( و مايهبني عمق البحر لأنك معي عايمه )

[ALIGN=CENTER]قصيده اثرت بي كثيرا كثيرا
يابوي

يابوي بعد فرقاك إستوحشت أنا البيت 00**** تقول مابه حد أو كنّ ذا الناس نايمه
صوّت لك يابوي .. شفتك مارديت 00**** قلت أكيد هو نايم ولا ني بلايمه
صوّت لك يابوي ويوم إنك أبطيت 00**** حسيت إن ذا البيت رخّت دعايمه
رد الصدى كيف تصوت على ميت 00**** قلت له بوي ما مات بس عيونه نايمه
يابوي تكفى رد وقول له صحيت 00**** وهذا لذيذ النوم وهذي نسايمه
خليتني أسلى عنك يوم ناديت 00**** وإلا إنت لا ناديت شفت الأشواق قايمه
قل له أنا لو غبت ما أعتبر ميت 00**** لأني على عهد بتذكر لزايمه
عهدا مع رجالاً بيدي أنا ربيت 00**** على حسن التربيةٍ شف علومهم دايمه
قل له على التعليم كيف الحياة أفنيت00 **** فوق الثلاثين عام تذكر همايمه
خرجت أجيالاً تسمع لهم صيت00 **** وذكراك بين الناس شفها دايمه
لا قالوا مبارك قالو نعم إللي طريت00 **** حراً وتخبر الحر بهيبة نسايمه
قل له أنا ميت إذا إنت سمّيت00 **** وإلا إسمي انا مامات صلبه دعايمه
مرحوم ياللي سابع العيد أقفيت00 **** بعد ماقضيت فرضك والشهر صايمه
الله يعلم إنك مالحظة سجّيت00 **** تسج كيف ومشاعري فيك هايمه
كنت لي مثل الجبل إليمن توكيت 00**** و مايهبني عمق البحر لأنك معي عايمه
وخليتني اليوم يابوفهد وأقفيت00 **** وولدك بعد فرقاك إنهدّت عزايمه
حاولت أكف الدمع لكني أزريت 00**** وشلون أكف الدمع والعين غايمه
ياليتني شاعر وأدمج البيت بالبيت00 **** لكتب لك بكل بحور الشعر وقسايمه
لكن لك وعد يابوي برقبتي ماحييت 00**** سلومك إللي علمتنيها تبقى قايمه
ولا ظل لين أموت برجاء رب البيت00 **** إن يغفر لزلا تك بواسع رحايمه

قصيدة / فايز بن مبارك بن فهد الهلال [/ALIGN]

أخوي الرسمي مساك الله بالخير


معاني رائعة وألفاظ سامية وإحساس مرهف

مثلك لقد تأثرت بها

جميل

تحياتي

[ALIGN=CENTER]الاخ / ابو نايف

السلام عليكم ورحمة الله وبركاته

اسعدتنى بمرورك يالغالى وتسلم .[/ALIGN]

[ALIGN=CENTER]أخي / الرسمي

كما أثر فيك هذا الشعر فقد أثر في صاحبك

فكلنا في الهوى سوى

رحم الله والدي ووالدك وأسكنهما فسيح جناته

لكن لا تعودها وتنقطع مرة ثانية رمضان قادم والألغاز تنتظرك وأكيد ستحدث منافسة بينك وبين الجهني وأبو عزام في طرح ألغاز الريفي والتي سيصعبها أكثر لعلمه بوجود المميزين أمثالكم[/ALIGN]

تسلم ياابو تركى على مرورك ياالغالى ( رمضان كريم )