
حنا من الطيـب مانسـأم=نوفـي الكيـل للوافـيـن
صــــف جـــــدة=
تم الوفاء والموافـى تـم=وسرنا على الخط متساوين
ابحر معي في غزير اليـم=نبغى الذي في الخفايا يبين
صـف ينـبـع النـخـل=
الطيب موجـود ومرسـم=مشهود مثل الجبال العيـن
وياما سعينا بغزيـر اظلـم=وياما رسينا مع الراسيـن
صــــف جـــــدة=
غياهـب الوقـت ماترحـم=سنين راحت وجات سنيـن
وانـا عيونـي تهامـل دم=وكل يوم تبكي على الغالين
صـف ينـبـع النـخـل=
من جور الايام من يسلـم=ومن فيه ماجرّب التحزيـن
اللي معه عزم مااستسلـم=إيمان قلبه قـوي مايليـن
وانـكـسـر هذا الـلـحــن=
[/poem]

لــحـــن ســـــلام
يـنــبــع الـنــخــل

[poem=font="Simplified Arabic,6,black,bold,normal" bkcolor="transparent" bkimage="backgrounds/8.gif" border="none,4,gray" type=0 line=0 align=center use=ex num="0,black""]

قلبي رئيس العضا حسـاس=ينـزف ومحتـاج لإسعافـه
لو ما عليه الضلوع أقـواس=يُسمـع رزيمـه ورجـافـه
جـــــــــــــده
حنّـا هنـا للأمـور قيـاس=قلبك ونسعى علـى إنصافـه
ولو ما الخطر ما تُدق أجراس=وأهداف جاته علـى أهدافـه
يـنــبــع الـنــخــل
اللي معـه للأمـل مقبـاس=ولا يعرف اليـاس وإجحافـه
كيف يتجاوز جحيـم البـاس=وكثرالعـذاب الـذي طـافـه
جـــــــــــــده
لك قلب طاغي عليه إحساس=يلايـم إحسـاس ويعـافـه
لو كان ذاك الأمـل مـدراس=مايتـرك القلـب بخـلافـه
يـنــبــع الـنــخــل
حنـا سألنـاك دون النـاس=ويسأل عـن القيـل عرافـه
لا تكبنا فـي بحـر غطـاس=مطـوي شراعـه ومجدافـه
جـــــــــــــدة
إن لم يكن للمعانـي سـاس=راعيـه مـا حدد أوصـافـه
يبقى رهن ضيقـة الأنفـاس=ويطول في الجـور ميقافـه

[/poem]

لــحــن زمـانــيــن
جـــــــدة

[poem=font="Simplified Arabic,6,blue,bold,normal" bkcolor="transparent" bkimage="backgrounds/8.gif" border="none,4,gray" type=0 line=0 align=center use=ex num="0,black""]

شمـس الحقايـق مطالعهـا=صارت في كبد السما تنشاف
ماتنحجـب عـن مواقعهـا=لو جردوها مـن الانصـاف
يـنـبــع الـنــخــل
انـوار والـحـق رافعـهـا=ويشوفهـا الملهـم العـراف
والنفـس تتبـع دوافعـهـا=اللي لها مـن وراها أهـداف
جـــــــــــــدة
يا انـوار اعـرف مطالعهـا=شمسي أصيله لهـا ميقـاف
والمسألـه مـن وقايعـهـا=ماشافوا اللي لابـد يشـاف
يـنـبــع الـنــخــل
مـدام لـك شمـس تابعهـا=وانت ذكي ما عليـك خـلاف
لاتحـول دونـك موانعـهـا=اللي لها اطماع واستهـداف
جـــــــــــــدة
أنــا مـوثـق منابعـهـا=ما اطلب لها عطف واستعطاف
لكـن سبايـب مواجعـهـا=مصـادم الـود والاعـراف
يـنـبــع الـنــخــل
ان كنـت مجبـر تسانعهـا=دور لهـا منهـج الأسـلاف
قــدام تكـثـر ذرايعـهـا=وتنزف جهـودك استنـزاف
جـــــــــــــدة
لـو ماحفظنـا مراجعـهـا=ماشفتني عالـي المشـراف
لكـن بـلانـا مخادعـهـا=يحدنـا للـكـلام الـجـاف
يـنـبــع الـنــخــل
عنـدك امـانـه ودايعـهـا=أنت مكلـف بهـا مكـلاف
من حقـك تكـون شافعهـا=وتكون منقـذ لهـا واسعـاف
وتجنـي مرابـح صنايعهـا=ولا يصير منها عليك إجحاف
يمكـن بعـرفك تطوعـهـا=مـادام قلبـك لهـا ميـلاف
وانـكـســر هذا الـلـحــن=

[/poem]

آخر لحن مـالـك الــروح
يـنـبــع الـنــخــل

[poem=font="Simplified Arabic,6,black,bold,normal" bkcolor="transparent" bkimage="backgrounds/7.gif" border="none,4,gray" type=0 line=0 align=center use=ex num="0,black""]
قلبي شكى واستهل الطـرف=في حين جدت معـي ذكـراه
لكن تمـرد علّـي الحـرف=وحـل بمحلـه لهيـب الآه
جـدة
ما يلام من هو يعاني ظـرف=وصارت حروف المثل تعصاه
طـرف المـودين يـذرف ذرف=تذكر القلـب مـن يهـواه
يـنبع الـنخل
أشرب من المر واغرف غرف=من جرحي اللـي تعظّـم داه
وياما صرفت المدامع صرف=لكن قسم ما قـدرت أنسـاه

جدة في آخر مردود
أنـا بهـذا الأمـر أعـرف=اللي في دمي جـرى مجـراه
مالك عن مفارقـه محـرف=صبراً علـى مـا كتبـه الله

[/poem]

ويا اصحابنا سامحونا
رجاء للمشرفين نقلها للقسم المختص
لأنني ما أستطيع الدخول وشكرا