ابو نايف

[الحازم]

صباح الخير ظهر الخير عصر الخير والمغرب = يجيه الخير من بعد الغروب لفجره الثاني

ابو نايف يحد السيف بالسكين فالملعب = ينادي فالعرب ويقول منهو بيتحداني

[ابو نايف]

إييييييييييييييييييييييه طيب يالحازم


صبحك الله مساك الله عشاك الله علم يطرب

حياك الله وابقاك الله جني ولا مودماني

أبـو نايف حـد سيفـه بالسكين وده يضـرب

وانتـه جيتـه وانتبه له لا يجيك مع المثاني

[الحازم]

خلووووووووها


عساك بخير لاتستعجل المأكل على المشرب = ترى لو تقطع الضوء الحمر تحلم تعدّاني

صحيح الفعل ماهو مثل جمع أوراق فالمكتب = ولو ردّيت لك بتصير قصه دون عنواني

[ابو نايف]

إييييييييييييييه خلوها


انت تعرف من يجي للسيف يمسكـه بالمقضـب

وان مسكت السيف ياحازم تراني ما تراني

قالوا العربان طيب البنت ياتي حسب المنسب

وانته اللي جيتها خطاب من فوق الحصاني

[الحازم]

استلم لاهنت
اعرف انك تجي بالصف الأول يمكن الأقرب = ولكن الجبال العاليه للذيب سرحاني

لقيت البنت تكتب كلمة الراكب على المركب = تقول القاضي ابو نايف المجني مع الجاني

[ابو نايف]

إسمع يالذيب


انامكاني بالصف الأول وآتي حـسب المطلب =
والجبال العاليـه مـن فوقهـا نجـم اليماني

انته حازم مدري عاصم مدري جازم ولا تلعب =
بكتب لها صك موثق وانته حضر بالأثماني

[الحازم]

خلووووووووووووها


علومك مابها ريبه تقول انك شبه مطرب = ومن يسمعك ردّدها على قافات وألحاني

أنا الراجح وأنا الفالح وأنا الناصح ولاتتعب = وثيقتك الجريحه ماصرفها غير الألماني

[ابو نايف]

إيييييييييييييييييييييييه خلوها


الكلام الزين من يسمع له يالحويزم يطرب=
لو هو يآتي مثل صوت الرعد من فوق المباني

كثير من يظن طعم الحنظلـه مثل الحبحب =
يذوقهـا مـن طعمهـا يجـري تقول ابـه جنانـي

[الحازم]

تفضل لاهنت




هقيتك لابغيت تبيع تعرف تحسب المكسب = لقيت الجهل عاده فيك والا الجهل ربّاني

نعرف الفرق يالأصحاب بين الماس والكهرب = ولكن مانقول الصيدلي دكتور الأسناني

[ابو نايف]

إيييييييييه خلوها


اعطوك ادروس لكنك ما تصحى غير بالمضرب =
ان رفعتك تصيح بها وان نزلتك لك وناني


الخارجـي عـن ملـة الاسـلام يصـلب بالمصلب =
وانا دكتورك اللي يصرف الوصفه بمجاني

[الحازم]

خلووووووووووووووووووها




ولا يافاهم الدنيا وش المقلوب والمقلب = ترى بعض الرجال العور ضاعت قبل عمياني

أشوفك من كثر ماتكتب العربان من يعرب = تمنّى لو جهينه تكتبك في صف جهناني

[ابو نايف]

إيييييييييييييييييييه خلوها


ولا يافاهم النحو وش المنصوب والمنصب =
حـيلـة نعـام البر يدس راسـه بين كـرعاني

جهينه عزوتي وافخر بهم وهم ليه مذهب =
عرق النخل ينبت نخل وشنان تنبت اشناني

[الحازم]

ابو نايف استلم لاهنت



ياليت الصوره اللي تحت رأس شعيل ماتقرب = على شان العرب ماتعرف القاصي من الداني

أنا بأنصحك روح لديرة الشجعان لو تحطب = تراه أحسن من اللي ماورد ذكره بالأوطاني

[ابو نايف]

إيييييييييييييه طيب استلم لاهنت


روح اقلب الصفحة وتلقى الخط اللي لك مرتب =
وان ما قريته من عدان يجيبون الترجماني

انـا بانصحــك روح يـم غمير وحـولـه اتحـظب =
تراه احسن من اللي ورّدوا ذكره بالاواني

[الحازم]

اخوي ابو نايف

بيض الله وجهك على هذه المحاوره الجميله

والتي استمعت بها معك ومع معانيك الرائعه

والى لقاء اخر

وتقبل تحياتي وتقديري

[ابو نايف]

ألأخ الفاضل الحازم



الله يعطيك العافية ويكثر من أمثالك , وحقيقة محاورة أستمتعت بها واستفدت منها ومن أسلوبك الرائع في المحاورة .

شاكر ومقدر لك ودمت لأحبابك


تحياتي ;);)