مهرجان ربيع ينبع 31 ــ فعاليات العيص الاثنين 5/5/1431هـ
قصيدة نبطية من نظم وإلقاء الشاعر // صالح بن فايز السناني
http://arab2up.com/ad/rp83.bmp
[poem=font="Simplified Arabic,6,black,bold,normal" bkcolor="transparent" bkimage="backgrounds/6.gif" border="solid,4,gray" type=2 line=0 align=center use=ex num="0,black""]
رددي يافيافي عيصنا أحلى النشيـد =وإنثـري بالقصايـد ورد قيفانـهـا
نحضر لمهرجانك من قريـب وبعيـد=والمشاعـر شواهـد واللقـا زانهـا
جيت للعيص أشارك واستحث القصيد=والقي اللـي تعلمتـه مـن لسانهـا
جيت للعيص أصافح أرضها بيد بيـد=وارتـوي شـوف ديرتنـا وحيانهـا
جيت أقبل جبين العيص وأنا سعيـد=وافتخر بالعشيره واعشـق أوطانهـا
وارعدي يالقوافي كل معنـى جديـد=في محبـة بـلادي هلـي أمزانهـا
تحت راية بـلادي والغـلا يستزيـد=ديـرة العـز وآل سعـود فرسانهـا
راية وحـدت رب الجـلال الوحيـد=دولـة شرعهـا دستـور قرآنـهـا
انتي أغلا وطن والعمر دونك زهيـد=انتي ارض العدالـه فيـك ميزانهـا
منك نبع الرساله والشمـوخ التليـد=وسيـد الانبيـاء وخاتـم اديانـهـا
منك هدي الصحابه منك إبن الوليـد=ومنك اخو نوره اللي اسس كيانهـا
منك عبد العزيز الفـذ فعلـه مجيـد=ورَث المجـد للـي عـزَزوا شانهـا
وبعده ملوكنا اللـي حققـوا مانريـد=بالملـوك الاشـاوس ربنـا صانهـا
باركوا لابو متعب حب شعبـه يزيـد=نال حـب الديـار وحـب جيرانهـا
يامليك المحبه جعـل عمـرك مديـد=انت صقر العروبه وانـت عنوانهـا
شوف نبض القلوب لحبك اكبر بريـد=انـت نبـراس رايتهـا وشجعانهـا
وابو خالد على العدوان عزمه حديـد=ضد منهو نـوى بالغـدر عدوانهـا
هو عضيد ابو متعب بالقياده رشيـد=عـزه الله وعـز الـدار سلطانـهـا
وللمواقف رجال وللبطـولات سِيْـد=ونايـف آمـان زايرهـا وسكانهـا
واحمد اللي له الراي القـوي الاكيـد=احمد حصون امـن الـدار وامانهـا
حيّ مقرن وحيّ جهود عبد المجيـد=للمدينـه واهلهـا وكـل ضيفانهـا
يالله احفظ محمـد يـا إلـه العبيـد=أمّـن المُـدن وامّـن كـل وديانهـا
وحيّ ابن ماجد اللي في جهوده إنْشيد=جسَـدت وقفتـه مقـدار إنسانـهـا
وقفته ما تضاهى بالنهـار الشديـد=ضمَد جراح أهل العيـص وأحزانهـا
صارت احزاننا بزيارتـه يـوم عيـد=ضيَف العيص كلـه يـوم بركانهـا
لو اردد قصيـدي بالبواسـل واعيـد=واستثير القوافي واضبـط اوزانهـا
بالولا يقول نبض الشعر هل من مزيد=لو بدمَـي كتبـت سطـور ديوانهـا
رفرفي يالروايا الخضر مجدك عتيـد=ديـرة يستحـق الـروح نيشانهـا
للخيانه وجيـه تكيـد مهمـا تكيـد=والله إنّا الرصاص بصدر من خانهـا
يا دعاة الدمار وشـر حقـد المريـد=مـا يهـم البواسـل نبـح خواَنهـا
منهو اللي بدمـع الارملـه يستفيـد=ومنهو اللي يفيـده قتـل شيبانهـا
منهو اللي لشوفة هاليتامـى يريـد=كل دعـوة يتيـم , إتْفَـك بيبانهـا
يامّهات الفقيـد ويابنـات الشهيـد=والله إنـا جيـوش الـدار ورهانهـا
زغـردن والله إنـا للخيانـه نبيـد=شجرة نقتلعهـا ونقطـع أغصانهـا
يستحق الثـرى نسقيـه دم الوريـد=مرتـوي بالبطولـه رمـل كثبانهـا
وصعب نقدر نوفي هالكيـان الفريـد=وذي مجرد مشاعر فاضـت الحانهـا
ونقدر نقول هذي بس نبضـة حفيـد=من جهينه ونبـض قلـوب شبّانهـا
شاعر الغربة / صالح السناني=
[/poem]
