http://smiles.al-wed.com/smiles/60/200685141128.gif
http://smiles.al-wed.com/smiles/25/8.gif
احبابي عشااااق القصيد اليكم هذه القصيدة والتي اخترتهالكم من ديوااااااني الخاااص والتي ارجو ان تنااااااااااال اعجااااااااابكم وقبووولكم وعذرا عن اي قصوووووووووور لكم الشكر مقدما ..
الدارموحش والزواياحزينة
والباب والشباك في صمتهابوح
والسقف والجدران يذبح ونينه
صارت تهذري بيك ممرات وسطوح
واثاث صابه من غيابك غبينة
حتى الستاير هزها الشوق وتنوح
واغراض عافتها رفوف الخزينة
تفرقت بين المعاليق واللوح
تحفة صور حتى الهدايا الثمينة
متبعترة وتصيح والصوت مبحوح
كل الأماكن تسال تقول وينه
تبكي وخاطرهامن البعد مجروح
حالي عقب فرقاك يازين شينة
مابيك تبطي ياهوى البال والروح
تكفى غيابك لاتطول سنينه
ماتدري اني في محبتك مشفوح
ارجع تراقلبي تزايد حنينه
والدمع من عيني على الخد مسفوح
الله يردك يافنار المدينة
ويشع نورك ياقمر كل مملوح
متى يديني تحتضنهايدينه
واشم عطرينعش القلب ويفوح
